استفسار

[roma8]

السلام عليكم ورحمة الله وبركاته

الله يعطيكم العافيه بس حابة استفسر منكم لانكم اعلم مني

انا سنة تحضيري وبدأ التسكين عندنا وحابة اسأل عن الحاسب

كيف سهل ولا صعب دراستو

لان كل ما سألت قالولي صعب فقلت أسألكم انتو اعلم وهل يبالها لغة (انجليزي) ولا عادي زي التحضيري لان بصراحه الانجليزي مو مره

وشكرا

[اللولو]

وعليكم السلام والرحمة

شوفي كلام البنات كثير وكل وحدة تتكلم من منطلق خبرتها وقدراتها يعني ماتقدر تجزمي ان هذا الشي راح يصير لك

الحاسب مو سهل وفي نفس الوقت مو صعب بس يحتاج له وقت

اللغة الانجليزية صارت شي رسمي في كل الاقسام بما انك علمي وبعدين انتي في نفس الوقت تتعلمي المصطلحات الانجليزية يعني محد راح يسألك أخذتي هذي الجملة من قبل او لا

واذا انتي حابة القسم مافي شي راح يوقف في طريقك ...بالتوفيق

[ZoOny^^]

بسم الله الرحمن الرحيم
وبعد :p
بالنسبه للدراسه زيها زي اي قسم في مواد سهله وفي مواد متوسطه وكلها ان شا الله بتكون سهله لو تتابعي شرح الدكتور وتكتبي معاه وتسوي تلخيص لنفسك وطبعا اهم شي اذا انك تحبي القسم كلو رح يسير سهل
وبالنسبه للانجليزي اغلب الاقسام سارت المناهج حقتها بالانجلش بس واللهي مو صعب يعني الدكتور لمن يشرح يحاول قد مايقدر ييتكلم بكلام سهل وينفهم يعني اذا كنتي مركزه مع انجليزي التحضيري وطورتي نفسك شويه رح تقدري تمشي في مناهج الحاسب الانجليزيهـ ^^ وكمان في اصحاب يعني كلكم تساعدو بعضكم في الكلام

اههههم شي اختاري قسمك الي تحبي وحطي اوووول شي في الرغبات
وموفقيـــــــــن يارب جميعا