الحمد لله على السلامة ،، أخباركم بعد اختبار الكفايات يوم الاثنين 9ربيع الثاني

[الطموحه خوخه]

الاختبار عموما كان متفاوت
يعني القطع جده طويله ويبغالها وقت من جد مرررره طفشتني
وسوال الجدول ماله اي داعي انه يلي فهمته منه انه اهم العناوين محلها في الصحف
ماادري هوا دا فهمي ازا كان غير كده ...الله يستر
ومحا تفرق لانه جاوبته بسرعه
وبعدين د سوال يبغاله ناس مروقه مرره اخر القطعه مابقي وقت خلاص
يعني هوا اخر القطعه تجي فراغات جرامر وكلمات هادي والله انا كنت احلها في اخر 5 دقايق من الوقت
والحمدلله الحمدلله كانت سهله
بالنسبه للترتيب حلوو والقاعه كانت برودتها طيبه يعني جبت جاكيت ومااحتجته مدري هيا 105 مدري 108 نسيت
والاستاذات صح مرو كتير وقت الاختبار لاكن انا ماالومهم اكيد ماكديين عليهم مليون مره والمسؤليه كبيره عليهم
المهم يارب ياااااااارب اعدي انا وكل البنات يارب

[الطموحه خوخه]

معليش هرجت كتير
بس في نقطه مهمه
بالنسبه للمنتدى انا مررره استفدت منه
الله يعطيكم العافيه على مجهودكم وعلى تعاونكم
دوره الاخت لينا وحنين ومساعدة الاخت شواطئ والاخ عماد
تسلمو كلكم

[حبي لذاتي قمة أولوياتي ~]

أولاً بسم الله الرحمن الرحيم

ثانيا ولله الحمد الأختبار راح وأنتهى ولكن لان غيري سيدخله سأكتب كل ماحدث لي .

ثالثاً خرجت من البيت الساعة 5 وربع وصلت في ربع ساعة الحمد لله مافيه زحمة ومرتبة وضعي من أول عن سؤال فتح بوابة شمالية جديدة .

رابعاً دخلت والأمن قالوا مبنى 420 << ادري توجهت ومعي جواز سفري وتم تحويلي للقاعة 105 وسبحان الله كانت مليانة فقالوا الدور الثاني قاعة 201 .

خامساً دخلنا وحجزت لي مكان قدام وكان حرفي ( d) << هذه الحروف تطابق حروف الكتاب اللي معنا حق أختبار ستيب .

سادساً انتظرنا وقت الصلاة ولله الحمد جبت معاي سجادة على قدي صلينا وخلصنا .

سابعاً بدأو في التعليمات << وهنا أكبر غلط وضعوا دكتورة ماتعرف تتعامل مع الجهاز [ القرص فيه 6 ملفات مفتكرة كويس 2 وورد و2 بي دي اف وواحد تجربة صوت والثاني التوقيت أبو 25 دقيقة لكل قسم ] كل مرة تفتح ملف وتقرأ منه شوي وتقفل وتروحي تفتح ملف بي دي اف وتقفل ماهي عارفة تقرأ أيه وإلا إيه . << تجاوزت الأمر لاني مطلعة ولله الحمد ما أنتظرت منها شيء تقول أعمليه كل شيء مرتب عندي .<< مجربة في القدرات .

ثامناً : طبعاً موزعة الكتيب للأختبار وماشاء الله فيه وحده اسمها نجوى تبع مركز قياس قمة في الرقي والتعاون ومعطاءة بشكل غير متناهي . قالوا بيبدأ القسم الأول وفعلاً كان تمام فيه شيء واضح وسهل مررررره وفيه شيء يبغالوه تركيز << وأهم نقطة طبقتها ولله الحمد اول ماتعرفي الجواب وتأشري عليه في الكتيب ظللي بسرعة وبعدين عيدي على التظليل في وقت ثاني .

تاسعاً القسم من 2 إلى 6 تنوعت بين السهل والصعب والمعقد جداً !!!

- اغلب الأسئلة عن معاني الجمل زي مثلا كلمة السر معنى لها !
- القطع جداً جداً جداً كثيرة ( وليام وجولييت والقلب صح ، قطر ، سيارات نيسان << أستغربت بصراحة ، الطلاب ومشاكلهم مع البرفسووور ) .. << ماني مفتكرة )
- القرامر واضح ( قاعدة if \ الفواصل \ would) وغيرها الكثير ..
- الجدول غريب بس من الكلمات نقدر نحله

الإيجابي :
- التنظيم والأرقام والحروف والصفوف
- وقت الصلاة
- الإستئذان والسماح للطالبات بذلك .

السلبي :

- البرد البرد البرد البرد البرد >> ماخذه احتياطي والله بس بموووت برد وجبت معاي كيك بس برضة برد
- تعامل دكتورة مع الجهاز غير جيد بل ضعيف !!!
- تقطع وقت الأمتحان لكتابة كل مايخص الملعومات الشخصية .
- تشاور الاستاذات والدكتورة في مين يمسك الصفوف << أستغفر الله !! ولاقضية فلسطين

( أفادتني بعض المراجع والأخبتارات في المواقع والاخت غلا أمي حتى في الأختبار دعيت له والله وفيه مراجع أفادتني زي كتب الثانوي وفيه 500 كلمة وفيه اداوات الربط كمان فيها فايدة وفيه كمان نماذج اختبار ستيب في الموقع تبعهم )

زمن الأختبار قالوا ساعتين ونص ( بدأنا بالضبط 7 وخلصنا 10 إلا عشر ) حصلت لخبطة في توقيت الساعة توقف وعادوه من أول وجديد وكل مرة يقولوا خلاص باقي دقيقة والساعة ترن باقي 5 دقايق على كيفهم !!!

_ الغباء << المعذرة لازم أقولها أنهم كاتبين في اللوحات الخارجية للجامعة أختبار القدرات مبنى 420 للطالبات و مبنى .. للطلاب ( جامعة ماتعرف الأختبار اللي بيقام فيها والله مصيبة ) وإلا مافيهم حيل يعملوا لوحة خاصة !!

أكثر شيء ضحكني بجد ولطف لنا الجو قبلا لأختبار لما جات الدكتورة تقول تحطي الفئة اللي تخصك في الجنس قالت بنت كيف يعني !! كلنا ضحكنا عليها قالت أنتي أنثى وإلا ذكر

>>> هذا كله من توتر الأختبار مو معقوووووول

والله نفس الشيء صار في قدرات 1 / 12 في كلية التربية


ملاحظة : حتى مرسام المركز أستكثروه علينا << طيب خلوه ذكرى !!

نصيحة : أختبار الدنيا من الممكن ان يعاد ولكن إختبار الأخرة لا إعادة له

[ليان الحارثي]

صآدقه حبي
اجل انتي معي بنفس القاعه والله بررررررررررررررررررررررررررد مووووووت
والله اصآآآآبعي جمددددددددت وآظآآآآآآآآفري صآآآآآآآآآرت مووووووووووووووف قريب للاسود الله يعين بس

[هنونه]

الحمد لله

يارب املي فيك كبير واجيب درجات

انا كنت بكليه عفت

قمه في الترتيب والنظام والمرونه مع المتقدمات


وهم مره منظمات بارك الله فيهم

بس الاختبار والله مره ماله داعي طويل وممل

متنوع بس مره ممل والوقت ما يساعد الحمد لله بس

[سمااره]

والله عالبركه اكثرها من راسي ..بعدين مقسمين الأختبار على غير فايده مافهمنا شي ..كل قسم دامجين فيه القواعد والقطع والرايتنق وكل شي ..طيب على اي اساس مقسمينه ..
المفروض كل قسم لوحده القطع اللي بالهبل حاطينها لنا كل قسم خمس قطع تجيب الهم عالقلب والله مره مزودينها ..
وهذا كوووووووووووووم والبرد اللي جمد عظامي كوم ثاني ..

والله العظيم آخر شي صرت ارررجف واحس اصابعي صلبت ..وربي حتى عقلي وقف عن التفكير كل همي اني اخلص باي طريقه واطلع ..كأننا في ثلاجه موتي استغفر الله العظيم بس ..

[:: BG ::]

Listening
مستوى مبتدئيين زي الي كنا نسمعو في المدرسه سهله وخفيفه ولزوزا
بس الصوت ماكان واضح المسجل مخلي الصوت ضخم وعامل صدا وساير كلامهم ماكول مدري كيف

Reading
القطع بالعكس مهيي كتيرا وكلها سهله ومصطلحات مفهوومه بس في حقت المريخ تنحت شويا
لانو فيها مفردات علميه عجيبه اول مرا اسمعها

Grammars & Punctuation
برضوو من اسهل مايكون و الحمدلله

المشكله الكبرى
مشكلتي كانت في التضليل وقتي كللوو يرووح في التضليل اجلس اضلل واضلل خمسين مرا الين يخلص وقتي والدويره تسير سوده فحمه
وارجع اقرا تاني معا اني فاهمه وعارفا بس مني واثقا من نفسي عندي وسووسه...
يعني الوقت كللو راح في التضليل والمراجعه

و البرد شي تااااني لو نلبس الدولاب كللوو برضو بررررررد بررررد برررد
المشرفات الله يسعدهم اخلاق وزووق بس الي نرفزززني كل شويا يمرو من قدامي
ويشيكو علا ورقت الاجابه يتاكدو من البيانات و تعبية الاستماره!!!
مررررررررررا مو وقتهم!! الوقت بيمشي قدامنا واحنا جالسين نعبي في الاستمارات ؟
كل دا كان ممكن يتعمل بعد الاختبار

انا اختبرت في جامعة الملك عبد العزيز قاعه 420 و الحمدلله كان في نظام وترتيب
حتى برا عند البوابات اول شي روحت شماليه 2 وكانت في في سيكوريتي واقفه تقول للسيارات شماليه 3
كل شي كان تمام بس لو يغيروو طريقة الاختبار اكرره التضليل
الله يسهلها علينا الاحد ان شاء الله وكلنا نجتازو بسهاااله

[kimora]

المشاركة الأصلية كتبت بواسطة عماد الحسن الحمد لله على السلامة،، دعواتنا لكم بالتوفيق بعد خروجكم من اختبار اللغة-ستيب ماشاء الله المراكز كثيرة، في جدة ثلاثة مراكز للطلاب وثلاثة للطالبات في الرياض ثلاثة مراكز للطلاب ومركزين للطالبات في الطائف ومكة والقصيم والمدينة والشمال وغيرها ما هو مدى استفادتكم من الكتب والمراجع والمواقع ،، هل أنتم راضين عن إجابتكم؟ مراجعة أسئلة الاختبار وتنوع الإجابات، عرض لأهم وأصعب الفقرات.. أوضاع القاعات من ناحية التنظيم ، زمن الاختبار ، التكييف والبرودة ، ملاحظات أخرى! نأمل منكم المشاركة والإفادة وفقكم الله لأعلى الدرجات وجزاكم الله خيراً لتشريفنا. (ملاحظة: تم تعديل الموضوع)

بالنسبة للأختبار من وجهه نظري كان سهل جداً .. يعني إللي عندة ثقافة بسيطة يقدر يعدى فية ؟؟ الصراحة أنا أعتمدت أكثر شي على معلوماتي الحمد لله أنا متمكنة نوعاً ما من اللغة الأنجليزية عشان كذا ما ذاكرت من أي مرجع ..

الأختبار كلة عبارة جزء سماعي و كان سهل و قصير مره و جزء أملاء الفراغات و جزء قطع و اسئلة عن القطع و الأسئلة أغلبها كانت مباشرة يمكن سؤال أو سؤالين يكون من فهمك لمحتوى القطعة ..

بالنسبة للتنظيم كان رائع و المراقبات كانو مرررررره متعاونات و يجابوا على الأسئلة و القاعة أنا عن نفسي كان مره حر لأنو أختكم في الله لابسة أكثر من بلوزة قلت عشان البرد بس طلع أنو درجة حرارة الغرفة مناسبة .. زمن الاختبار مرررررررره طويل أتكسرت رجولي من كثر ماني جالسة و أحس أنهم مزودين زمن الأختبار .. خرجنا من الجامعة الساعة 10 و ربع ...

على العموم تجربة حلوة و خفيفة ...

[شتاء يختزن الرعود]

المشاركة الأصلية كتبت بواسطة حبي لذاتي قمة أولوياتي ~ ملاحظة : حتى مرسام المركز أستكثروه علينا << طيب خلوه ذكرى !! نصيحة : أختبار الدنيا من الممكن ان يعاد ولكن إختبار الأخرة لا إعادة له

,,

قلتي المرسام والله اخذته وحطيته بالشنطه وأنا اقول بنفسي يارب ماتقول خلوها صارت هوايتي تجميع مراسم مركز قياس أبغى أجمع أكبر عدد منها بس انا حطيته بالشنطه وهي كأنها شافتني وقالت المراسم خلوها

ماعندي الا مرسام واحد منها بس

ومعلش عندي سؤال أنا عندي نموذج c السيكشن الثاني والثالث والسادس منها 21 فقره صح ؟!!

والسيكشن الرابع والخامس 20 فقره صح ؟!

بصراحه التفاوت في عدد الفقرات شتتني شوي مع اني ما اجاوب الين اتأكد اني بالخانه والرقم الصحيح ..

وشكراً أستاذ عماد المنتدى له دعائم وانت من دعائمه ..

..

[عماد الحسن]

السلام عليكم ورحمة الله ،، عودة لكم مرة أخرى بعد إجازة المطر في جدة

اشكركم كثيراً لتفاعلكم مع هذا الموضوع ، والله أنا أقرأ المشاركات وأتفاعل معها كثير ،، سبحان الله كل طالبة تكتب بأسلوبها الخاص وطريقتها المميزة وتوصف طريق الجامعة او قاعة الاختبار والبرودة والأسئلة وتعامل الدكتورات والمراقبات والأمور الثانية.
ماشاء الله عليكم مبدعين فعلاً في الوصف والتعبير والكتابة الله يوفقكم، الصراحة فكرت أعمل مسابقة لأفضل مشاركة في هذا الموضوع.. اتمنى لكم أعلى الدرجات وخاصة أخوانكم وأخواتكم من كلية العلوم لأن نتيجة الاختبار حساسة ودرجة النجاح محددة وهي 52% ، ولا توجد لهم دورة تدريبية زي الآداب أو الاقتصاد، ولا تقبل الكلية أي درجة مثل الماجستير الخاص.

عموماً أتقدم لكم جميعاً بالشكر والتقدير (مثل كلام القذافي) طالب طالب ،، طالبة طالبة ،، قاعة قاعة ،، اختبار اختبار ،، ورقة ورقة، ولا أنسى جهود أختكم شتاء في الفترة الماضية وتواصلها المستمر مع المسئولين في الجامعة لحل مشكلات الطلاب والإجابة على التساؤلات الكثيرة .. جزاكم الله خيراً وإلى النتائج المشرفة بعد عشرة ايام.