ايهما اشد هماً الجدول الدراسي أو العرس (احتاج رأيكم)

[ول ول]

صدقوني بعض الاسئلة يحتاجها الجميع واجابتها عن طريق الاعضاء فمن يملك المعلومة فلا يبخل علينا بها وليس شرطاً الاجابة على جميع الاسئلة نحتاج خبرتكم وفعلا لا هم الا هم الجدول الدراسي كل ترم ونفس المشكلة لكن الطيبين امثالكم هم من نستفيد بمشورتهم ونصيحتهم

لذلك ابي رايكم ياغالين جدولي للمستوى الخامس ادارة اعمال دولية وابي آرائكم لان لي 18 ساعه بالجدول اقدر اضيفهم وقررت مبدئياُ :

اداره الموارد البشرية BUS 231
الاستثمار BUS 345
ثقافة اسلامية ISL 301

وابي اضيف كمان

تحليل كمي ECON 114 وتحليل احصائي ECON 115
او رياضيات التخصصات النظرية MATH 114 او احصاء التخصصات النظرية STAT115
لكن ماهو الفرق بين التحليل الكمي والاحصائي بالمقارنة مع الرياضيات والاحصاء للتخصصات النظرية؟ وايهما اسهل؟

وابي اضيف مادة مقرر اختياري لمسار الاعمال الدولية لكن ماعرفت الطريقة فكيف اختارها واين اقدر اضيفها؟

وهناك مادة بحث وتدريب اداره اعمال دولية BUS 495 ماهي تلك المادة مع العلم انني منتسب ؟

واللي عنده رأي آخر او نصيحة فمرحبا بكل الآراء والله يوفق الجميع لما يحبه ويرضاه

[ول ول]

ارجوكم احتاج الاجابة على الاسئلة ولو سؤال واحد

[العلم والعالم]

بالنسبة لأضافة المواد الأختيارية يكون عن طريق المعاملات الأكترونية

ومادة البحث عبارة عن بحث حيث يكون لك دكتور معين ويحدد لك موضوع ويطلب منك تبحث فيه

[ول ول]

الله يجزاك الف خير اخوي العلم والعالم مع اني طلبت عن طريق الاوديوس ثقافة اسلامية 3 لكن لي شهر ونفس المعاملة تحت الدراسة وشكر لك ثانية و ليت كل الاعضاء مثل نشاطك وعقبال تخرجك باعلى الدرجات

بانتظار افادة البقيه حول الجدول

[ضيدان]

اضف اصعب المواد وسو اللي تبي بس لا تعرس وتضيع مستقبلك .. حرام .. توك شباب

ارجوووك لا ... لا .. لا تتهور وتتزوج



لرفع الموضوع على شان نلقى اجابة وش الفرق بين التحليل الاحصائي والكمي

[ول ول]

والله ياضيدان كفاية تهور الحين نتزوج ونريح ونريح والزواج ان شاء الله بعد الاختبارات
وإلى الآن ماشفنا احد يفيدنا بخصوص
ماهو الفرق بين التحليل الكمي والاحصائي بالمقارنة مع الرياضيات والاحصاء للتخصصات النظرية؟ وايهما اسهل؟

وارجوك لا تجيب طاري الزواج وتأجيله لان الدراسه والزواج كلهم مستقبل لكن الفرق الزواج ينعرف له والخطة حقته وحده لكن الدراسه كل ترم خطة جديده وعلى الله تلقى اجابة
تحياتي لك والله يزوجك

[ضيدان]

الثانية؟ آمين