حسبي الله عليهم..

[جنون انسانة]

السلام عيكم ورحمة الله وبركاته..

والله من قهري قلت احكيكم...
وبعد ماعدى اسبوعين وقلك الواحد كان يحضر محاضراته واخيررا
بعد تعب ضبط جدولة وعدله...
الا اليوم بعد المحاضرة حقت اخلاقيات عمل الاقيهم حذفولي الشعبة...
ليش؟؟؟
قال الاستاذة ماتبغا بنات كثير في المحاضرة..

حسبي الله عليهم من جد شي ينرفز ولما اروح الشؤوننا
مافي حذف ولا اضافة..

قلك ابغا اضيف اي مادة تانية بدل اللي انحذفت تقلي خلاص وقف
الحذف والاضافة..

بعد كدا رحت عند وحدة استاذة اسمها منار..
هيا الله يسعدها اللي ساعدتني وضافتلي ثقافة...

وربي نظام سئ واسوء من سئ...
ليه كدا الهبل شي من جد يعصب وينرفز...
هذا جانب من معاناتي وحبيت افضفض عنه....

معليش اذا طولت عليكم ولا ازعجتكم بس من القهر والله...

[الشامخة]

والله ياقلبي نعيش ونشووف

\\

لو احكي لك شنو صاير عندنا بالقسم من يوم بدا الحذف والاضافه والله تقولي ارحم


\\

توكلي على ربك وهونيها تهون

[جنون انسانة]

تسلمي ياقلبي وربي حاسة فيكي..
كلنا معاناة وحدة...

[deep heart]

جنون انسانه
نفس حالتك انا شعبتي b2
وحذفولي هي وانا ترم تخرج ماني عارفه ايش نهاية الموضوع
يعني يبغوني ازيد ترم عشان ماده
حسبي الله ونعم الوكيل

[جنون انسانة]

لالا ياقلبي روحي الشؤون وكلميهم
لانه لما بتكوني تخرج بيضوفوها زي كدا قالولي لما رحتلهم..

[deep heart]

الله يبشرك بالخير
انا بس اليوم شفت جدولي وبكره إن شاء الله اروح اراجعهم
بس عند مين اروح؟

[جنون انسانة]

في الشؤون لانهم حيسالوكي اذا انتي خريجة..
رح يمشوكي..
ويسوولك هيا ان شالله س قوليلهم انك خريجة ولازم تاخذيها..

[loletaaaaa]

:S
وي مو صاحين دولا :S:s:s
كده من الباب للطاقه وحدفولك هيا
لاحول ولاقوه الا بالله

[جوزائيه]

الله يعينا عليهم ...