يافرحة ماتمت :(

[Dina-s-b]

احم احم...
اولا شكرا مزاج :(

بس كلامكم كلو للاسف يعني ماصار ينفع دحين
اللي حصل..
احم احم << تمسك المايك هع

الصباح اول ماصحيت حضرتي فتحت الاودس الجميل..
لقيت مكتوب بشري موازي..وجلست لين قبل ما اخرج من البيت لقيتها نفس الشي..
بعدين لبست ورحت هناك وشفت البنات واول ماطلعت الادمية كلمتها انو كاتبينلي طب موازي
ما لحقت خلصت كلامي قالتلي انو مافي طب هادي غلطة ماعندنا احد طب انتي فنص الترم
روحي دحين افتحي الاودس حتلاقيه اتغير
رحت فتحت لقيتهم كاتبينلي انو تحضيري انتظام :(
وتحطمت انا ههههههههههههه
بس انا من بداية الترم اللي راح قالولي انو ازا ما اتسكنت اقدم تأجيل ترم..
يصير بعدين اقدم تسكين مع الدفعة الجديدة
رحت زاحمت مع مسوري وشلتها هههههههههههههه
لين دخلت عندها..قلتلها كيف ااجل؟؟
قالتلي طلعولك تخصص؟؟ قلتلها لا :(
حطولي سنة تحضيرية
قالت حلو لان لو حطولك تخصص ماراح ينفع توقفي..
قلتلها طيب ايش اعمل قالت روحي عند غرفة 15..
رحت عند الغرفة الجميلة وساعتين بالزبط وانا عند الباب :(
ودخلت وربع ساعة وهيا تهرج فالجوال ..لين قفلت
جيت اكلمها اقولها ابغى اعتزر قالت ايش خصصوكي قلتلها ماحطوني تخصص..!!
ود.ابتسام قالتلي انو المفروض مايخصصوني عشان اقدر اوقف الترم..
قالتلي مو على كيفك :( رضيتي ولا مارضيتي راح تتخصصي روحي قدمي ورقة تسكين دحين انا ما اقدر افيدك

رحت زي الحلوين طلعت من الغرفة وصفيتها طبعا مارحت قدمت ورقة تسكين قلت اخلي ماما تكلم صاحبتها بس اخافهم يحطوني تسكين قبل لا اقدم على تأجيل الترم :( وموو عارفة شسوي..
موضوع الرجال راح اشوفو بعدين لانو مو عارفة حتى لو راحو عند الرجال ايش يسوو..؟؟ ايش يقولو بالزبط اخاف يخربو الموضوع ويحطوني تسكين من فوق خشمي ههههههههه :(

[Dina-s-b]

=(
مايستحو والله
لا من الترم اللي راح وقت التسكين كلمت العميدة حقت القبول والتسجيل..
قلتلها كيف كدا وايش اعمل هيا قالتلي لا تحطي تسكين فالورق..وما راح يتحطلك ولا تخصص..
قلتلها طيب..؟؟ قالت تجيني واعملك حالة استثنائية وما اعرف ايش بس تعاليلي فموعد التاجيل المفروض يبدأ الاسبوع الجاي :(

ودوبها وانا بأكتب الرد صاحبة ماما كلمتني قالتلي انو كلمتهم فالعمادة قالولها ياريتها طبعت حق طب الاسنان بس خلاص تجيب حق البشري وتجيني بكرا..وتقول للسكرتيرة اسمها وانو على طول راح يدخلوني وان شاء الله خير..
قبل لا تكلمني قبل شويا حسيت تحطييييييييم مرة بس دحين بدأت ارتاح شويا :( ربك يسهل..!!

[خالد9921]

قالت تجيني واعملك حالة استثنائية وما اعرف ايش بس تعاليلي فموعد التاجيل المفروض يبدأ الاسبوع الجاي :(

اها اذا كذا كويس مادامها اعطتك كلمه

ودوبها وانا بأكتب الرد صاحبة ماما كلمتني قالتلي انو كلمتهم فالعمادة قالولها ياريتها طبعت حق طب الاسنان بس خلاص تجيب حق البشري وتجيني بكرا..وتقول للسكرتيرة اسمها وانو على طول راح يدخلوني وان شاء الله خير..

ماشاءالله حلو
هذا اللي اقصده من اول ان صاحبة مامتك هاذي لازم تتحرك وتنهي الموضوع من جهتها او تنسحب
صحيح مش مقصره بس الوقت يمضي جاء الوقت اللي لازم تسوي فيه شي
ربنا يجزاها خير ما قصرت والله يتمم لكم وتنقبلي بالطب بإذن الواحد الاحد
واذا عالطباعه بجد كان نفسي انبهك من اول لانها مره ضروريه بس الموضوع لقيته مغلق :/
يلا لعلها خيره لك واحس الامور بدأت تضبط (:

قبل لا تكلمني قبل شويا حسيت تحطييييييييم مرة بس دحين بدأت ارتاح شويا :( ربك يسهل..!!

ما عليك ردودي يجي معاها الخير دايما < برا هههههههههههههه
ان شاءالله خير يا دينا تفائلي وادعي ربك لانو محتاجين دكتوره من دفعتنا المريضه وان شاءالله انتي هيا ههههههههههههه
يلا روحي نامي محلوله ان شاءالله بالصباح

موفقه (:

[مَـزٍآج ..}..]

استغفر الله عليهم تعآمل والمشكله موجوديـن قال ليش لخدمتنآ

انتي حآولي بكل الطرق الي تقدري عليهااا .. حتى مثلا لو انقبلتي طب بشررري

يصير في بدإأيه السنـه تكلمي الاداره في الكليه حق الأسنان ممكن يقبلوكـ .. لانها صآرت مع واحد اعرفه

حول من بشرري للأسنان .. في بدإأيه الترم .. مدري هو واسطه او ايشش

بس اهم شئ يكون في الأيااام الأولى .. !!

وحمد لله تعآمل الكليه مع الطلآب والطالبآت عندنآ مختلف 180 درجه .. انا جربت التحضيري والطب

فررررررررررررررررررررررق كبيرر .. يكفي انه كل خمس طلاب لهم مشرف اكاديمي ..

وعمركم شفتوا كليه بعد كل اختبآر فآينل يسسون لهم بووفيـه مفتوووح

بس المشكله مو لله يصبرونا بعد الأختبارات الصعبه

يالله بالتوفـيق !!

[Dina-s-b]

خالد ترى مو مهم انها اعطتني كلمة ياما اعطونا كلام وما نفزووه المهم تنفذ كلامها ههههههههههههههههه
مو مخوفني غير انو يعشموني ويضحكو عليا بعدين ..!!

واذا عالطباعه بجد كان نفسي انبهك من اول لانها مره ضروريه بس الموضوع لقيته مغلق :/

ما اقولك احسك بابا هههههههههههههههههههههه
لايكون تقربلو بس هع

متفائلة الحمد لله ههههههههههههههههه ياخي بسويلكم حفلة لو اتحلت المشكلة هههههههههههههه


مزاج <3
عاد الحريم ترى تعاملهم اسوأ من عندكم الرجال..!!
الرجال سهلين عكس الحريم :( لوول

انا قلت مافي مشكلة عندي يدخلوني طب لو موازي دحين وبعدين شغلة التحويل سهالة ان شاء الله..بس على الاقل اتثبت :(
انا دحين كل مشكلتي فالقبول..!!
وربك يسهلها ويكرمنا :p

وعمركم شفتوا كليه بعد كل اختبآر فآينل يسسون لهم بووفيـه مفتوووح

هههههههههههه تمزززززززززح؟؟!!
على ان اخويا يشتكي منهم مرة بس اخويا بشري بس حسب علمي انو نفس الوضع..!!
هههههههههه والله مدلعينكم :p
بالعافية وعقبال ما يحطوني معاكم :p
دعواتك..=)