يافرحة ماتمت :(

[Dina-s-b]

ولو اني مافهمت كلامك ههههههههههه بس راح ارد حسي اللي فهمتو..
دحين هما هادي السنة الجدول حسب ماكان واضحلي نسبة الكلية المطلوبة كانت 85..وانا جايبة اختها بس فالتسعينات وفاصلة حاجة..!! فرق 10 درجات يعني :( هادي الخاصة والعامة حقت كل المواد كانت انقص من الـ5 بدرجتين فاصلة 6666 <<تتوهك هههههههههههههه ض2

قصدك انو احد جاب درجة اعلى مني دحين واخد المقعد ولا انو لسة كمان الترم التاني حيشوفو مين افضل مني وانقبل :( ؟؟

بعدين تراك حيرتني ليه ايش فرق الموازي عن العادي؟؟ مو نفس الدراسة ونفس الوقت ..!! اانا صحباتي اللي فالطب يقولو كلو نفسو زي الانتقالي عندنا بس فرق المكافئة :( قووول ايش انت عارف :@:@ صارحني بالحقيقة المرة ههههههههههههههههههه

بعدين ياخي انت كمان اسألي :( صقيق الدراسة انت هههههههههههههههههههه شوف واسطاتك وانا اشوف واسطاتي ونشوف مين اقوى :p سوي خير وارميه فالبحر ياصقيقي :$ :$ << مصالح هههههههههه
ناسي اني بعطيك بطاقتي الفاضية المفلسة الكحيانة هههههههههههههههههههه


دحين انت يعني كنت مفكر تدخل طب موازي وبطلت عشان المكافئة؟؟؟؟؟؟؟؟؟؟؟؟؟؟؟

بالعكس انا مع وبقووه انو يكون عندك مكافئه

طبــــــــــــعا مو انت المستفيد :pPp

[خالد9921]

كانت انقص من الـ5 بدرجتين فاصلة 6666 <<تتوهك هههههههههههههه ض2

من جد توهان ههههههههههههههههههه يلا فهمنا انو وضعك سليم ض1

قصدك انو احد جاب درجة اعلى مني دحين واخد المقعد ولا انو لسة كمان الترم التاني حيشوفو مين افضل مني وانقبل :( ؟؟

ايوه طبعا انو واحد افضل منك واخذ مقعدك
مفاضلة ايش هاذي اللي مافيها احد افضل منك بالوقت الحالي واخذ المقعد عليك !!
وكمان شي ما يخش الدماغ انهم كانو يقصدو انتظار لما نهاية الترم الثاني يعني نهاية دفعة 11 ,, اذا انتي ما اكلتي عيش مع دفعه 10 حتاكلي عيش مع دفعه 11 ؟؟ موستحيل وموستحيل يتم تسكينك مدة ترم كامل بكليه على امل يسكنوك بكليه ثانيه بعد ترم مرره ما تدخل بالراس !!
لاحظي الفرق بين تسكين وطلب تحويل بين الكليات (:
يعني الزبده روحي شوفي هل فعلا فيه احد اخذ مقعدك بما انك دخلتي مفاضله
والا العمليه هبل زايد :/

بعدين تراك حيرتني ليه ايش فرق الموازي عن العادي؟؟ مو نفس الدراسة ونفس الوقت ..!!

لا انا استهبل علشان مافش مكافئه هههههههههههههههههههههه
كلو واحد لا تخافي بس على اساس مافي مكافئه

شوف واسطاتك وانا اشوف واسطاتي ونشوف مين اقوى :p

لا ريحي نفسك انتي اقوى بكثير بكثير هههههههههههههههههههههه
انا كويس اذا عدلت جدولي يوم السبت من الكليه ض1
طيب بسألك هل فيه احد فعلا اخذ عليك المقعد او انتظار للترم الثاني رغم ان الثانيه استبعدها مرره مرره
وكمان بسأل لعازفه
الاسبوع الجاي بروح الجامعه شايل معاها اوراق قضايا ومطالبات بالهبل ههههههههههههههه

ناسي اني بعطيك بطاقتي الفاضية المفلسة الكحيانة هههههههههههههههههههه

فاضيه اوكي اهم شي رقمها السري صح $

دحين انت يعني كنت مفكر تدخل طب موازي وبطلت عشان المكافئة؟؟؟؟؟؟؟؟؟؟؟؟؟؟؟

لا لا ابدا تبغي عائلتي المهندسه تغضب عليه اني ما دخلت هندسه ههههههههههه
لا بجد انا ما فكرت بحياتي ابدا بالطب وماني راعيه :/
بس ما اخفيك هرجة المكافئه هاذي اكرهها المفروض الكل ياخذها مش ناس وناس
رغم انها ما تأثر معايه الحمدلله بس برضو شي يحز بالنفس شويتين (:

[Dina-s-b]

تصدق انك انت تتوه اكثر منهم..
كلمني زي ما اكلمك :( عربي :( << والله؟؟
يعني دحين فرأيك اني انقبلت طب اكيد ولا مو آكيد وممكن يشيلوه مني؟
تصدق اليوم كلهم اهل بابا يسألوني ايش اتخصصت..قلتلهم ما اعرف اخاف اقولهم طب واكل تبن بعدين =)

بعدين ايش اقولهم..انتو دخلتو غيري اسنان بواسطة ولالا :( حيقولولي لا طبعا دخلت بدرجاتها وانا كيف اتاكد انو واسطة ولالا !!
انا بس بقول لصاحبة ماما ولقريبي انو يكلموهم يحولوني اسنان وابدا فالاسنان مازبط اقلها يدخلوني انتظام عادي فالطب :( كمان المكافئة حلوة وانت سيد العارفين :p

[خالد9921]

تصدق انك انت تتوه اكثر منهم..

اها انا اتوه اكثر منهم .. وانا راضي انك طب اسنان
معناتو اكيد هما لازم يرضو انك طب اسنان لاني اتوه اكثر منهم هههههههههههههههههههه

كلمني زي ما اكلمك :( عربي :( << والله؟؟

طيب ابشري واذا شفتي كم كلمه الماني والا فرنسي غضي الطرف عنها (:

يعني دحين فرأيك اني انقبلت طب اكيد ولا مو آكيد وممكن يشيلوه مني؟

ايوه لاسباب كثيره
1- انقفل عندك سيستم التسكين ,, لا يوجد نتائج فرز
2- مثبت بعد التحضيريه طب موازي ,, بدون كلمة مفاضله بدون نتيجة فرز
3- اليوم جمعه وبكره خلاص اول يوم دراسه سبت يعني الامور دي انتهى وقتها

اقدر اقولك بالراااااااااحه مبروك عليك طب موازي لا تخافي (:

تصدق اليوم كلهم اهل بابا يسألوني ايش اتخصصت..قلتلهم ما اعرف اخاف اقولهم طب واكل تبن بعدين =)

لا عادي قوليلي لهم كول الحكايه حتى يكونو على بيّنه من التخبيص حقك هههههه امزح مش تخبيص بس عادي قولي لهم بالتفصيل عشان يدعو لك ض1

بعدين ايش اقولهم..انتو دخلتو غيري اسنان بواسطة ولالا :( حيقولولي لا طبعا دخلت بدرجاتها وانا كيف اتاكد انو واسطة ولالا !!

مو هاذي المشكله .. طبعا ما حتقولي دخلتوها بواسطه مو هرجه دي !!
لو لك معارف بكلية طب الاسنان كان ممكن تستفيدي لانهم راح يعرفو اللي جديد عالدفعه وكدا
بس وربي شي ما ينسكت عليه انا ابقى مرره مقهور لغاية اعرف فيه فعلا واحد اتسكن بدالي او لا

انا بس بقول لصاحبة ماما ولقريبي انو يكلموهم يحولوني اسنان وابدا فالاسنان مازبط اقلها يدخلوني انتظام عادي فالطب :( كمان المكافئة حلوة وانت سيد العارفين :p

اذا صاحبة مامتك لها علاقات بيمشي الوضع ان شاءالله
لأنو انتي قاب قوسين او ادنى من رغباتك يا دينا مانتي بعيده والدليل نتايج الفرز حقك كانت حلوه نوعا ما لولا المفاضله اللي عدمت الهرجه شويه
لا تيأسي وحاولي زي كدا من بكره بمعارفكم راح توصلي ان شاءالله
الطب الموازي دا اخر شي ان شاءالله توصلي قبله بطب اسنان او انتظام عادي طب (:

موفقه

[Dina-s-b]

اها والله كلامك يطمن :( بس المشكلة الجامعة الحلوة حقتنا ماتطمن
انا قلت لماما على كلامك وكدا ههههههههههههه جلست تقوول صح كلامو اكيد واسطة :(
المهم ياسيدي انو فالنهاية كلمت صاحبتها وصاحبتها قالتلها انو لمن كلمتهم فالعمادة يعني قالتلها اصلا التسكين كلو غلط فغلط..وانو يوم الخميس راح يغيروه..!!
انا قلت ياصاحبتها داجة ومو عارفة فين الله حاطها مع انها ساعدتني فاشياء كتيرة :p
يا اما العمادة بيخرفو عليها..
او انو من جد بس احس لو سووها من جد وغيرو للبنات التسكين حقهم..!! يبغالهم دبح..!!
لعبة احنا :(
عموما رايحة اانا اليوم وربك يسهلها..!!
دعواتك =)
وترى مررررررة شكرا يا رئيس جمعية حقوق البنات فجامعة عبد العزيز :p
محد يهون علينا غيرك ههههههههههههههههههههههههه
الله يوفقك =) ويوفقنا :(

[اللؤلؤه الورديه]

معليش شكلي داخله عرض
بس إنتو دفعه 210
؟؟؟؟؟؟؟؟؟؟؟
لأنو التسكين؟؟؟؟؟

[خالد9921]

بس إنتو دفعه 210 ؟؟؟؟؟؟؟؟؟؟؟ لأنو التسكين؟؟؟؟؟

ايوه دفعه 2010
اللي فيهم ناس انقبلت ترم ثاني السنه الماضيه + الراسبين
جاء وقت التسكين حقنا واتسكنا

موفقه (:

[مَـزٍآج ..}..]

اول شئ مبروك على القبول سواء بشري او اسنان ..

وعلى فكره الأودس ما ينزل فيه شئ ابدا .. لا درجآت ولا جدول ولا فيه خانه حذف واضافه ..

لأنه جدولنآ ثآبت من الكليه وينزل في موقع الكلية .. الدرجآت تنزل في الاودس نهاية السسنـه ..

يعني مرره ما نفتحه طول السنـه .. انآ اشوف انك تروحي عند كليتنآ .. وتسالي هناكـ تشوفي ايش وضعكـ

وادآ بتروحي مبنى كلية طب الأسنان في الميل سآيد الدور الثآلث .. مكتب دكتوره هبة ما تخرجي من عندها

الا خاطرك طييب عسسل الدكتوره دي >> شكله بيجيه باند ماشي الفيـن ..

ومبـروكـ !!

[اللؤلؤه الورديه]

ااهاا
الله معاكم
:)
بس ممكن أيأل سؤال كم معدلاتكم إلي قبلوكم بيها في طب الأسنان
وخصوصا بالإنقلش كم أخذوا عليه
لأني كنت حاطه ببالي طب أسنان بس بعد درجاتي بالإنقلش
هونت

[خالد9921]

بس ممكن أيأل سؤال كم معدلاتكم إلي قبلوكم بيها في طب الأسنان وخصوصا بالإنقلش كم أخذوا عليه لأني كنت حاطه ببالي طب أسنان بس بعد درجاتي بالإنقلش

والله مدري انا بالهندسه ان شاءالله الاخوات اللي تخصصو طب اسنان يفيدوك
او اسألي بمنتدى كلية طب الاسنان
وعالعموم هما يجمعو درجات المواد الخاصه كامله يعني ممكن درجات مواد ثانيه تكملك النقص بالانقليش

موفقه (: