الا جامعة المؤسس جامعة الملك عبدالعزيز جامعتي الموقرة

[الأسد الحنون]

يسلمو عالمرور والتقييم
دمتم بود

[الأسد الحنون]

هههه حياك اخوي
شفت النك نيم ودخلت على حسابي عالنت بحول لك 60 مليون
بس شفت ردك هونت خخخ << امزح


شف حبيبي الظاهر انت تقصد اختبار الثقافة الاسلامية
شف يالغالي هي الصراحه ذاك اليوم خطأء فادح من الجامعه
وأنا قايل فوق الخطأ وارد في كل القطاعات
نرجع لموضوعك

في ذاك اليوم حبيبي اتفق معك كان هناك خطأ من الجامعة
لكن الخطأ الأكبر من الطلاب
بتقولي ليه
الله مير يسلمك نص الطلاب جالسين عند المواقف اللي يسولف واللي يراجع واللي ماجاء توه
دخل وقت الاختبار ولسا الشباب يمشون على بيض
اكيد بتمتلي القاعات
انا جيت بدري وحصلت مقعد بكل يسر وسهولة اذكر انه في مبنى 44
ومن قالك حبيبي انهم كانوا مخصصين مبنى 125 فقط!!
لا هم حاطين ببالهم 125 و 40 و 44
والفوضى اللي صارت وربكة منسوبين الجامعه سببها الطلاب انفسهم لأنهم للأسف جايين متأخرين وكان العدد كبير وصارت تجمعات وربشه عند البوابات
والسبب الرئيسي اجتماع طلاب المستوى الثالث عند مبنى 125 متكين كفي وسوالف يضنون ان جميع اختباراتهم في مبنى 125 كما في السنة التحظيرية (:
وتفاجأو وقتها

الخطاء كان مشترك لكن احمل الطلاب نسة 70%

وبارك الله فيك ومشكور عالمرور
واذا عندك سلف 60 ريال دق علي خخخخخ

[الراقي2004]

أشاطرك الرأي أخوي الأسد الحنون من حيث طبيعة الانتساب في الجامعة أنا شخصيا أعتبر أجمل أيام دراستي كانت في جامعتنا الحبيبة جامعة المؤسس لما وجدته من تسهيل الأمور وتعاون أعضاء هيئة التدريس وصدقني أي طالب مستعد للإختبارات من حيث معرفة المقرر والإطلاع على أخبار الدولة التأهيلية والاستعانة بالمدرسين الخصوصيين في بعض المواد العلمية لن يجد صعوبة في اجتياز الاختبارات بكل نجاح وفي الختام لكل مجتهد نصيب.
مع تمنياتي للجميع بالتوفيق والنجاح.

[الأسد الحنون]

الراقي 2004
يسلمو عالمرور
ودمت بود

[little Angel]

أخي الفاضل يمكن ماشفت اللي نعانية إحنا الطالبات...
تكون من خارج جدة ومافي من يوصلك المشوار لجامعتك الحبيبة وتسألك فلان وزعتان حتى تلاقي من تكسر خاطرة ويرضي يوديك...ولمن تتعامل مع الأستاذات(البعض وليس الكل) تلطعك ساعة برا تسولف هي وصاحباتها..لسة هرجتهم ماخلصت..تجي تسأل ثاني ...تطنيششششششششش...والمشكلة شغلتك بيدها..تقل أدبك ..أمورك ماتمشي..تتفاهم بالطيب...برضة مايمشي..والله الأسبوع اللي فات راجعت قسم الأنتساب بخصوص مشكلة بالجدول...والسكرتيرة تقول..عندك موعدقالت لها لأ..قالت أستني..عندهاأجتماع الدكتورة..تصريف..وأستني من الصباح حتي الساعة 2ونص ويالله قابلت الدكتورة وكلمتها وأنا مو من جدة..لاوالأستاذة الثانية تقوللي أستني ..وجالسين يتناقشوا في أية ؟؟في المسلسل التركي خانت زوجها..وو,,,,,, طبعآ كلام غير لائق أنة الواحد يقولة قدام طالبة ..طيب ع الأقل أذا طلعت تكلموا براحتكم.. وأرجع اليوم الثاني وبرضة لاحياة لمن تنادي ..ووقت الأمتحان يتفننوا في التعذيب النفسي ساعة على مايفرقونا...وتوزيع الورق ..وباقي ساعة.. بصوتها العالللللللللللللي ...باقي نص ساعة ..بأسحب الورق؟؟ وغير صوت الكعب طاااااخ طاااااخ...بالله كبف الواحد بيحل وكل هالأزعاج...
هذا نقطة ببحر ...ولاتقولوا كمان إحنا الغلط...اللي شاف غير اللي سمع..
سلامتكم..

[الأسد الحنون]

للامانه اختي انا ماعندي خلفية عن قسم البنات
انا اتكلم عن الشباب
وبرضوا انا من خارج جده
بالتوفيق

[كونان]

الله يهدي الجميع

[الخيال الصآمت]

مداخلات راقتني كثيراً فـ إستمتعت بهـآ

ولكن مجمل مـا أريد قوله ...

نحن نبقى وسوف نبقى عـاطفيين
ولا أرى بذالك اي عيب

مودتي لصـاحب الموضوع الحنون
ولكل من داخله برقه وهنـاك شجون

[أبوتركي 888]

المشاركة الأصلية كتبت بواسطة الأسد الحنون السلام عليكم انا كتبت هالموضوع بعد ماشفت توجه غير لائق في مواضيع بعض الاخوان في المنتدى هداهم الله وذلك في نقد الجامعة ومنسوبيها نقد هدام وكأنهم يبررون ان التحصيل الدراسي سيء بسبب جه واحده!! وقد تحول الموضوع الى التعصب القبلي في احدى المواضيع!! بل الأدهى والأمر نرى بعض الاختلاق وسامحوني على كلمة (كذب علني) في بعض المواضيع ولا أعلم مالفائدة بذلك هل هو افراغ شحنات من كبت الاختبارات وضيق الوقت في المذاكرة والاهمال والتقصير من الطالب ليحمل العبئ على الجامعة!! ام هناك بغضاء لأشخاص معينين وكما رأينا في بعض المواضيع سب وقذف وتعصب قبلي!! جل من لايخطئ!! نعم جل من لايخطئ نعم هناك اخطاء من قبل الجامعة وهذا يحصل في كل الجامعات بشكل عام. فليس من الجميل لو حدث خطأ ان نركز عليه ونعمل فيه كما يقال ( من الحبه قبه !!) وننسى كل الايجابيات في هذه الجامعة!! بودي من يعارضني ان يذهب ويدرس في احدى الجامعات الاخرى من دون ذكر الاسماء ليرى الفرق الشاسع!! انا الان في المستوى الرابع وكل مستوى يزداد حبي لهذه الجامعة لما رأيت من اخلاق وطيبة في التعامل ولما رأيت من سهولة في الاختبارات ولما رأيت من المساعدة في رفع الدرجات فكم من مادة اجزم بها f فأتفاجأ باجتيازها وذالك بفضل الله ثم بفضل المساعدة. فياليت اللي ينزل موضوع يراقب الله ولا ينسى انها ستكون شاهد عليه يوم القيامة لايجي طالب كسول يذاكر قبل الاختبار بكم يوم ولا طلعت النتيجة سلبية قال ظلم !!! ولايجي طالب مايتقيد بالأنظمة ويبي كل شي يسير على مزاجه!! وبالاخير احب اقول الى الامام ياجامعة الملك عبدالعزيز ..

الاخ العزيز ..... اوافقك الراي النجاح بالمساعدة وليس بالمجهود الشخصي لذا يارب ترزقنا احد يساعدنا عشان ننجح وراح امدحه وامدح الجامعه كل يوم .

[MNMN219]

[quote=الأسد الحنون;3422316]

لايجي طالب كسول يذاكر قبل الاختبار بكم يوم ولا طلعت النتيجة سلبية قال ظلم !!!

ولايجي طالب مايتقيد بالأنظمة ويبي كل شي يسير على مزاجه!!

وبالاخير احب اقول

الى الامام ياجامعة الملك عبدالعزيز ..

وعلى فكرة هم كمان يقولوا ان الدكتورة الفلانة متعمدة تصعب الاسئلة وهم ماذاكروا الا قبل الاختبار بيوم ولا يذاكرون على الاغاني بعد ويبون التوفيق