ايش رايكم اسحب ولا لا ..؟

[do7me]

سلام ...

بكل صراحة انا بعطيك تجربتي في هذه الجامعة انا الان سنة تحضيرية ... بس متخرج لي سنتين وهذي الثالثة ... درست سنة ونص تحضيري ... رسبت كيمياء مرتين ونجحت في الثالثة (( بالرفس )) دخلت قسم ((.........)) قسم الله لايوريكم اياه .... خرجت من الجامعة وتم سحب الملف نهائيا بتاريخ 1431/7/9هـ .... (( معلومة: اسالي عن اخر موعد لسحب الملفات لانو في تاريخ لو اتعدتيه ماراح يقبلوك السنة الجاية - العام الماضي كان بتاريخ 1431/7/10 هـ - يعني انا سحبت قبل الموعد بيوم ولمن جيت اسجل في البداية ماقبلني بعدين ارسلولي بياناتي وقدرت اسجل )) وانا الحين سنة تحضيرية من جديد .. ضاعت سنتين عالفاضي .. والله يوصلني للي احلم فيه واتفوق فيه باكثر مما اتمنى ...

الخلاصة من تجربتي ... اذا معدلك ح يرتفع و حيسمحلك انك تحولي في حالة عدم القبول المباشر فبالتوفيق و كملي ... واذا كان لا فااسحبي وابدي اشتغلي على نفسك شوفي ايش الاسباب الي كانت السبب في هذا الاخفاق مثال : عدم التمكن من اللغة الانجليزية ( هذا سبب من الاسباب الي كانت عندي ) الاتكالية والاهمال الزاد عدم اعطاء الدراسة حقها وتخيل الجامعة بانها المدرسة الثانوية من ناحية الصعوبة التعامل مع اختباراتها ... فلمن تدخلي مرة جديدة وانت حالة هالمشاكل ... حتعرفي ايش تسوي ويكون عندك حصانة من صدمات الدرجات اذا كانت منخفضة وتتعلمي كيف تسوي كنترول على نفسك و نفسيتك ... كيف تضبطي نفسك من ناحية التوقيت و طريقة المذاكرة .... الخ

في حالة انك كملتي ...
نتكلم عن التحويل (( للمعلومية بعض الكليات عند التحويل تطلب مواد بدرجات محددة ... مثال عند الاولاد للتحويل للهندسة لازم تجيب في مادة math 202 اكثر من 75 بعدين تدخل ع المفاضلة العامة للتحويل )) ... بعض الكليات مثل الهندسة الطب الصيدلة وبالذات الي تطلب مواد مخصصة حتلاقي نسب قبول تحويلها متوسط ومو مستحيله ليه كذا بيسووا ؟؟ لانو احيانا من الصعب تحقيق الشرطين .... وراح تلاقي كليات زي الحاسب نسبة قبول تحويلها مرتفع بشكل جنوني .... على سبيل المثال الهندسة كانت العام الماضي للتحويل مع بداية الترم الثاني .. 3,51 مع الـmath202 و 75 درجة كحد ادني للقبول ... بينما الحاسب كانت 4,00 .... لانو ماعليها مواد مخصصة وعليها طلب كثير .... وهذي النقطة مهمة واحسبي حسابها صح ... لانو اي غلطة فيها ماتتصلح ..

في الاخير ...
واقولك استخيري واستشيري الناس الي دايم تتكلمي معاهم ويتكلموا معاك لمصلحتك ... وفي الاخير هوا قرارك وهذا مستقبلك وهو بيدك ... والله يوفقك ويرشدك للخير وللاحسن لكي ويرضيك بيه .... واذا عندك اي سؤال ماراح ابخل عليك بإجابته ... دمت بود

[haay]

استخيري ثم استخيري ثم استشيري

[مين قال ..!]

المشاركة الأصلية كتبت بواسطة hope11 اذا سحبتي بتضيع عليك السنه كملي السنه واذا ما عجبك اسحبي وقدمي بدايه السنه الجايه مع الدفعه الجديده كذا تكوني حاولتي

هوا دا اللي بفكر اسويه ..

المشاركة الأصلية كتبت بواسطة nadooodi حــــرآم تسحبي وتضيعي تعبكــ معاكي حق الاختبارات مو حلوة والدرجات مو حلوة اكتر بس ماتعرفي يمكن في الفاينال تسوي كويس وسمعت انا انهم هما يعطوا بونس في النهائي ويرفع كتيـــــــــــــــــــــــــــــــــــــــــــــــ ـــر وكمان سمعت انهم بالقصد في الدوريات مايساعدوا عشان يشوفوا الطالب او الطالبة الي مايقدر يتحمل ومعرف ايه وطبعا انت عارفة قد ايه الجامعة يتمنو احد يسحب عشان كتر الطلاب والطالبات فشدي حيلك وداكري اول باول وحاولي تفهمي وتحضري المحاضرات وصدقيني حتحل يوحتجيبي معدل وبالنسبة للطب ترى المعدل مايحسبو فيه الماث فلو مشكلتك الماث اهي انحلت وبالتوفييييييييق حبيبتي

لا مو ماث انا خطة ب عشان كيدا بفكر اسحب لانو معدلي المفروض ماينزل عن 5 او 4.8 في خطة ب كيدا قالولي .. عشان تضمني طب المفروض ماينزل معدلكي عن 4.8

المشاركة الأصلية كتبت بواسطة eng.soul سؤال خارج عن النص: هل فيه إمكانية أسحب ملفي وأعيد السنه من جديد؟ وكم مرة مسموح لي؟ وبالنسبة لك d: ما اعتقد إعادة السنه راح تفرق كثير ^^" راح تعانين من نفس المشاكل ~ والترم الثاني إن شاء الله تقدرين تعوضين وترفعين المعدل .. انتظري للأخير وشوفي وش يصير ~

انا بفكر لو سحبت وعدتها ازاكر من جد مو العب .. لاني بصراحه كنت مهملة وماكنت بزاكر اول باول .. كنت معتمده على الالهام الذاتي وخيب ظني للاسف

المشاركة الأصلية كتبت بواسطة ӊἁӎѕἁ }~ استخيري .. والله يوفقك لكل خ’ــير ..

شوكرن حبوبه

المشاركة الأصلية كتبت بواسطة sultanooh يعني اذا عدتي السنة التحضيرية راح تكون الدرجات افضل ؟؟؟

بما انو ببذل مجهود اكتر وبذاكر من جد ان شاء الله فاكيد بتكون افضل ولا ..؟َ!!

المشاركة الأصلية كتبت بواسطة غلا ريم اناا هذا قرااااااري ان شاء الله لاني راسبه في الفيزياء والحمد لله بس خليني اكمل الترم الثاني ونصه اسحبببب >اذا ماحولوني اداري بس بسال عاادي اسحب في اي وقت وانا عندي رسوب..

الله يعينك حبيبي .. ومعوضه خير .. بس انا عكسك الحمدلله ماعندي رسوب بس خايفه مايقبلوني تخصص ابغاه .. لانو درجاتي ماهي ممتاز .. :(

المشاركة الأصلية كتبت بواسطة sultanooh غلا ريم قرارك بانك تسحبي وتحولي ادبي قرار رائع اما اللي يفكر يسحب ويعيد نفس العلمي هذا اشوفه قرار غير صائب يعني اللي يفشل في العلمي يعرف ان العلمي صعب عليه ويعيد بس في مسار ادبي

طيب اللي مافشل بس مابذل المجهود اللي بيقدر يبذله .. ؟ يعني بصراحه اللي اخد السنه التحضيريه سهاله وما استعد لها بطريقة جديه وماكان بيزاكر دا لو عاد السنه قرار صائب .؟؟!!!

المشاركة الأصلية كتبت بواسطة د.مشاعل أحلى شي ممكن تسويه موفقة

ايش يعني تبي تضمني مقعدي هههههههههه

المشاركة الأصلية كتبت بواسطة haay استخيري ثم استخيري ثم استشيري

باذن الله ياااارب يوفقنا

[~RAN~]

ياااهو

انا اتوقع الي يسحب ماراح بتم قبوله مره ثانيه السنه الجايه
هذا الي وصلني والله اعلم ياليت تتأكدوا

يعني اذا مرره قدمي اعتذار وحولي السنه الجايه اداري
وهم شئ الاستخاره قبل الاستشاره
موفقين

..!

[سفير الانتظار]

اذا سحبتي يا شاطره .. بتعيدين وبتجيك انظمه جديده

عشان ما شاء الله عليهم من تطور الى تطور الله يزيدهم

[مين قال ..!]

المشاركة الأصلية كتبت بواسطة ~ran~ ياااهو انا اتوقع الي يسحب ماراح بتم قبوله مره ثانيه السنه الجايه هذا الي وصلني والله اعلم ياليت تتأكدوا يعني اذا مرره قدمي اعتذار وحولي السنه الجايه اداري وهم شئ الاستخاره قبل الاستشاره موفقين ..!

من جد دا الكلام .؟!! لانو في بنت معايا دحين كانت العام تحضيري وسحبت ودحين تدرس اهو معانا تاني .!!

كمان قالولي مافيش اعتذار في التحضيري ..

المشاركة الأصلية كتبت بواسطة سفير الانتظار اذا سحبتي يا شاطره .. بتعيدين وبتجيك انظمه جديده عشان ما شاء الله عليهم من تطور الى تطور الله يزيدهم

هوا دا الي مخليني اتردد انوو الانظمه كل مالها تصعب !!

[فراولة طعمه]

والله انا افكر احول اداري بس مالقيت تشجييييع
استخيري وربي يوفقك
وبعدين ايش سالفة البونس؟؟؟؟؟؟؟؟؟؟؟

[عـآزفـ الكيـبورد ـة]

هلا حبيبتي ,,

اولا: لو سحبتي ملفك ما ينفع ترجعي تاني عزوز ,, المصطلح اؤجل ,,

ثانيا : لو أجلتي هالسمستر يعني حتبدأي من السمستر الجاي وبمقتضاه حتخلصي التحضيرية بعد سنة بالتمام ,, وهالشي يعني انك بتأجلي سمستر تاني كمآآن عشان تدخلي طب بحكم ان نظام الطب سنوي ,, وبالتالي سمسترين راحو عليكي من التأجيل ونت مو ضامنة عمرك يمكن بكره تحتاجي تأجلي بجد وما تلاقي فرصة ,, بحكم ان التأجيل يسمح به فقط 3 مرآآت ,,

وأخيرآ : التأجيل كان آخر موعد ليه أمس 23\12 \2010 ,, سألت العمادة بنفسي ,,

حبيبتي استخيري واستشيري والله يسهل ويقدم اللي فيه الخير ,, بس انا قلت لك عاقبة السحب والتأجيل اللي لازم تكوني عارفاهم,, وبالتوفيق يا قلبي ,,

[..SusHi..]

السلام عليكم ورحمة الله وبركاته


شوفي ياعسل انا سحبت العام ودحين رجعت تاني من تجربتي المتواضعة اقولك مرا لاتسحبي =)


انا زيك العام كنت مرررا ابا طب لكن السنة هادي مو مشكلة الله يكتب الي فيه الخير


ماتعرفي فين الخيرة لكي انا دحين اشوف صاحباتي متخصصين واقول ياريتني معاهم p:


حاجة تانية ازا فكرتي تسحبي حيكون في موعد معين تسحبي ملفك فيه من الجامعة عشان تقدري ترجعي تاني هادا الكلام بالنسبة للعام


السنة هادي مااعرف كيف حيكون الوضع


كملي ولا تيأسي والله يوفقك ويكتبلك الي فيه الخير يارب ^_^

[حلا الحلوه]

لو سحبتي راح ترجعي لنفس الموال

ممكن تتخصصي وبعدين وجيبي معدل عالي وبعدين حولي صيدله او اي شي

بس مررررره لاتسحبي
انا متحطمه ع الاخر بس ما افكر اسحب وارجع السنه الي بعدها راح يكون علي ضغط اكبر