بلييييييييييز شرح الباب الرابع للاحصاء

[..Huda Hamad]

المشاركة الأصلية كتبت بواسطة samaher-q مافهمت القانون يعني قسمة ولا ضرب :'( b/a الحركة دي يعني قسمة ؟؟

القانون بصفحة 216..

بالتوفيق..

[..Huda Hamad]

لالا مو قسمة بس كذا يعني مشروط..

[Samaher-Q]

أول شيء مبدأ العد الأساسي ‏fundamental counting rules.. تكون طريقة السؤال فيه ‏‏(كم عدد الطرق المختلفة ل..............‏)‏.. إجابتها تكون إنك تآخذين المعطيات إللي في السؤال وتشوفين كم عددها وتضربينها في بعض.. بس يعني أهم شيء إنو السؤال يكون طالب كم عدد الطرق.. ثاني شيء الpermuation rules‏ التباديل.. أهم شيء أهم شيء فيها الترتيب.. يكون في السؤال وحده من هذي الكلمات ‏‏(‏rank - order - pertion - arrangment‏)‏.. تلاقين في السؤال أشياء ويقول لك كم عدد الطرق لترتيب هذه الأشياء.. وتآخذين قانونها وتحسبين فيه.. لمن تجين تحسبينها بالحاسبة أول شيء تحطين الرقم الأكبر بعدين الرمز بعدين الرقم الأصغر....

في الاثنين يسأل how many diferent ways
وفي الpermuation rules‏
مايجي فيها اي من الكلمات ‏rank - order - pertion - arrangment‏
مني عارفة افرق بين الاتنين
انا بذاكر من ملخصات السعدي مايختلف عن امثلة الكتاب ولا ؟؟؟
والباقي مافهمت شي لما تشرحيها سهله وافهمها لكن لما اشوف الاسئلة مااعرف افرق استخدم ايت طريقة فيهم

[..Huda Hamad]

المشاركة الأصلية كتبت بواسطة samaher-q في الاثنين يسأل how many diferent ways وفي الpermuation rules‏ مايجي فيها اي من الكلمات ‏rank - order - pertion - arrangment‏ مني عارفة افرق بين الاتنين انا بذاكر من ملخصات السعدي مايختلف عن امثلة الكتاب ولا ؟؟؟ والباقي مافهمت شي لما تشرحيها سهله وافهمها لكن لما اشوف الاسئلة مااعرف افرق استخدم ايت طريقة فيهم

صح هو يطلب نفس الشيء في سؤال التباديل والتوافيق..

بس الفرق بينهم إنو التباديل تعتمد على الترتيب عكس التوافيق إللي ما يهمها التريب..

وفي سؤال التباديل هذي الكلمات مو شرط إنها تجي نفسها وكمان مو شرط إنو يجيب لك كلمة معناها رتبي..

قالت الأستاذة إذا ما جاب كلمة فيها رتبي إنتي رح تفهمي من السؤال إنو يبغى ترتيب..

زي مثال رقم44‏ بصفحة ‏229‏ ما ذكر كلمة ترتيب..

بس من معنى السؤال إنو يبغى يرتب مين الأول ومين الثاني ومين الثالث..

أهم شيء تفهمين السؤال وفي الإختبار إذا شيء ما فهمتيه إسألي عن ترجمته لا تسكتين..أوكي..

الله يوفقك يا رب..

[فتاة الصمت]

طيب ممكن تشرحيلي اهم النقاط الي لازم انتبه لها في ..

chapter 10

والله يوفقك يارب ويعمي عنك كل عين يآآآآآآآآرب

[ميشو كول]

ممكن شرح example 5-12 .......5-13

[..Huda Hamad]

المشاركة الأصلية كتبت بواسطة ميشو كول ممكن شرح example 5-12 .......5-13

في مثال12..

قال إنو فيه شخص معاه‎ ‎1000‏ تذكره وجالس يبيعها كل تذكره ب1دولار بشرط إنو كل شخص يشتري لازم يشتري تذكره وحده بس وهذي التذاكر رح يصير عليها سحب وشخص واحد يفوز بتلفزيون قيمته350‏ دولار..

وقال لك إيش التوقع لها ‏..‏ إنتي تحلين بعدين تشوفين إذا كان سالب يعني توقع خسارة وإذا كان موجب يعني توقع ربح..

لمن تجين تحلين تسوين الx‏ وإحتمالها..

كيف تسوين الx‏ ‏..‏ الشخص إذا ربح التلفزيون رح يآخذ تلفزيون بقيمة ‏350‏ دولار بس ما تعتبر هذي ربحه لأنه هو دفع دولار في البداية عشان التذكرة عشان كذا تنقصين واحد..

ولمن الشخص ما كسب التلفزيون إيش صار له..‏ صار إنو خسر الدولار إللي دفعه عشان التذكره..

إحتمالها ‏..‏ إحتمال الربح في البطاقات ‏..‏ لأن الشخص أشترى بطاقه وحد بس وهذي هي إللي خلته يفوز فيكون إحتمالها واحد على المجموع الكلي ألف..

وإحتمال إنو خسر يكون الباقي يعني هو لمن أخذ هذي البطاقة خسر بس يمكن لو أخذ من ال999‏ إللي غيرها ممكن كان كسب يعني إحتمالها ‏999‏ على المجموع الكلي ألف..

بس..‏ تآخذين ‏
القانون ‏
حقها ‏
وتعوضين ‏
فيه ‏
ويطلع ‏
التوقع ‏
لها..

مثال13..

نفسو بالزبط بس فيه أربع جوائز وحده‎ ‎100‏ دولار والثانية50دولار والثالثة25دولار والرابعه10دولار..

وكل شخص لازم يشتري بطاقتين وكل بطاقة قيمتها دولار يعني الإثنين قيمتهم دولارين..

وشوفي مثلا ألحين الشخص ربح ال100‏ دولار هذا مو ربحه كله لأنه لمن إشتري في البدايه بطاقتين دفع دولارين عشان كذا يصير ربحه بس ‏98‏ وبس الباقي الجوايز نفسها تسوينها..

والخسارة إنو إذا الشخص ما ربح ولا جائزة يكون خسر الدولارين إللي دفعهم بالبداية..

وتعوضين في القانون وخلاص..

وطبعا الخسارة دااااااائما تكتبينها بالسالب..

أتمنى فهمتي..

الله يوفقك ويسهل عليك الإختبار يا رب..‏^‏.‏~‏..

[Dloo3a]

^^
الــله يوفقكِ دنيـآ وآخرهـ
مرآآ مشكوورة آحس سرت فاهمه ..
بس إن شاء الله اعرف احل :)

’آآمم ياريت تكملي شابتر 10 و13 .................

[..Huda Hamad]

المشاركة الأصلية كتبت بواسطة dloo3a ^^ الــله يوفقكِ دنيـآ وآخرهـ مرآآ مشكوورة آحس سرت فاهمه .. بس إن شاء الله اعرف احل :) ’آآمم ياريت تكملي شابتر 10 و13 .................

الحمد لله إنك فاهمه..

ويا رب الفل مارك..

شوفي توي كتبت شابتر10‏ وشابتر13..

ربي يوفقك يا عسل آميييين..‏^‏.‏~‏..

[..Huda Hamad]

فتاة الصمت..

شابتر ‏10..

هو نص في شابتر ‏10‏ وتكملته في شابتر13..

يعني هما مرتبطين في بعض..

أهم شيء تعرفين كيف تفرقين إذا كان شكل الإنتشار إللي هو ‏scatter plot‏ إذا هو عكسي أو طردي أو ما فيه علاقة..

يكون عكسي إذا كل ما زادت الx‏ يقل الy..
يكون طردي إذا كل ما زادت الx‏ تزيد الy..
يكون ما فيه علاقة إذا كانت ما فيه أي علاقة بين الx‏ والy..
يعني كل وحده في حالها ما تحسين إنهم مرتبطين يعني فجأه تلاقين الxأكبر من الy‏ وشوي تلاقين العكس هنا يصير ما لهم علاقة ببعض..

وكمان لازم تعرفين إنو معامل الإرتباط يا إنو يكون بيرسون أو سبيرمان..

في شابتر ‏10‏ لمن يكون بيرسون وقانوونه في شابتر ‏10..
وفي شابتر ‏13لمن يكون سبيرمان وقانونه في شابتر ‏13..

بيرسون يجي بس مع أرقام ما ترتب..

سبيرمان يجي مع أرقام أو بيانات وصفية ترتيب يعني قابله للترتيب يعني تقدرين ترتبينها بطريقة معينة..

بس هذا كل شيء فيه ..

ربي يوفقك يا عسل على الدعوه الحلوه منك..‏^‏.‏~‏..