مفيد لكل طلاب وطالبات الآداب

[توتا بس سوسا]

السلام عليكم ورحمة الله وبركاتة

في البداية احب اشكر صاحبة الموضوع لإفادتنا لها بموضوع اكثر من رائع انا عن نفسي اشكرك من الاعماق


وانا لسى توي مخلصة مستوايا الاول وباقلكم اساتذة مستوى العام الاول دا اللي اقدر افيدكم به

لصغر سني


1-مهارات لغويه 101(فوزيه العتيبي) اسئلة جدا رائعة ودقيقة وشرح اكثر من رائع وتعطي بونس
ومراجعات واسئلة تساعدك على المذاكرة ومبتسمة اغلب الاحيان


2-لغة انجليزية 101 (صدف+ازين) الاولى باكستانيه طيبة وحبوبة وتعطي بونس وشرحها رائع
استاذة من جد الله ييسير عليها امرها يسرت علينا كتير اشياء وترا مرة متساهلة

والثانيه ماليزية دايما تعبانة ومصدعة وتتأخر بس ضحوكة وتساعد مرة تحاول توصلك المعلومة بكل قوتها

((ويعطو اسئلة بونس في نفس الاختبار))


3-مهارات الاتصال (خديجة خوجة) اضافة على ماذكر سابقا مالها كلمة وحدة دايما تغير كلامها من دون ماتخبرك مثلا تقول اعطيتكم بونس تجي تسئليها عليه تقول كييييييييف اعطيتك؟؟ ولا تسامح على الغياب بعدين كييييييف سامحتكم؟؟ الاسئلة مقاليه دايما بس النهائي وقليلة جدا وتكلف البنات بالحضور والغياب واستلام الاعمال وتشغيل الحاسب مقابل درجتين مرة تتأخر هيا وتغيب من غير ماتقول انها راح تغيب الا كم يوم اللي تقول بالصدفة ((((بس يسير عندها شي غريب مع التهبيب دا كلو الاغلب يجيب
+a في مادتها)))


4-ثقافة اسلاميه (سارة روزي) اضافة على ماسبق انسانة رائعة ولزيزة ودايما مبتسمة ومتواضعة لأبعد الحدود راااااااااااااائعة من جد بس اسئلتها شويه صعبه وتعطي كل واحد حقة وتختبر اختبارات بونس بس انسانة تستحق كل طالبة انو يكون عندو استاذة رائعة زي كدا على الاقل في ترم واحد في كل دراستو الجامعية الله يسعدها يارب


5-حاسب الي (وفاء الضحوي) مرة لزيزة وطيبة ومرة تساعد واسئلتها مررررررررة سهلة تتأخر شويه بس مرة لزيزة الله يسعدها يارب مرة متساهلة




وانا بكدا خلصت ان شاءالله اكون افدتكم وياريت تفيدوني انتوا كمان