طلاب وطالبات الانتساب جميعا مششورتكم ربي يسعدكم

[H & M]

السلام عليكم ورحمة الله وبركاته

ابي افادتكم في بالي
انا من التسكين وانا رغبتي كانت ادارة اعمال ماكنت اعرف انها بتصبح رابغ جامعة مستقله قريب توقعت على الاقل بعد التخرج مثل اي مشروع ينتج بالهلبد مايخلص بالسرعة العجيبه

الان اتضحت الامور اكثر وشكل فصلها عن جامعة عبدالعزيز قريب من الاخبار والمعلومات
انا من طالبات الرياض وماقدر اروح لرابغ لاني اصلا اجلس عند احدى قريباتي لتأدية الاختبار وماقدر اقولها وديني وجيبيني من رابغ
انا مادفعت ولا تمرمطت ولا تغربت فترة الاختبار الا نية باستلام وثيقة من جامعة الملك عبدالعزيز مابي غيرها طيب من باب اولى جامعة الامام عندنا لو ابي احسن وكل شي قريب

استفساري اقدر احول الى ادارة عامه ولو انه ضد رغبتي بس علشانه يندرج تحت جامعة عبدالعزيز
وش المسارات الي فيها
تشجعوني على دخولها بالي ذكرته لكم فوق
مجالات لتوظيف فيها كويسه اقصد اقسامها مرغوبه
تحويلي من قسم لقسم يحتاج اني اجي لجدة ولا معاملات من النت


الله يسعد قلوبكم ماخاب من استشار الموضوع مقلقني كثير فوق ماتتصورون ابي ارائكم السديده
ولكم من دعوات عسى الله يقبلها بس
لا تتجاهلون موضوعي الله لا يخيب لكم رجاء

[H & M]

ياساتر حتى دعوة ولا كلمه طيبه مافيه
وش روح التعاون الي عندكم :)

لا تعليق بصراحة على عدد القراء ولا جواب واحد

[a.private]

اهلين اختي

اللي اقدر افيدك فيه عن تجربتي بالتحويل من مسار الى اخر

من اداره عامه مسار عام الى مسار تطوير وتنظيم اداري

وكان بعد اختبارات المستوى الثالث بمقر الجامعه بجده واخذ مني من الوقت تقريبا 10 دقايق بالكثير ربع ساعه لانه يحتاج ثلاث تواقيع وبدون واسطه وبدون تعب وتغيرت بنفس اليوم على الاوديس

وممكن تتصلين على الجامعه وتستفسرين بنفسك لاني سمعت ان اختبارات كليه رابغ حتكون كمان بجده والله اعلم (ماابي اتوهك بس كذا سمعت)

واتمنى لك التوفيق بالحياه العلميه والعمليه يارب

[saera]

الله يوفقك ويسهل لك امورك انا ماعرف بس الله يعينك وتنحل مشكلتك

[abod900]

مو مهم اسم الجامعة المهم رغبتك وطموحك
واللة يوفقك

[غموض999]

انا اقول لك
توني الان مقفله من الجامعه
اتصلت عليهم وسألتهم نفس استفساراتك
طبعا لأني نفس حالتك تماما
انا من الرياض ودخلت اداره اعمال على اساس انها جامعة الملك عبدالعزيز وكنت ناويه على اداره اعمال دوليه لأنه هالقسم قوي ونادر
ولكن للأسف ولا واحد فيهم ولا وحده فيهم عنده خبر او معلوميه
اللي قدرو يفيدوني فيه انه كل واحد يحولني على الثاني واللي قالها بصريح العباره انه ماعنده اي معلومه واللي ينفخ ويقول عندي اتصالات وانا مااعرف شي واللي يقفل الخط بوجهي
واخر شي ردت وحده وقالت احنا مالنا علاقه طالما انك برابغ لازم تكلمي كلية رابغ احنا الامر طلع من عندنا
قلت لها طيب لو ابغى احول من اداره اعمال الى اداره عامه قالت لازم حضورك قلت لها انا من الرياض ماينفع من التلفون او النت قالت لا لازم حضورك لجامعة جده اذا تبغي تحولي لأداره عامه
وقبلها رد علي واحد وقال لي اذا انتي مستوى ثالث كويس انتي لحقتي على انه تكون كل اختباراتك بجده
لأنه اللي برابغ خلاص مافيه شي اسمه انتساب بأداره اعمال مافيه الا انتظام وانتي طالما انك مقبوله انتساب خلاص بتكوني بجده
طبعا احس انهم حيروني اكثر ولكن خلاص اذا طلع صدق مافيه اداره اعمال دوليه انتساب راح احول اداره عامه بالرغم انه مو طموحي لكن مضطره علشان مسمى شهادة جامعة الملك عبدالعزيز ولا على قولتك كان دخلنا الامام اولى ولا نوره ولا فيصل الشرقيه اقرب لنا
اتمنى اكون افدتك لأني نفس مشكلتك