الاعفااااااااااااااااااااااااااااااااااااااااء

[faisal03]

طبعا أول شي أحب أقلكم انو ولله الحمد شملني الإعفاء امس وهادي القصة كالتالي:
أنا يوم الاثنين الماضي الموافق 24/11/1431هـ جاتني رسالة ع جوالي في تمام الساعة 5 مكتوب فيها (عزيزنا الطالب بخصوص برنامج الإعفاء نرجو منك طباعة نمذج المراجعة ومراجعة عمادة خدمة المجتمع والتعليم المستمر )
طبعاَ طبعت النموذج وكل شي جبتو لهم
يبغو متطلبات كالتالي
1- صورة من هويتك وبطاقتك الجامعية
2- كرت العائلة أو صورة من إقامات العائلة لغير السعوديين
3- تعريف بالراتب
4- كشف حساب من البنك اللي الراتب بينزل عليه
5- صورة من عقد الإيجار
والحمدلله رحت هناك وسويت كل شي وانتظر لين ما جا دوري طبعا اللي يروح اول يسجل اسمو عند موظف الاستقبال وينتظر لين يجي اسمو
وبعد ما زهم عليا رحت وطابق الأوراق بس انا كانت كلها صور لنو انا لحالي هنا واهلي في أبها فمشولي هيا وبعدها قالي خلاص يا أخ فيصل ألف مبروك راجع جدولك نهاية الأسبوع الجاري إلى نهاية الشهر الجاري وراح ينزل
قلتلو طيب أنا دفعت قالي مو مشكلة الإعفاء راح يترحلك لين الترم القادم والرسوم اللي دفعتها خلاص راحت
* مع العلم يا أخوان وأخوات إني لمن سجلت في الموقع طلعلي (لا يمكنك التسجيل لعدم استوفاء الشروط لكن الحمدلله)
تحياتي^_^