لاخواتنا الطــالبات الي حيختبرو مستوى ثاني انقليزي ...طريقه الاختبار هنا

[khalid altaif]

بسم الله الرحمن الرحيم


طبعاا حمدلله اليوم اختبرنا احنا الطلاب المستوى الاول والتاني والتالت


انا مستوى تااني وحبيت اساعد جميع الطالبات الي لسه اختبارهم الاسبوع الجاي


ملاحظه قد يختلف اختبار الاولاد عن البنات بس انا حقولكم الاسئله الي جات عندناا ان شاء الله

بسم الله نبدأ



* الا ختبار مقسم ثلاثه اقساام*



القسم الاول :

حيكون الليسن حيشغلو لكم سي دي وحيكون اول شي في السي دي محادثه اتنين بيتكلمو وكدا ومرره لا تلخبطو نفسكم وتستعجلو حتنعاد المحادثه مرتين وركزو في التالي

1- حيكون في المحادثه معلومات من ضمنها يسال عن عدد الاطفال مثلا او عدد حاجه معينه
2- ركزو في طريقه نطق الكلمه لانو في فقره جاتنا فيها there و thery"erوموشرط تكون دي الكلمات بس ركزو في النطق واهم حاجه تكون اذنك مع السؤال وعينيك على الورقه بتركيز

3-حيتكلمو عن رحله وعن اكل في الرحله وزي كدا

4- وحده حتتكلم عن مكان وتوصفو ومتى ابنى ومتى بدا وكم رقم هاتف دا المكان والموقع حقهم وبكم يبيعو دي ركزو فيها
وفي في وحده من المحادثات فيها الساعه كم او حاجه زي كدا ازا ماخاب ظني تقول في الحادثه تسعه وربع وانتي طبعا تكوني عارفه النطق تبعها عشان تعرفي تختاري


والله دا الي اتزكرو من اللسن




*القسم الثاني*


حيكون الريدينق

طبعا كتير يقولو كيف ريدينق والاختبار اختيارات يعني مافيه قسم شفوي

طبعا الريدينق حيكون كالتالي ::


1- حتكون قطعتين الاولى عن امراه طياره زمان وكدا وكيف تعلمت الطياران؟وكيدف بدات في المجال دا؟وارقامها القياسيه ؟


دي القطعه مررررررر مرررررررره سهله بس اهم شي لاتستعجلوو نهاائيا خلاص خلص الريدينق على مهلوكم لا تستعجلو وركزو


2- قطعه عن واحد يشتغل في كافي حيسالك كيف عرف الشغلانه دي ؟ومين رئيسو في الشغل ؟وليش اشتغلها وكدا وبرضو سهله مرره


وكدا ينتهي الريدينق

وماانسى اقولكم انو من ضمن القطعتين تكون اسئله عن الساعه عن الاسعار زي كدا اشياء تكون زي نصها قرمر ونصها رييدينق


* القسم الثالث *

القرمر

واكتر الناس بتخاف من القرمر في الانقيزي بس ان شاء الله مافي خووف

القرمر حيكون كالتالي :

حيكون في اسئله جداا تافهه زي الي تجي فيها is im دي ان شاء الله سهله

وفي اسئله عن how many و how much ركزو فيها دي اانا قبل الاختبار ماذاكرتها

وحيكون عن برزنت سيمبل وباست سيمبل والاشياء الي تختص قي القرمر في الكتاب ماحتخرج عنها




ملاحظات هامه جداا جداا::

اتمنى انكم تاخدو كلامي بعين الاعتبار وماتعتمدو عليه لانو امكن يغيرو الاسئله بس ان شاء الله الطريقه نفسهاا



وذاكرو الكاتبين من شابتر 1-7 وافموهم كويس ومن دحينا اقولكم ازا زاكرتوهم مبروووك الفول مارك باذن الله



وفي نهايه الموضوع اتمنى منكم دعوه في ظهر الغيب


تقبلو تحياتي اخوكم خالد

[أسطورة الريف]

الله يوفقك يارب

وإن شاء الله تجيب الفل مارك..

[ابتسمي]

الله يوفقك اخوي وتجيب الفل ماارك

بس بسألك

الليسنينق كم فقرة ؟؟؟؟

والريدنق كم فقرة ؟؟ وهو تكتب الاجابة ولا اختياري

جت قاعده اضافه ed ولا ماجات ؟؟؟

يعني جات كل القاعدات ولا بعضها ؟؟؟؟

[ابتسمي]

وتصاريف الافعال جت ولا ؟؟؟؟

[انثى مخمليه]

مشكوووووووووووور

بس والله مره خايفة من الليسننغ ف الكلاس احيانا كلمات تفوتني احسو سريع

ايش تشوف انت ؟؟

[khalid altaif]

المشاركة الأصلية كتبت بواسطة ابتسمي الله يوفقك اخوي وتجيب الفل ماارك بس بسألك الليسنينق كم فقرة ؟؟؟؟ والريدنق كم فقرة ؟؟ وهو تكتب الاجابة ولا اختياري جت قاعده اضافه ed ولا ماجات ؟؟؟ يعني جات كل القاعدات ولا بعضها ؟؟؟؟

اهلن اختي بالنسبه لليسنق كان مقسم قسمسن كل قسم 5 فقرات يعني كلها 10 فقرات
الريدينق والله ماازكر تمام بس بالقطعيتي امكن كلها حدود 20 او اقل
لالا اضافه ed ماجات عندنا

لا مو كلها بعضها بس حاولي تفهميها كلها وان شاء الله مافيها حاجه صعبه

بالنسبه للتصاريف احنا ماجانا امكن انتو يجي عندكم بس ارجع اقولك ان شاء الله ماتحتاجي الا تركزي وماتستعجلي والاختبار وربي مره سهل

الله يوفقك ويوفق الجميع

[khalid altaif]

المشاركة الأصلية كتبت بواسطة انثى مخمليه مشكوووووووووووور بس والله مره خايفة من الليسننغ ف الكلاس احيانا كلمات تفوتني احسو سريع ايش تشوف انت ؟؟

لا لا مهو سريع ولا حاجه وحيتكرر مرتين

اهم حاجه تدي عقلك تركيز عالي خلال الخمس دقايق دي حق اللسن وزي ماقلت ركزي في الكلام الي بينقال وعيونك على الكلام

ولا اذا تحسي نفسك في اليسنق تعبانه خدي الطريق وان شاء الله حتزبط معاكي

لما يتكلمو خلي عيونك على الاجابات واي عياره تسمعيها موجوده في الاجابات اختريها

دي الطريقه اذا مره تحسي نفسك ماحتفهمي حاجه اوك

والله يوفقك ويوفق الجميع

شكراا

[••Cute Girl]

::

ربي يسعدك ويفتحهآإ عليكً..

الفل مآإرك إن شاءاللهً..

=)


!ّ

[khalid altaif]

المشاركة الأصلية كتبت بواسطة ••cute girl :: ربي يسعدك ويفتحهآإ عليكً.. الفل مآإرك إن شاءاللهً.. =) !ّ

اميين
ويوفقك ياااارب

[Dr.Shaikhah]

الله يوفقك ياخالد

وتتحقق آمآلك =)