حبايبي ممكن تساعدوووني .. دخيل الله ثم عليكم

[جميل88]

السلام عليكم ورحمة الله
كيفكم حبايبي؟؟
يا شباب دخيل الله ثم عليكم
والله من جد سرت اخاااف على هالترم
لا نزلوا الجداول ولا تقويم الانتساب ولا سددت الرسووم ومدري متى اسدد
ومتى الدورات التاهيلية؟؟
افيدوني يا شباب وساعدوووني
والوقت يداحمناااااا
والله ماني عارف ايش اسوي ؟؟
يااا شبااااب
اشتري الكتب ولاا؟؟ اذا اشتري مين فين اشتريهاا؟؟ أخاف اشتريها الحين ويغيروا المناهج!!
عشان ابدا المذاكررة
وانا من المدينة ما اعرف احد هناا يدرس في الجامعة ولا في جدة
اذا احد من المدينة يدرس في الجامعة وتخصص انجليزي واذا حب يساعدني
لا تبخلوا عليا راسلوني ع الخااص وارسال الايميل
عشان الخاص مقدر اراسل يقولي بعد مائة مشاركة وانا لسة مبتدي في المنتدى
الله يحفظكم ويسدد خطاكم
ودمتم بحفظ الله ورعايته
أخوكم: جميل

[حنين الود]

بالنسبة للسداد لاتشيل همه ..لسسسسسسسسسسسسسسسى ماحينتهي الوقت والوقت قدامك طوييييل ..
والجداول حتنزل بعد السداد ..
التقويم للأسف مانزل وماندري متى حينزل ..
لاتشتري الكتب للمواد تبع التخصص.. بس مثلا ماده الثقافه الإسلاميه والعربي ..أبدا وخلصها وأنتهي منهآ .. في الفتره دي لحده ماينزل التقويم..
والفرنسي 1 (المستوى الأول ) لاتشتري الكتاب بس روح قسم الملخصآت فوووق ذآكر منو وأستغل الوقت لآتضيع وقتك على الأقل تآخد فكره عن المنهج ..لحده مانتأكد إنو كتاب الفرنسي ماتغير.. والمناهج التانيه أستنى لما تنزل المفردآت في موقع الجامعه الله يصبر الجميع على الجآمعه وتأخيرها
رآبط قسم الملخصآت
http://www.skaau.com/vb/forumdisplay.php?f=96

رمز الفرنسي lanf 221
بالتوفيق إن شاء الله ..

[جميل88]

اختي حنين الود
يسعد لي مساءك
ويعطيك العافية ع التوضيح الجميل
بالنسبة للملخصات انا نزلت من اول
الثقافة والعربي اشتريها ابدا المذاكرة ولا ايش
بس من فين اشتري من المدينة في مكاتب تبيع في المدينة ولاا
واسم الكتب ايش لمن اروح المكتبة ايش اقولهم
والله يحفظك ويرعاكي

[جميل88]

الله يفتح عليكي اختي الكريمة
باذن الله بكرة راح اروح مكتبة الجرير
اشوفها ان شاء الله
والله يوفقك ويسعدك
وحبايبي الشباب ان شاء الله ما يقصروا
والله يحفظكم جميعا

[حنين الود]

العربي حتأكد وأردلك ..
بالنسبة للثقافه الإسلاميه ..تطلب إسم الكتاب ثقافه إسلاميه المستوى الأول او 2 او 3 على حسب مستوآك .. أستفسر في مكتبه جرير ..لانو في جده موجود في جرير .. بس في المدينه ماعرف..
وبالنسبة للمكتبه في المدينه أكيد في فرع بيشتروآ منو الطلاب بس والله ماعندي معلومات ..
وبعض الطلاب ..يشتروآ الكتب من جده والمكتبه ترسلها بالبريد ..
عمومآ ..بكرة الصباح حتشوف ردود أخوانك الطلاب ومآيقصروآ إن شاء الله ..
(لآتعتمد على الملخصات وتترك الكتب ..بس ذآكرها عشان مايضيع الوقت وتستفيد وتفهم المنهج عن إيش ..وبرضو تآخد فكره عنو ..ولما تبدأ من الكتاب حيكون كل شي سهل بإذن الله ..

اتصل عليهم وأستفسر قبل ماتروح عشان ماتروح على الفاضي ..

[orgwan]

موفقه

[جميل88]

سالتهم يقولووا ما عندهم
افيدووووني يا شبااااااب الجامعة
وين الشبااب عني
الله يخليكم سااعدووني
الله يوفقكم يااا رب