يا أحلى طالبات للغه العربيه عندي إستفسار واستشااره بسيطه

[طالبه مجده]

إش رأيكم في مادة الأدب الجاهلي arab231
أنا من قسم الدراسات الاسلاميه وأبغى أخذها ماده حره
هل تنصحوني فيها ؟؟
ومن الأستاااذه الكويسه الي تعطي هالماده وشكرا

[قست الدنيا وقسيت]

الماده حلوه اذا كنت تحبي الادب
بس لاتاخذي ماده حره من العربي الانه الصراحه يبغالوا مجهود
وخصوصا مادة الادب تتعبك التكاليف
هذا رآيي والقرار الاخير لك :)

[طالبه مجده]

مشكوووره عيوووني بس أنا أحب الأدب مرررره بس برضوو خايفه منووو
يعطييك الف عااافيه قلبي

[هندش ~]

نازل هذا الترم من ٩ لـ ١٠ مع دلال بخش ..

ما أدري اذا فيه مع غيرها أو لا بس مدحوها : )


بالتوفيق

[سارين1990]

الدكتورة دلال بخش كتير ناس مدحوها

[Apple]

//



أهلاً طالبة مجدّة ,, ربي يحفظك


ما شاء الله ، حلو طيب تاخدي مادة تحبيها

أهم شي لا تتخيلي الأدب زي أدب الثانوي

شي مختلف تمامًا

د. دلال حبوبة وشرحها تمام

بس تحب الشغل << يعني لو ماعندك وقت تروحي المكتبة وتفرفري في الكتب + تفتشي في النت = ماتنفع لك المادة

تكليفها بحث من 4 أسئلة عادة ، حلو ويفيدك في الاختبار .. من 20 درجة

الاختبار كتاب مفتوح << أي كتاب في العالم مسموح لك تدخلي معاك

أي شي منشور .. جريدة ، مجلة ، كتاب ، أو ش في النت مسموح .. إلا شغلك إللي عملتي مو مسموح


أي سؤال إحنا حاضرين ^^


//

[هندش ~]

تفاحة يا عسل لو ممكن تفصلي أكثر :$


يعني تكرف الواحد ؟!


والاسئلة كيف بتكون لو الكتاب يدخل !!

[Apple]

//


يعني إنتِ لو بدك الـ 95 وفوق لازم تكرفي نفسك (قراءة)

يعني لازم تفتحي نفسك على نقاط معينة في المادة من خلال قراءاتك

لو ما كرفتي نفسك أقول لك تجيبي 80 ونازل ،

وانتبهوا للإملاء << أجل طالبة لغة عربية وما تعرف تفرق بين همزة الوصل والقطع << تنقص عليها


،،

والاسئلة كيف بتكون لو الكتاب يدخل !!

الأسئلة : في النصفي

عبارة عن أربعة أسئلة وتختاري منها اتنين تحليهم

كل سؤال جوابو مقالة من مقدمة وعرض وخاتمة

ونفس الشي في النهائي بس تجيب سؤال خارجي لو حابه تحليه ولو مو حابه على راحتك طبعًا

<< لا تفرصعوا عيونكم ترى كلو من الملزمة اللي تعطيكم هي

والكتب اللي تقول لكم عليها = مافي شي خارجي



//