طلب مسااعده عاجله.....هلموا هلموا

[wael.h.a]

آهئ آهئ

والله حيره ياشباب..مو عارف اتخذ قرار انا صليت الخيره وكل اهلي واصحابي يقولولي جاتك الفرصه لحدك لاتضيعهااا

بس برضي خاايف لاقدر الله ما امشي ولا اتعثر واورط وقتهاا

بس هل لو دخلت علمي وجبت لاقدر الله معدل واطي اقدر بالعمدل الواطي اخش اداره مثلا؟؟محاسبه؟؟


ارجوكم بسرعه بقي ساعه ونص واحرك من مكه فلازم تساعدوني بسررررعه

يارب اكتب لي الخيرر...وللمعلوميه انا نفسي اسير مهندس بس خايف اني ماقدر....انا كانت رغبتي الاولى ااداره والتانيه هندسه وفجاءه سارت الهندسه الاولى وابغا هندسه باي طريقه

كلامي ملخبط لكن قلبي زي النار ومن التوتر الي فيا ونفسي خلاص اتخذ القرار وكل الناس يقولوا لاتضيع الفرصه ..واكيد انا حاشد حيلي عشان اعدي واتحول طالب عادي بمكافاءه وكداا

يلا بستناكم..ودعواتكم والله يوفقكم ياررب

شكراً احمد..شكرا نانوو

مع التحية

[MNMO0ONA]

هلا اخوي
الف مبروك عالترشيح للعلمي
شوف كل انسان وعارف قدراتو ونفسو انا كنت علمي في الثنوي واتخرجت بمعدل عالي ودخلت الجامعه علمي بس للاسف حسيتو شي فوق طاقتي كلو انجلش فسحبت وجلست سنه في البيت والسنه اللي فاتت دخلت اداري والحمدالله مرررررره تماااام
انتا شوف نقسك ادا تقدر تمشي ومستعد للمرحله دي فانا اقلك ادخل علمي وبالنسبه للتحويل في طلاب وطالبات يستمرو اسبوعين وبعدها ادا حسو محا يمشو يحولو فانتا شوف لو حسيتو صعب خلاص حول
موفق

[wael.h.a]

ياعني انا لو دخلت علمي تاهيلي..وحسيت انو مو قادر ينفع احول ع الاداره؟؟

وهل حاكون تاهيلي ولا طالب عادي؟!؟!؟

وشكرا لكي

[MNMO0ONA]

^
^
دا السنه اللي فاتت في طلاب وطالبات حولو اداري من الاسبوع الاول او التاني
بس برضو ماقلك اكيد النظام دا مستمر
ممكن على دفعتك يمنعو التحويل
على حسب موزونك اذا يسمحلك انتظام حيحطوك انتظام

[wael.h.a]

طيب انا اساسا مقبول الان انتظام ادري

بس عشان عندي هاجس اني بدي احول ع العلمي عشان اخش هندسه

طب لو حبت معدل واطي في العلمي؟؟ايش يسير اخش اي قسم اداري مثلا؟؟

ياررررررربي والله صراحه حتجنن :(:(


معليش تعبتك معايا بس استحملني ولكي الاجر ان شاء الله

[MNMO0ONA]

لا عادي خد راحتك
لو نهايه السنه معدلك كان واطي لاسمح الله تدخل تخصص من تخصصات العلمي اللي تقبل معدلات قليله

[wael.h.a]

طب اخر سؤال خلاص

ايش هيا التخصصات الي تعرفيها هادا في اسوء الحالات لاقدر الله وقت مايكون المعدل واطي؟؟؟

والله يعطيكي الف عافيه ياررررررررب والله يوفقك دنيا واخره يارررب

[MNMO0ONA]

على ماعتقد
كليه العلوم : رياضيات فيزياء كيمياء
كليه علوم البحار
وبرضو لو تسال المسار العلمي حيدوك الجواب الاكيد
واي سوال نحنا تحت امرك

[wael.h.a]

الحمدلله

حولت خلاص على العلمي..اللهم لك الحمد..وان شاء الله اني اتوفق يارررب

مشكورين يالي ساعدوتني الله يعطيك الف عاااااافيه

ماننحرم منكم يارررررب

اخوكم الصغير
وائل

[lujain.alsagh]

8
8
الف مبرووك

ربي يوفقك
ويجعل الدراسه عليك سهله
وتجيب فيها اعلى المعدلات يارب

شد حيلك من دحين
الي دخلو هندسه وماشاء الله لغتهم حلوه ماخرجو من بطون امهاتهم بلابل بالانجليزي الواحد لازم يتعب وان شاء الله ربي معاك ولكل مجتهد نصيب ربنا مايظلم احد انت اجتهد وربنا يعطيك على قد جهدك ان شاء الله ..
اتمنالك التوفيق وان شاء الله زي دي الايام السنه الجايه ان الله اراد اشوف عند تخصصك التخصص الي نفسك فيه ..

تقبل