بخصوص كيفية الدراسة للعام الدراسي الجديد

[طالب ثانوية صناعية]

اخواني اخواتي الاعزاء

انا سجلت بالجامعة والحمد لله باقي بس سداد الرسوم وراح اسددها واستكمل عمليه التسجيل

لكن سوالي المهم انا موظف بالشرقية ابي احد يشرح لي طريقه الدراسة او اذا اقدر اتواصل مع اي احد

من الي عندهم خبره بهالمجال عن طريق الايميل او الجوال لاني محتاج ضروري ما اعرف اي شي

عن نظام الدراسه بالانتساب

انتظر ردكم وسأكون شاكر لكم جميعااااا

[beto5311]

اي والله حتى انا الي عنده خبررررررره بليييييييييززززززززززززز

ابغى اعرف كيف ادرس ..

[طالب ثانوية صناعية]

معقولة ما احد رد علينا كيف طريقة الدراسة ياشباب ترا اول مره انتسب بالجامعة وما اعرف شي

[المميــــز]

الدراسه امرها بسيط اخوي
اول شي عندك سنه تحضيريه تقدر تختبرها في جده وتقدر تدفع رسوم وتخبر في منطقتك
بعد السنه التحضيريه تخصص
ويكون اختبارك في جده الا اذا تغير نظام الجامعه
وعندك قبل كل اختبارات دورات تأهيليه مجانيه اذا حاب تحضرها عباره عن محاضرات
واي استفسار اسال وان شاءالله اقدر افيدك

[جار القمر]

اخوي بداية الامر تحس ضباب بامور الجامعة لكن الامور اسهل مما تتصور وراح تعرفها بس حبه حبه

واي شي تحتاجه حنا هنا موجودين نزل استفسارك بموضوع وخلال 5 دقايق تلاقي اجوبتك

[sanad]

دراسة الإنتساب عبارة عن ثلاث أسابيع فقط
وبإمكانك ماتحضرها
لأن المنتدى كفى ووفى لوجود الملخصات فيه أوالتواصل مع أحد الطلبه
وأي استفسار بخصوص أعضاء التدريس...الطلاب موجودين بالخدمة
بالتوفيق للجميع

[طالب ثانوية صناعية]

طيب انا الان مثل ماقلت لك حتى مكان الجامعه مو عارفه متى ينزل جدول المواد واعرف ايش المواد المطلوبة عليى واي خطه انا وكيف اشتري الكتب والملخصات ومتى موعد الدوره التاهيليه الي اسمع عنها لانه لازم اعرف هالاشياء قبل عشان اقدر اقدم اجازه من عملي واروح احضرها

اتمنى اجد الاجابة الكافية

[مشاري الرياض]

المشاركة الأصلية كتبت بواسطة طالب ثانوية صناعية طيب انا الان مثل ماقلت لك حتى مكان الجامعه مو عارفه متى ينزل جدول المواد واعرف ايش المواد المطلوبة عليى واي خطه انا وكيف اشتري الكتب والملخصات ومتى موعد الدوره التاهيليه الي اسمع عنها لانه لازم اعرف هالاشياء قبل عشان اقدر اقدم اجازه من عملي واروح احضرها اتمنى اجد الاجابة الكافية

اخوي اذا كنت خارج جده تقدر تختبر بزياده رسوم اضافيه 1000 ريال ( الرياض / الدمام / القصيم / ابها ) بخصوص الجدول والخطه والدورة كلها تبين مع بدايه الدراسه 16-10

موفق

[طالب ثانوية صناعية]

مشاري

شكرا لك خيوو على هذه المعلومات والله لا يحرمنا منك ولا من ردودك الحلوة

ربي يوفقك وين ماكنت

ومرة شكراااا

[مشاري الرياض]

العفو اخووي

موفق خير ان شاء الله ....

واي استفسار الكل ماراح يقصر ...