د.ماثر الراوي "حسبنا الله ونعم الوكيل"

[May A.]

البنات لما راجعوها قالتلهم انا مااعرف كيف اطلب ورق الاختبار تبعكم
يعني كيف نشوفها ونتاكد من درجاتنا

[زيـــنـــة]

روحي لـ د. رندا و هيا حتجهز لك ورقك ،،

موفقة و مجبورة الخاطر يارب ..

[Reem alkhairy]

دكتوره مآثر الله يعطيها العافيه ويسعدها دنيا واخره انا من ناحيتي اعتبر مالها مثيل بين الدكتورات وحتى درجاتي مو عاليه معاها بس ماتظلم احد وبالعكس عطاءها كثير للطالبات واذا انتي واثقه راجعي ورقتك لكن لا تتحسبي عليها هي تستاهل دعوه افضل من ان الواحد يتحسب عليها ياااااااحبي لها انسانه حبيبه

[n.n.n]

البنات الي يمدحون في ماثر ترى احنا مو اول مره ناخذ معها يعني نعرف اسلوبها زين بس هالمره انا متاكده انها ظالمتنا يعني مو معقول شعبتين كامله ياخذون درجات واطيه يعني مثلا انا ماخذه 19.5 من 20 في التيست وماخذه 19 من 20 في المقال وماخذه في البيرد كويزز 18 من 20 معقوله اخذ 30.75 في الفاينل والاختبار كان سهل وانا متاكده من حلي وعارفه مستواي ولاتقولون راجعوا الورق لانها مارضيت تطلعها لناعلى العموم لو لي حق باخذه منها يوم القيامة ان شاء الله

[Reem alkhairy]

المراجعه سهله تدخلين السكرتاريه وتعبين طلب وبعدها بفتره يدقون عليك يحددون موعد جربو حظكم

[حنين الود]

لو أقدر أحط أسمآء البنات الي نجحوا معاها الترم دآ ودرجآتهم آآآخ بس المهم همآ 7 بنآت منهم وحده جآيبه 88 ووحده 60 ووحده 65 ووحده 73 وصحبتها 74 والثنتين التآنين مو عارفه درجاتهم بس نجحوا معاها وللمعلوميه انا اخدت السيمستر الي راح معاها وكانت الماده ثقيله دم بس هيا ماقصرت وانتوا عارفين البنات كيف يستهونوا بالماده ودكتورتها ومايحتاج نلعب ونضحك على بعض د مآثر لآيمكن تظلم أحد أبدآ وتعطي الوحده على قد تعبها الماده يبغالها تركيز وتوزيع الدرجات ممكن يرسب لأنو على ungrammatical تختاري 3 من 4 جمل وعليها 6 درجات وسؤال الجمله وتعمليلها الأقوآس 5 درجات وسؤال أخير عليه 6 درجات تبع الرولز او binding الأسئله 3 دي لوحدها 17 درجة لو ماعرفتي تحليها والأكيد طبعآ ماركزتوا عليها لانها مادخلت في الدوري ..ونص البنات حايسين فيها وغير كدا joory كيف تقولي ماتتوقعي ترسبي وانا متوقعه إنو ترسبي لأنو يوم الجمعة قبل إختبارك كنت بشرحلك دروس الي كانت داخله في الدوري يعني في العصر تقريبا تبغي تقنعيني انو المحاضرات تبع الدوري والي مادخلت في الدوري حيمديكي تركزي فيها وتفهميها في الوقت دآ بس ؟؟أنا كنت متأكده من دآ الشي لأنو بستغرب من البنات الي بيفهموا في نفس اليوم ويحفظوا ويجوا بعدها يقولوا ليه نرسب والله مو قصدي شي بالكلام دآ بس الحق ينقال ..وللمعلوميه أنا جبت درجه مو كويسه مع د . مآثر بس الغلط مني أنا ..مو كل وحده ترسب تجي تدعي على العالم ..ذاكروآ واجتهدوا ولو مالقيتوا نفسكم جايبين درجات بعدها يحق لكم تدعوا على العالم مو يجي يوم الجمعه قبل الإختبار البنات في المنتدى بيسألوا إيش الي داخل معانا في الإختبار ودحين تقولو ليه نرسب ..

[حنين الود]

المشاركة الأصلية كتبت بواسطة n.n.n البنات الي يمدحون في ماثر ترى احنا مو اول مره ناخذ معها يعني نعرف اسلوبها زين بس هالمره انا متاكده انها ظالمتنا يعني مو معقول شعبتين كامله ياخذون درجات واطيه يعني مثلا انا ماخذه 19.5 من 20 في التيست وماخذه 19 من 20 في المقال وماخذه في البيرد كويزز 18 من 20 معقوله اخذ 30.75 في الفاينل والاختبار كان سهل وانا متاكده من حلي وعارفه مستواي ولاتقولون راجعوا الورق لانها مارضيت تطلعها لناعلى العموم لو لي حق باخذه منها يوم القيامة ان شاء الله

طيب صحبتي نفس الشي وجابت على المجموع كله 88 بس فيه طريقه معينه لما تجي تكتبي عن الجمل ليش هيا ungrammatical غير الأخطآء الإملآئيه

[n.n.n]

المشاركة الأصلية كتبت بواسطة حنين الود طيب صحبتي نفس الشي وجابت على المجموع كله 88 بس فيه طريقه معينه لما تجي تكتبي عن الجمل ليش هيا ungrammatical غير الأخطآء الإملآئيه

والله يا حنين لو انا اهملت في المذاكره مايهمني اجيبه الي اجيبه بس والله انا اجتهدت

وذاكرت قبل الاختبار باسبوع عموما الحمد لله على كل حال وماثر احسن من غيرها

[حنين الود]

الله يعوضك إن شاء الله ..بس بالنسبة للدرجات الي نقصتيها بصراحه قليل وبآين انو مذاكره لانه مع د مآثر 10 والله قليل لأنه الإختبار دقيق جدآ ..ويفرق الي تذاكر زيك من اسبوع ولا قبل الإختبار بيوم بس ربنا يعوضك في مواد تآنيه إن شاء الله تجيبي الدرجة الكآملة ..أهم شي جبتي b+عشان التوصيه تقدري تاخدي منها

[n.n.n]

المشاركة الأصلية كتبت بواسطة حنين الود الله يعوضك إن شاء الله ..بس بالنسبة للدرجات الي نقصتيها بصراحه قليل وبآين انو مذاكره لانه مع د مآثر 10 والله قليل لأنه الإختبار دقيق جدآ ..ويفرق الي تذاكر زيك من اسبوع ولا قبل الإختبار بيوم بس ربنا يعوضك في مواد تآنيه إن شاء الله تجيبي الدرجة الكآملة ..أهم شي جبتي b+عشان التوصيه تقدري تاخدي منها

مشكوره حبيبتي على الاهتمام

بس ايش التوصيه الي اخذها