اش البلشة هاذي كيف اختباار رياضياات بدون الة حااسبة ؟؟

[Life as Game]

المشاركة الأصلية كتبت بواسطة oxsgen السلام عليكم بصراحه شي غريب بدينا الترم الجديد بعد الاجاازة والمعنويات في أحسن حال .. ولكن !! تجري الرياح بما لا تشتهي السفن.. الرياااضياات الحلووو .. تخيللوا طااح حظي في دكتورة تشرح زي الصاارووخ ,, كأنو احد يجري وراهاا .. بالله في احد يخلص شابتر كاامل في محااضرة وحدة .. لا سؤال ينفهم وجواب يطرى على البال .. الواحد واهو يحل يحس انه فعمره ما عرف حتى ناتج 1+1 .. ويقولون انو الاختباارحيكوون بدوون الة حااسبة .. بالله من جدكم انتو !! اطرح الموضوع عليكم .. وأتمنى أني اعرف رأيكم فيه من البداية من الغلطان .. الطالب والا الامتحانات اللي لا تطرى في البال والا من إدارة الجامعة اللي كل ما قلنا هانت عسرتها أكثر,,

عليكم السلام
خيتو مهما كانت الدكتورة ومهما كان شرحها...اشتري ملخصات اشرف بركات وذاكريها وشوفي..\
والله العظيم كان عندنا دكتور يشرح وكمان يقول اسالوا لو ما فهمتم ..وانا كنت احضر المحاضرة عشان التحضير وعشان افهم بس مرت علي ضروف والله ما اقدر افهم منو شي وكأنو ما يشرح بالعربي....ولو جات محاضرة وفهمت انساها يوم المذاكرة..

بس الحمدلله شريت ملخصات اشرف وفهمت وعديتها بفضل الله ..

وكمان ياليت تشوفي لك دكتورة تانية تحولي عندها ..
الطريقة تكلمي دكتورتك انك راح تنقلي عند الدكتورة التانية ولما توافق كلمي التانية انك بتنقلي عندها ..وبعد الموافقة من الجميع يصير تدرسي عند الجديدة ..
ولو ما وافقت الاولى روحي للعمادة وان شاء الله يوافقون ..بس لا تقولي انها ماتفهم ..
قدمي لهم عذر كويس مثلا انك عندك ضرف في وقت محاضرة الدكتورة القديمة وكدا..
الله يوفقك..

[® βutteяfly aηgel«~.]

الآرقام حتجيكي بسيطه يعني لا تخافي محا تحتاجي آله ،،
المآث مره سهل بس انتي ركزي في الشرح وحلي تمارين الهوم وورك ،،
بالتوفيق يااقمر ~

[..ريما..]

ياقلبو لاتشيلي هم اله مرره

الحمد الله دخلت الدوري التاني والفاينل وبدون اله

بس اهم شي تعرفي كيف تطلعي cos واخواتها tan .....الخ

عن طريقه الرسم

بالتوفيق

اختك : ريما

[د/ روميو]

اختي اكسجين لا تشيلي هم ...

هوا مسموح اله بسيطهـ...

ويكون في علمكـ اعرف كثير خطهـ أ الماث 100 (:

وكثير a+

يعني لا تشيلي هم وتحطمي نفسكـ من اول اسبوع ...

[مراد الجنيد]

كلام روميو عين العقل لاتشيلي همها

[مايلي]

ممنوعه الحاسبة بس على فكره الرياضيات اسهل مادة في خطة ا يعني تجيبي 100 وانتي مرتاحه بس اهم شي افتحي اسئلة حمزة ابو جبل هو الي يحط الاسئلة وماتطلع عن الملازم

وبالتوفيق ان شاء الله

[مس لولا]

الحاسبات البسيطه عادي تستخدميها
انا افتكر الدوري الاول رحت الاختبار من دون حاسبه

[Oxsgen]

meme17
جود الجوري
Fahrenheit
Super amazing
sho0ory
عـــــــــــاصــــــــم
AnoOosa NoOoSa
Life as Game
® βutteяfly aηgel«~.
..ريما..
د/ روميو
مراد الجنيد

مايلي

د.جولي
مس لولا


أشكركم عالمرور

والله يوفقكم لكل خير,,

ياارب الكل يتوفق وتتسهل امور المجتهدين ...


الله يعطيكم ألف عافية ,,

,,