كيف تم حساب درجات الإنقلش ؟!

[سوار]

السلام عليكم ورحمه الله وبركاته

كيفكم ان شاء الله بخير


* ممكن تقولولي كيف تم حساب درجات الانقلش<<< مررره مهم
*ابغى اغير جدولي

لماذا؟

لنو عندي الرياضيات والغفيزياء في اخر الدوام الرياضيات من 5.3
الى 7

والفيزياء من 6الى 7

والمهارات والانقلش والحاسب كلها في بدايه الدوام


بالله ايش اسوي

ابعرف مين الي سوى الجدول بس

[ميعاد]

انا السميستر الاول كنت الرياضيات من 6 لـ 7..

وغيرتوا الاستااذه من 12 لـ 1..

ان شاءالله اول اسبووع تكلموا استااذاتكم , ويوافقوا يقدموها بدري .. ولمن تقولولهم احنا تاهيلي وكذا , ان شاءالله بيحسوا..

لا تشيلي هم مررا..

تتجمل ان شاءالله..

[Oxsgen]

خطة الف جداولهاا عجيبة ,,

رحمتك يا رب ,,

سوار الله يعينك يا رب ..

[SHOSHO:)]

حتى انا الرياضيات من 6 الى 7
بس خلاص خلاص تعبت من التأهيلي مافي وقت للمذاكره حتى
كل اليوم يروح في الجامعه
بأذن احول انتظام او انتقالي اي شي في الصباااااااح

[سوار]

جزاكم الله خير

بس و لا احد جاوب على اسئلتي
مره مقهوره على الحدول بالله كيف يحطو الرياضيات والفيزياء في الاخير والمواد السهله في البدايه

[سوار]

up

[مراد الجنيد]

الانجلش اخدوا افضل 3 اختبارات وشافوا كم انتي ناقصة فيها مثلا 8 درجات ونقصوها من 100 حقك مش متأكد بس كثيرين جات معاهم زي كدا جربي ورديلي خبر

[رهف الاحساس]

اخذو احسن اختبارين بالنسبه للدوريات مع الفاينل بنسبه 70 % وال50 لكل استاده اخذو 30 % فسارت 100%
هذا الكلاام مو مني من المعهد نفسو لأني راجعتهم يوم الاثنين وقالولي كدا بالتوفيق

[سوار]

المشاركة الأصلية كتبت بواسطة مراد الجنيد الانجلش اخدوا افضل 3 اختبارات وشافوا كم انتي ناقصة فيها مثلا 8 درجات ونقصوها من 100 حقك مش متأكد بس كثيرين جات معاهم زي كدا جربي ورديلي خبر

جزاك الله خير

بس ان ما اعرف الا اختبارين

طيب البرزنتيشن والرايتنق والواجبات فين راحت درجا تها

[سوار]

المشاركة الأصلية كتبت بواسطة رهف الاحساس اخذو احسن اختبارين بالنسبه للدوريات مع الفاينل بنسبه 70 % وال50 لكل استاده اخذو 30 % فسارت 100% هذا الكلاام مو مني من المعهد نفسو لأني راجعتهم يوم الاثنين وقالولي كدا بالتوفيق

جزاك الله خير