تحويل من كلية الآداب إلى كلية اقتصاد وادارة

DeepFeeling · #1 03-02-2010, 02:47 PM

حبايبي أنا باختصار شديد أبي أحول من كلية الأداب والعلوم الانسانية إلى كلية الإقتصاد والإدارة ..!!

وابي مساعدتكم ...! ولا رقم من ارقام الجامعة يرد علي وارقام الفاكس غلط ..!!

من يقدر يساعدني برقم فاكس لو ارسل لهم خطاب ..

أخوكم مستاء جــــــــــــــــــــدًا ....

بالتوفيق للناجحين وشدوو حيلكم يا الباقين ..

DeepFeeling · 03-02-2010, 03:01 PM

انتظر رد من اخواني واخواتي اعضاء المنتدى ...

احترامي لكم

السلمي 2010 · 04-02-2010, 02:55 AM

اللي اعرفه يالغالي انك ترسل عن طريق الأودس

طلب تغيير تخصص عن طريق نظام المعاملات الإلكتروني للطلاب

ونصيحتي انك تروح للجامعه افضل واسرع لك من الرسائل

اتمنى اني افدتك

الانس · 04-02-2010, 03:31 AM

انا حولت من كلية الآداب الى كلية الادارة
بس لازم تروح لنفس الجامعه 00 وقبلها أسأل لأنه في أوقات محددة للتحويل من كلية الى كلية بالنسبة للمنتسبين تختلف
عن الاوقات تبع المنتظمين 0
بالنسبه لي 00 حولت بعد بداية الترم الاول باسبوعين 0

fna · 04-02-2010, 03:34 AM

ياحبيبي الموضوع بسيط جدأ

ارسل لهم معاملة الكترونية وعطهم وش عندك وهم بيردون عليك خلال كم يوم ويعطونك وش عندهم

امل عطشان · 04-02-2010, 03:49 AM

لاتروح الجامعه ولاهم يحزنون
ارسل رساله بالمعامله الالكترونيه _ طلاب _ واكتب رغبتك بالتحويل وان شاء الله يحققون مبتغاه
لاني انا سويت كذا حولت من كليه الاداب الى كليه الاقتصاد والاداره وبدون الذهاب للجامعه
بس ملاحظه ترى بيعادلون لك الساعات اللي اخذتها
يعني المواد اللي درستها في كليتك السابقه وموجوده في الكليه اللي تبغى تنتقل لها مارح تدرسها بيحسبونها لك
اما المواد اللي درستها في كليتك السابقه وليست موجوده في الاساس في كليتك الجديده مايحسبونها لك ( يعني راحت )

baiik · 04-02-2010, 06:48 AM

ريح عمرك وطلع على الجامعة

DeepFeeling · 06-02-2010, 10:50 AM

اشكركم على الرد يا حبايبي بس .... طلعه للجامعة صعبه شوي وانا سمعت اني اقدر احول عن طريق ارسال خطاب باالفاكس ...!!

الله يعطيكم العافيه يا رب

DeepFeeling · 06-02-2010, 11:11 AM

المشاركة الأصلية كتبت بواسطة امل عطشان

لاتروح الجامعه ولاهم يحزنون
ارسل رساله بالمعامله الالكترونيه _ طلاب _ واكتب رغبتك بالتحويل وان شاء الله يحققون مبتغاه
لاني انا سويت كذا حولت من كليه الاداب الى كليه الاقتصاد والاداره وبدون الذهاب للجامعه
بس ملاحظه ترى بيعادلون لك الساعات اللي اخذتها
يعني المواد اللي درستها في كليتك السابقه وموجوده في الكليه اللي تبغى تنتقل لها مارح تدرسها بيحسبونها لك
اما المواد اللي درستها في كليتك السابقه وليست موجوده في الاساس في كليتك الجديده مايحسبونها لك ( يعني راحت )

أخوي أمل عطشان ،،،

مشكور يا بعدي على المساعده فعلا قدمة على المعاملة الإلكترونية مثل ما تفضلت علي بالطريقة ،
وانشاءالله يردون علي ويتم التحويل ...

الله يسعدك دنيا وآخره ويروي آمالك قول آمين ..

تحويل من كلية الآداب إلى كلية اقتصاد وادارة

ملتقى المنتسبين