قصتي مع مركز اللغه ..أش رايكم؟؟

[Mathematician]

بسم الله الرحم الرحيم


انا ليا مدة اراجع هادا المركز .. , وكلمتهم الدائمة راجعينا بكرا ..
لمن في النهاية قولتلهم اسمعوا ياجماعة الخير ادولي وقت محدد اجي فيلو واراجع اختباري الدوري الثاني ..(للمعلومية الاختبار الاول رحت اراجع قالوا انتهت المدة المحددة يعني شوفينا مرتبين وقالوا انهم أعلنو سألتهم وين أعلنتم؟؟؟)قالوا قلنا للاستاذات يقولون لكمبالله اش رايكم؟؟
أكمل قالو الدوري الثاني من يوم السبت إلى الاربعاء من 10_1 ورحت اليوم الساعة 11 واروح القاعة حقت الاجتماعات اللي يراجعوا لنا فيها ..أيش شفت ؟؟هديك الحفلة الطاولة مليانة أكل وفالو سورررررررري تعالي بعد نص ساعة طيب انا اش ذنبي انا جاية على الموعد اللي هم قالو وين احترام المواعيد انا احترمت موعدهم وجيتهم على اساسه فشان كذا مفروض يحترمو الموعد اللي هم حاطينو .. المشكلة مو هنا ..قعدت استنى لمن انتهو من الاكل (عفوا الاجتماع) نادونا البنات اللي مسؤلين عن المراجعة (كانوا مررررره محترمين) ودخلونا الساعة 11:45 تقريبا
ويفكوا الظروف ..اش دا مافي ورقه الحلول الصحيحة ..فإش رايكم ..
صراحة هو مو ذنب البنات اللي كلفهم المركز ومع هذا اعتذروا منا ..
المهم حسبي الله ونعم الوكيل عطلت أشغالي ع الفاضي ..
اقل شيء يقال في حق المركز انه قمة في الاستهتار ..



اش رايكم؟؟؟

[زهرة الوادي]

ياحياتي عليكي ماشالله صبورة .. احنا بشر مو لعبه عندهم .
الله المستعان

[Rock noshi]

استهبال قللك مركز ياشيخة انا من يوم ماشفت توزيع الشعب للاختبارا غسلت يدي
في كل جدول اختباري في مكان lol

مو مشكلة قلبوو اصبري والله يعينكـ .. : )

[Brilliant Shores]

الله يكون في عـــــــوونك ومالك الا انك تصبري واددعــــي ربنا يسهل لك ويوفقك