(2)..( كيف أرتب جدولي)؟ إكتبي المواد والبنات يرتبولك حسب خبرتهم ..

[M!SS]

المشاركة الأصلية كتبت بواسطة حنين الود د. ابتسام عسل ودقيقه في الوقت لازم تسلمي كل شي في وقته اختبارين دوري وواحد فاينال وبربوزال والبيبر والكارتز بسسس دا المطلوب منك الحضور عندها مهم مهم مهم وممنوع تتأخري في الحضور وتركزي معاها وتسلمي كل حاجه في وقتها وان شاء الله تمشي تمام اختباراتها تعطيكي 5 اوراق تقريبا تحفظيها ويجي الاختبار منها وتحددوا في الكتاب كم كلمه والفاينال بيكون قبل الاختبارات النهائيه وتخلصي من الماده بدري واكيد بعد التوكل على ربنا حتجيبي a+

آش البربوزآل والكآرتز ؟
وهل المآده فيهآ قلق .. يعني فيهآ برزنتيشن ومجموعآت وآآدري آيش ؟

وتسسلمين يآقلبي ,, جزززآك الله خيرّ ..

[حنين الود]

المشاركة الأصلية كتبت بواسطة m!ss آش البربوزآل والكآرتز ؟ وهل المآده فيهآ قلق .. يعني فيهآ برزنتيشن ومجموعآت وآآدري آيش ؟ وتسسلمين يآقلبي ,, جزززآك الله خيرّ ..

وجزاااك يارب
شوفي عسوله البربوزل زي التقرير المختصر عن بحثك يكون من صفحتين والكوفر بيج الي تكتبي فيها معلوماتك واسم الدكتوره والخرابيط دي
وجوا تكتبي عنوان البحث الي اخترتيه وليه اخترتيه وتكتبي المراجع الي حتستخدميها يعني عناوينها واسم الكاتب ومختصر سطرين او 3 عنها وكيف حترتبي بحثك


الكارتز دي تختاري منها لونين لون ابيض والتاني ملون
تكتبي فيها اي فكره جات على بالك وتكتبي فيها الكوتيشن من نفس المقال الي يدعم موضوعك يعني مثلا موضوعك يتكلم عن الطلاق وعندك مقاله فيها نسب الطلاق تقومي انتي عشان ماتقري المقاله كلها تكتبي في كرت اسم المقاله وكاتبها وتكتبي النسب على طول يصير مترجعي للمقاله كلها وتقريها وتسلمي الدكتوره الكارتز دي بس ترى للمعلوميه اغلب البنات ماعملوها الي في النهايه عشان كدا تعبوا لكن انا الحمد لله
دعواتك