الله يقطعك يامهارات التفكير انت والاتصال , جبتولي المرض

[فايز الصقري]

مراحب .. خذ العلم الوكاد

أتفـــه مادتين (الاتصال ومهارات التفكير) على مستوى 8 فصول قادمه
ولافيها اي طريقه للمذاكره .. وكل مافي الأمر وببساطه (قراءه) فقط .. لأنها ممتعه وممتعه جداً

عارف .. والله إني بادي بالقراءه 10 بالليل واختباري 3 العصر .. أقسم بالله مافتحت المادتين إلا ليلة الإختبار

وقراءة فقط جبت بالثنتين 89 من 100 .. ولو كان فيه وقت للقراءه اكثر يعني لو قاريها ثلاث مرات بجيب فوق 95

نصيحتي لك إقرأها ثلاث مرات فقط .. وراح تلاحظ انه شيء تافه ولايحتاج للكثير من الوقت واكبر خطأ إنك تحاول تحفظ بالنص .. هذي مادتين للقراءه فقط .. وأعيد وأكرر أتفــه مادتين ممكن تواجهك خلال مسيرتك بالجامعه ..

في حالة إنك تجد صعوبه أو خلنا نقول ماعديت هالمدتين فانت أمام حلين .. الأول . إنك تسمع نصيحتي وتجلس بالبيت والحل الثاني .. إنك ماتحاول تعلم أحد إنك دخلت الجامعه وفصلت .. في حالة إنك تجلس بالبيت فأنت أمام حلين .. إما أنك تستمر في مستواك التعليمي كما هو أو إنك تحاول ماتقرأ حتى جريده .. في حالة إنك إخترت ماتستمر في مستواك التعليمي فأنت امام حلين .. التقديم على الضمان الإجتماعي أو تقديم براءة ذمه فإذا قدمت على الضمان الإجتماعي فأنت أمام حلين ياأنك تعرف أحد يضبط وضعك أو تقدم على أمل أنهم يوافقون في حالة أنهم وافقوا فأنت امام حلين إما إنهم يسوون لك مقابله أو يشكلون لجنه لتقصي عن وضعك .. وفي حالة أنهم سووا لك مقابله فأنت أمام حلين إما أنك تقول لهم انك كنت جامعي وإما أنك تخبي عليهم في حال إنك قلت لهم أنك جامعي وفصلت فأنت أمام حلين إما أن يسألونك عن مهارات التفكير أو يسألونك عن الإتصال ؟؟؟ ووقتها وش بتقول ؟؟؟

لذا انا أقول شد حيلك وحط في بالك إنك تقرأ قصــــه وأعجبتك هالقصــه وحاب تقراها مره ثانيه !! هذا كل شيء بإختصار .

مع تمنياتي لك بالتوفيق انت وبقية طلاب السنه التحضيريه ..

كلمة خاصه لكافة الطلاب / والله إن السنه التحضيريه أي كلام والله ..

والسلام عليكم ورحمة الله وبركاته ..

[شفق]

المشاركة الأصلية كتبت بواسطة abadi alharbi وعليكم السلام ورحمة الله وبركاته ياحلوين توكلوا على الله فمن توكل عليه فهو حسبه . سهلوا الأمور على أنفسكم ولا تصعبونها وراح يمشي الحال من واقع تجربه . أول مانزلت المواد وشفت كتاب الإحصاء معاهم تكدرت وكرهت الدراسه عندي عقده من مواد الرياضيات ، لكن بعد قراءة الكتاب وحل التمارين في الكتاب لقيت الماده سهلة بنسبة 85% ، ممكن البابين الأخيرة السابع و الثامن ما أقول صعبه للغاية بس يبيلها تركيز أكثر . اللي فرق معاي حل التمارين ساعدتني كثير للغايه ، يعني وش تتوقعون من واحد مايعرف جذر تربيعي أو بالأصح ماعمره مسك آله حاسبه >> لا تفهمون غلط مو غبي مره أقصد آله حاسبه مطورة ومع ذلك بسؤال الأخوان والأخوات والمعارف فهمنا . مهارات الإتصال و مهارات التفكير قرأت كل منهج في 3 أيام مع شوية تركيز مايبيلها فلسفه ، مر على الكتاب قراءة مرتين ثلاث أربع راح تمشي في الإختبار . الـــ إنجليزي بالنسبه لي أسهل ماده ،،،، وعاد الله يعينكم الإختبارات على الأبواب اللي مو فاهم الله يعينه على المدرسين الخصوصييين . أعذروني على إطالتي و ثقالتي ،،، بالتوفيق للجميع

عبادي بإذن الله معدل 4.54

[شفق]

المشاركة الأصلية كتبت بواسطة ~{رهايف}~ هههههههههههههههههههههههه اخوي الحال من بعضه انا اكره الرياضيات بقووه لدرجه اني كل ماعندنا حصه رياضيات ابكي ههههههههههههههههههههههههههه وعاد يبدا المسلسل الهندي بطني راسي مصخنه هههههههههههه بس والله الاحصاء شوي سهل مو مره بس ينبلع الاتصال والتفكير اروع مادتين بحياتي صرااحه بس قريتها رسخت براسي لانها كل اشياء بديهيه من الحياه مايبيلها تفكير

لاتضحكي كثير , ذاكري وإن شاء الله 4.23

[شفق]

المشاركة الأصلية كتبت بواسطة عاشق النون خخخخخخخخخ الله يستر بس ويوفقنا والله اغلنا مضيع الطاسه في المواد لكن بنجتهد والباقي على الله ومثل ماقالوا اللي قبلي مهارات التفكير والاتصال اقراها مرتين ثلاث وتكون سهله لأنها من الحياه نمارسها كل يوم لكن حاطينها بكتب ولافين بالكلام ولا هي سهله اما الاحصاء وما اجراك مالاحصاء بختصار خوذ لك مدرس وريح بالك والانجليزي اذا ماتعرفها برضه خوذ مدرس خخخخخخخ بالتوفيق يارب

عاشق النون متوقعلك بحول الله 4.32

[شفق]

المشاركة الأصلية كتبت بواسطة بنت ملوك وكلي كيوت والله كلامك يضحك غيرت جونا بس كلنا مثلك متعقدين من المواد هذه الله يعيننا ويوفقنا يارب انا راح اقدم مساعده للكل ان شاء الله تستفيدو انا منزله بعض النماذج عندي كثير نزلته من منتدى الجامعه نفسه انت ابحث وحمل انا كل شئ احمله علشان تنفعني ف الاختبار تفضلو هذا الرابط .................. نماذج الاختبارات السابقة لتعليم عن بعد خطة 1 و ب الي عندة لايبخل

أشكرك على النماذج وأسئل الله لك معدل 4.76

[شفق]

المشاركة الأصلية كتبت بواسطة اللندني شفق اسعد الله اوقاتك بكل خير بصراحه موضوعك اضحكني وبقووووووووووة ليس عندي تعليق حبيت فقط اشوف المعدل الي رايح احصل عليه من سعادتك بعد ما شفتك تمنح الجميع معدلاتهم ارجوك استبشر خير وهات الفال الطيب وتقبل تحياتي ,,,,

اللندني عندي إحساس إنك راح تجيب 4.65 بحوله وقوته , انت بس شد حيلك

[شفق]

المشاركة الأصلية كتبت بواسطة مشموشه انا خلصت المهارات تقريبا حاولت احفظها بس كلهااااا تعداااااااااااد كل الكتاب قسم بالله جاب لي مغص .. صح انه مفهوم بس التعداد يلخبط يعني في الاختياي ولا صح وخطا بنضيع بالتعداد .. التفكير توني مابعد بديت فيه .. بس ان شاء الله انه سهل .. الاحصاء .. مره خايفه منه .. لاني حتى جداول الضرب ناسيتها ههههههههههههههههههههههههههههههه بس اختي تقول سهل وبتشرح لي .. الانجليزي اخوي بيشرحه لي وانا من الحين المح له اني جداااااار فيه هههههههههههههههههه بس اللي هون الموضوع انه الاختبارات اختياري وصح وخطا .. الله يوفق الجميع ان شاء الله ويسهل علينا الاختبارات ياااااااااااااااااارب ..

مشموشة أن شاء الله 4.51

[شفق]

المشاركة الأصلية كتبت بواسطة راحُت عليكْ ~ - ههههههههههههههه حسيتَكْ أخويَ للحظهَ عاَد أنا يقـاليَ بسُويَ شاطرُه فـ مسكتَ لكَ أولْ فصلْ منْ مهارآت الآتصـالْ و طقطقتهَ والحينَ لو تسئاـنيَ وشَ ذاكرتنيَ مااذكرَ شيَ وسًع صدرَكْ أنت بسَ وشوفْ لكَ مدرسَ خصُوصيَ وأتوقعَ بتجيبٌ الاولْ ع الدفعهَ والله يوفقكْ يآكويسَ

راحت عليك 4.63 بمشيئته

[شفق]

المشاركة الأصلية كتبت بواسطة عجوز منتسبة هههههههههههههه الله يوفقك ياالطيب إن شاء الله ناجح بتفوق مادمت مهتم ومنشغل بالك من المذاكرة عندي سؤال اذا ممكن انت على اي اساس توزع معدلات....... اذا بسن تراني جدة الطلاب والطالبات في عزوز

الأخت الفاضلة عجوز منتسبة : أوزعها من راسي وابتغي بذلك رفع الروح المعنوية لإخواني وأخواتي الطلاب , ولذلك أسئل العزيز القدير أن يمتعك بالصحة والعافية وتجيبين معدل 4.83

[@ هفوات @]

بصراحه المادتين يمكن مو شايله همها زي الاحصاء والانجليزي انا عندي عقده من الارقام ورموز الاحصاء كأنها طلاسم والانجليزي خليها على الله بس الله ييسرها وبالنسبه للمهارات والتفكير بما ان الاسئله اختياري يعني اعتمد على القرأء بتركيز للفهم مو حفظ والله يوفقنا وييسر لنا امورنا ويشرح صدورنا للمذاكره