ارجو المساعدة

[الغثيان]

السلام عليكم ورحمة الله وبركاته
انا تابعة الموقع حق الجامعه والحمدلله انقبلت
لكن المشكلة لما اجي اسدد يقول الرقم خطاء بالبنك الفرنسي والراجحي
وش الحل الرجاء افادتي

[يلدرم]

بعد الطلاب حصل لهم نفس الشئ بعد كم يوم يتفعل الرقم الجامعى ويسددوا

انت قبلت اليوم؟

[الغثيان]

الله يوسع رزقك ورزق كل مسلم

طمنتني
انا انقبلت بتاريخ 22/5/2008
بس تعرف متحمس وخايف يروح علي القبول

شاكر مرورك

[يلدرم]

انت عندك مده 15 يوم تسدد خلالها

لكن للتتأكد اعطيك رقم للجامعة عشان يشوفوا لك حل

اتصل 026952222 واشرحي للموظف وضعك

[الغثيان]

كلمتهم وعطوني رقم ثاني
لكن يقول يمكن يوم السبت
فهل احد من الاعضاء صارله نفس الوضع
والا المشكلة عندي بس

[متعب الهديرس]

المسالة مسالة تفعيل رقم الطلب وهي عادة مابين اسبوع الى عشرة ايام وبعدها يمكنك السداد كل ماعليك هو محاولة السداد كل يوم لمعرفة هل تم التفعيل او لا و عن طريق قنوات السداد الخاصة بالبنك من هاتف مصرفي او صرافه او خدمات الانترنت .
علما بانه اذكر بعض الطلاب والطالبات سددوا بعد شهر من التاريخ المكتوب لهم في الموقع والسبب في ذلك الزحمه الحاصلة في التسجيل للانتساب والله اسئل للجميع التوفيق والسداد.

[S3D]

اخوي الغيثان ..

بداية مبروك القبول .. و الحمدلله صرنا زملاء دراسة

وبالنسبة للمشكلة اللي صارت ... طبيعي جداً إلى أن يتفعل الرقم .

أنا يوم طلعت لي الرسالة أني قبلت .. على طول رحت أسدد و يقول لي الرقم خطأ .. و جربته في اليوم الثاني و ضبط معاي .

و الحين الحمدلله يقول لي تم السداد .

فالمسألة مسألة وقت لتفعيل الرقم .

و بالتوفيق .

[أبوطارق]

وأنا كذلك
رحت أسدد وماقبل معاي
وبعد يومين قبلوا السداد

أتمنى لك التوفيق
ومبروك القبوول

[العازم]

مبروك قبولك بالجامعه أتمنى لك التوفيق 0
أجابة الأخ يلدرم الثانيه فيها الكفاية 00 تحياتي

[نواف العنزي]

انا مثلك اخوي كلمتهم اليوم قالوا لي السبت ولاكن قالي احد الموظفين جرب بنك سامبا وانا ماجربته اذا جربته اخبرني