لاتستغربون فمصاحبة الرجال تجارة

[المتفاني]

السلام عليكم ورحمة الله وبركاته
أسعد الله أوقاتكم بالخير والمسرات

أسأل الله الكريم الجواد أن يوفقنا جميعاً والمسلمين لما فيه خيروصلاح للمرء وللأمة جمعاء
كما أسأله أن يوفقنا في دراستنا ويجعلها عوناً لنا على طاعته وتقدماً لنا بين العالمين

أحبتي ،، أنا تخصصي ادارة أعمال - تسويق مستوى خامس وسأحضر الدورة التأهيلية القادمة في جدة بأذن الله من تاريخ 19/11/1430هـ إلى 1/12/1430هـ

وسأذهب بطريق البر بأذن الله من أراد أن يخاويني فهذا شرف لي والاصل في الناس الخير والنية الطيبة

السيارة : كورلا
الموديل : 2008
عمري : 23 سنة
الكنية : أبو عبدالله القحطاني
وقت الرحلة : يوم الخميس بعد صلاة العصر بأذن الله

أما بالنسبة للمكوث في جدة فليس شرطاً ان نكون سوياً مع بعض بل قد نتصاحب في الطريق وعندما نصل يذهب كل واحد منا لأهله او اقاربه او زملائه وعند العودة نلتقي ونعود مرة أخرى للرياض


ولا أريد اي مقابل سوى الرفقة الطيبة



ولامانع من القطة والمساعدة في الطريق ( ههههههههه )
ترى أمزح ..

للمفاهمة عبر الرسائل الخاصة بالمنتدى ولن أضع جوالي او ايميلي احتراماً لقوانين المنتدى

[نصيب]

كفوووووو يالقحطاني
هذي والله سلوم البدو الاصيلة والرجال النادرين
الي تفخر فيهم قبايلهم ماهم الي يتفاخرون بها
فقط حبيت اشكرك على هذه البادرة الطيبة
وفقك الله في امر دينك ودنياك

[المتفاني]

ماعليك زود

وهذا شيء مفروض من زمان نتمسك فيه ونفخر فيه
ونسير عليه

وثاني شيء بدال ما الواحد يروح وياخذ كداده ما يامنهم واشكالهم ماتليق بك وتخاف على نفسك تروح مع ناس اهل علم ومتثقفين ومانرجي وراهم سوا الرفقة الطيبة وكسب المعارف الثمينة

[سمران]

اشهد انك نشمي يالنشمي

[دمعة غلا]

الله يوفقك ويسهل دربك وتوصل بالسلامه

[مسوي طموح<<من جنبها]

والله انك ذيبان يالقحطاني والنعم فيك ومعليش ترى توني اشوف الموضوع بس عندي سؤال انت بتروح للدوره صح ولا لا

قلي كيف سجلت بالدوره يعني لها تسجيل ولا عادي تروح للجامعه وتدخل يعني من دون مايسألونك انت مسجل بالدوره ولا لا

او انك انت سجلت من فتره انا مثلك ودي اروح بس ماني عارف كيف التسجيل بالدوره ولا مايحتاج تسجيل اصلا...

مع العلم انك بالمستوى الثالث وانا المستوى الأول


بالله عليك يا القحطاني تفيدني بسرعه الله لايهينك ...

اخوك : عبدالله الحربي

[المتفاني]

يعطيكم العافية جميعاً وماعليكم زود والله يسلمكم

اخوي عبدالله :
التسجيل يتم عن طريق برنامج الأدوس تدخل برقمك الجامعي وكلمة المرور وتجد ايقونة باليسار مكتوب عليها التسجيل في الدورات طبعاً بعد ماتسدد وينزل جدولك بعدها تروح تحط المواد حسب المتاح لك في الدورة ويوم الجمعة قبل يوم الدورة بالضبط تطبع الإشعار فيه الجدول حق الدورة وتحضر الدورة وترى الدورة يسرة وسهلة من ناحية التشديد على الحضور والغياب وإحضار الإشعار من عدمه يعني متساهلين معنا والمصلحة لك اولاً واخيراً

[مسوي طموح<<من جنبها]

المتفاني مشكور على ردك السريع بس عندي مشاكل اولا انا اذكر اني يوم سجلت بالجامعه دفعت 3000 ريال حقت الترم ما ادري فيه غيرها ونزل جدولي الان يعني فيه مبلغ ادفععه ثاني ولا خلاص ثانياً بس المشكله كل ماجيت اسجل بالدوره بنفس المكان اللي قلته يقولي عفواً..انتهى التسجيل بالدوره. مدري هو يقصد الدوره القديمه او الجديده ؟؟؟