ماهو الحذف و الاضافة ؟؟

Nana_2008 · #1 19-10-2009, 03:42 AM

السلام عليكم
ابغا اعرف ايش الحذف و الاضافة ؟؟
يعني احذف و اضيف مواد في جدولي ؟
طيب انا جدولي فيه مادتين بس , هل اضيف ولا كيف .؟؟
اخاف اضيف ولا احذف مادة بعدين اتورط
فهل ممكن من اي احد يعرف عن الحذف والاضافة انه يشرح لي ^^

+ سؤال ثاني
الدورة التأهيلية لطالبات السنة التحضيرية خطة (ب) - تُقام الدورة عن طريق برنامج السينترا
ايش هو برنامج سنترا ؟؟؟؟

رزونه · 19-10-2009, 04:07 AM

نفس حالتك انا مني فاهمه نزلتلي بس ماده وحده والدوام يوم السبت الجاي ..

مني عارفه اضيف ولا هما بينزلوا ولا لازم اروح الجامعه ؟؟

ميناء الصياد · 19-10-2009, 04:15 AM

الحذف والاضافه مثل ما ذكرت ..
يعني انت جدولك فيه مادتين الحين .. تقدر تحذفهم وتضع بدالهم مواد ثانيه
ولاكن يجب مراعاة التالي
لا تتعدى الحد الاقصى من الساعات الممنوحة لك مع كل سمستر .. والغالب انها 18 ساعه
بعض المواد لها متطلب مثلا لايمكن اضافة مادة الانجليزي 102 الى بعد ان تجتاز مادة الانجليزي 101 وهكذا
طبعا هذا الكلام لا يشمل طلاب وطالبات السنه التحضيريه لأن جدولهم ينزل دايركت بدون حذف واضافه

بالنسبة لبرنامج السنترا ما عندي خلفيه عنه لعل الشباب يفيدوك اكثر

ghadeer89 · 19-10-2009, 06:13 AM

برنامج السنترا هو برنامج يستخدموا طالبات التعليم عن بعد ... يعني محاضرات اون لاين في مكانك مو في الجامعه زي كل سنه ...

Nana_2008 · 22-10-2009, 06:54 AM

مشكورين على التوضيح ^^
لكن عندي سؤال ثاني
هذي خطتي الدراسية

دحين في جدولي بس مادتين واحدة من المستوى الثالث وواحدة من المستوى الخامس !!!!!!
يعني انا دحين بحذف المادة الللي من المستوى الخامس و بضيف لي مادتين من المستوى الثالث
لكن مني عارفة ايش اضيف , يعني ايش تنصحوني اضيف في الجدول "ياريت تكون المادة سهلة ^^"

وشكرا

Nana_2008 · 23-10-2009, 10:18 PM

^
^
خلاص فهمت والحمدلله, اخويا شرحلي كل شي ^^
لكن لما جيت اضيف لي مواد, كل الشعب شكلها مليانة ايش اسوي ؟!!!!!
ماعندي غير مادتين في الجدول ابغا اضيف كمان !!!
اتمنى احد يساعدني وشكرا

M.E.M · 25-10-2009, 05:06 PM

انا نفس طريقتك بس مو مادتين مادة واحدة مو عارفة شو اعمل لا وطلعو كمان في السنترا هدي

ماهو الحذف و الاضافة ؟؟

ملتقى المنتسبين