أستفسار عن التسكين والتخصص

[Abu-Nasser]

السلام عليكم ورحمة الله وبركاته

أعزائ أعضاء المنتدى حبيت أطرح موضوع التسكين والتخصصات والفرق بينهما ولا يخفى عليكم أنه كثير من الأعضاء وأنا منهم لا يعرف ما معنى التسكين وكذلك الفرق بينه وبين التخصص فسؤالي كالتالي.
* ما الفرق بين التسكين والتخصص؟
* ومتى يتم أختيار التخصص وهل هو في منتصف الفصل الثاني او نهايته؟
* وما المعدلات المطلوبة أو درجات المواد المطلوبة لبعض التخصصات لجميع الكليات او المسارات؟
أتمنى من الأخوان والأخوات ان لا يبخلوا علي بالإجابة الكافية الوافية الشافية.
ولكم مني جزيل الشكر.
أتمنى من الله العلي القدير أن يوفق الجميع في مرحلته الجامعية.
تحياتي إلكم

أبوناصر

[لندنية]

التسكين انك تختار اي كلية تبغى كلية الاداب او الاقتصاد ....التخصص انك تختار الكلية اللي انت تبغاها في القسم اللي اخترته يعني اول شي راح ينزلك التسكين وترتب رغباتك على حسب الترتيب اللي انت تبغاه يعني مثلا تبغى كلية الادارة والاقتصاد تختار اول شي كلية الاقتصاد وثانيا الاداب واذا كنت تبغى الاداب تكتب الاداب وثانيا الاقتصاد ....التخصص انا بصراحة نزلي بعد الفصل الصيفي لاني اخذت صيفي بس ماادري اللي ماعندهم صيفي متى نزل لهم .... راح ينزلك التسكين بالكلية بمنتصف الفصل الثاني وراح يتم تسكينك بكلية الاقتصاد او الاداب حسب رغبتك اللي دخلتهابس ماراح تتسكن الا اذا عديت مواد التحضيري بنجاح.. وبعد ماراح تتسكن بالكلية راح تنزلك اقسام الكلية مثلا اخترت كلية الاقتصاد راح تنزلك اقسامها مثل ..ادارة اعمال دولية وادارة عامة ووووالى نهايته واذا تسكنت بكلية الاداب راح تنزلك اقسامها اللي هي ..علم النفس او علم الاجتماع او الانجليزي والى نهايته من الاقسام مثلا تسكنت بكلية الاقتصاد ومثلا اخترت تخصص ادارة اعمال دولية فمعناته انك تخصص ادارة اعمال دولية وهكذا.......بالنسبة للمعدلات ادخل على موقع الجامعة واختار التخصص وراح ينزلك المعدل ....اسفة اذا طولت عليك واتمنى وصلت لك المعلومة ...بالتوفيق

[سعودسالم]

شرح وافي من الااخت الندنيه


لا زياده وارجو ان تكون المعلومه وصلت لك

[جناح فراشهـ]

ألف شكر وأنا استفدت كمان

يعطيكم الف عافيه

[عـبـدآلله المعآلي]

اهم شي اخوي انك تعدي كل مواد السنه التحضيريه ..
علشان تتخصص على طول
وفيه تخصصات ماتقبل الا معدل فوق 3
واذا معدلك زفت مره لك خيارين اداره عامه او تنظيم وتطوير اداري
هذا بخصوص كليه الاقتصاد والاداره وايضا فيه كليه الاداب تقبل معدلات منخفضه
لكن انصحك انك تجتهد وتحاول تخلي معدلك فوق الـ 3 علشان تختار التخصص اللي انت تبيه
<_ معدله 2.19 وتورط واخذ تخصص تنظيم وتطوير اداري وإنشاءلله إنها خيره

اتمنى افدتك بالي اعرفه

[Abu-Nasser]

مشكورين على الرد الكافي والشافي وأخص بالشكر الأخت لندنية بس دخلت موقع الجامعة ودخلت على التخصص وما حصلت شي.
تحياتي إلكم
أبوناصر