تجمع خاص بطالبات نظم معلومات الادارية ((على وشك التخرج ))ارجو التثبيت

[كندآ]

آحم آحم

كيفكم يا بنات ؟؟

انا اخذت الترم اللي راح لغات برمجه مع كمال .. هو بصرآحه مره أسلوب ..شرحه كويس الماده جدا قليله تعامله فوق الراقي .. دمــه خفيفه .. يحاول يلطف جو المحاضرة .. عنده تكليف بـ 10 درجات مشروع بسيط بس نجي عند الاختبارات الدوريـة كانت شوويه بين السهل والصعب يعني في شئ ينحل معاكي بس نجي على الاختبار النهائي كآآآآآآآآآآآآآآآآآآآآآآآآآآآآآن اختبااااااااار خارج عن المنهج نهائي يمكن كم فقره بعد تفكير شديد حاولت احلها ولا الباقي تخمين ويمكن اقدر اقول عن اختباره النهائي "اختبار شختك بختك "
كان بالأصح صدمه على الجميع.. رصده لدرجات متأخر جدا يعني لين ما دخلت الاختبار النهائي وانا ما اعرف كم مجموع درجاتي ولا اعرف ولا درجه .. الا بعد ما طلعت من الاختبار عرفت من البنات انه نزل درجات الدوريات بالنت قبل الاختبار ب 3 ساعات .. الحضور عليه درجات كمآآآن .. ايه كنا نذاكر من المحاضرات مافي كتاب ولا مصدر نرجع له ..اي شئ يقوله نكتبه ونذاكره ياليته كان يجيبه ههههههه .. بس بالنهائي أحسه سوى مراعاه بالتصحيح مع اسئلته الخرافيــة .. الترم اللي فات محد بلغات برمجه اخذ a+ كم بنت آي والباقين من بي+ الى السي .. بصرآحه عديت من الماده والحمد الله بدرجه مقتنعه فيها بس احسها رميت حظظظظظ ..انا ما اخوفكم بس هذا اللي شووفته معاه الترم اللي فات .. والله يوفقكم ياارب


أخذت بعد الترم اللي فات / قواعد بيانات مع ريم مشاط .. مررررره عسل طيبه جدآ اسئلتها عسل ومحاضرتها عسل تعاملها عسل بس بصراحه ما تعرف تششششرح ولا تقدر توصل المعلومه هذا عيبها .. بس مره تراعي بالدرجات والتصحيح والاختبارات .. المذاكره من السلايدات .. الماده جدآ سهله .. وبالتوفيق


اخذت كمان الترم اللي راح نظم بالانجليزي مع اقبال تهوون اقبال كثير قدآآآآآآآآآآآآآآآآم المعيده اللي دايما معاها رنيييييييييم ذي بصراحه لا عندها اسلوب ولا عندها تفاهم احسها مناقره البنات بكل شئ وحتى نظراتها لنا بالمحاضره استحقار مع ما نسوي لها شئ ههههه .. شايفه عمرها بس احسن ما عندها كانت بالاختبارات تترجم لنا الفقرات اللي نطلبها منها .. كنا مثلا نقول لدكتوره اقبال الاختبار ما كان سهل وكذ1 تتلقف ذي رنيم وتقول "ايش تبغون اسهل من دا الاختبار والجزئيه قليله مافيها شئ صعب " باللهي احنا كلمناكي اصلا ولا قلنا لك شئ ههه زي كذا اسلوبها .. تشرح مرات بدل الدكتوره ..بس كفايه اتكلم عنها هههه خلونا نتكلم على الماده المادة كانت ادسم ماده بالترم اللي راحت ..بصراحه كانت تعطينا اوراق من كتب انجليزيه مصورة تقول هنا ذاكرو منها ولا السلايدات تقول رؤوس اقلااااام .. والاوراق ذي يمكن تجي كتاب ابو 300 ورقه من كثرها .. عني انا ما اذاكر الا من السلايددات اصمهااااااا صصصصم .. تجي منها اغلب الفقرات كم فقره تجي من الاوراق .. اختباراتها بين السهل والصعب مو مره سهله ولا مره صعبه .. تجي كم سؤال مقالي عددي ما تحاسب على الاسبلنق ..وباقي اسئلتها اختياري وصح وخطا ووصلي .. احس اصعب الفقرات باختباراتها الصح والخطأ .. تعامل الدكتوره مره اخلاق .. عندها تكليف ب 15 درجه عباره على برزنتيشن مقاله عن اي شئ بنظم المعلومات بالانجليزي .. يعني تختارين شئ عن تقنيه معينه وتتكلمين فيه حوالي عشر دقايق طبعا السلايدات حقتك تكون بالانجليزي .. وحبذا شرحك يكون بالانجليزي بس تعرفون لغاتنا الام اللغه اليابانيه هههههه لا عادي تقول اشرحو باللي تبغوه .. اقول لكم امثال التكاليف عن ايش .. اتذكر وحده جابت موضوع عن الهكرز كان حلو ووحده كان عن التعليم الالكتروني ووحده عن نظام جامعه مدري ايش اسمها نسيت كيف طريقتهم بالاختبارات.. حاولي البرزنتيشن يكون كلامك فيه مره مختصر لا يكون دش واهم كوني واثقه من نفسك وحاولي توصلي المعلومه اللي جبتيها للبنات باي وسيله كانت وباي لغه . وبالتوفيق


اي استفسااااار انا حاضره
< عندها كلام كثير بس تعبت من الكتابه هههههه