تجمع بنات الطفوله الحلوين ^_^

[ساكنه في بيتنا]

آمال مسعود ما قد اخدت معاها

ووسائل احس الماده حلوه و سهله بس كلامها كتييييييييييييييييير و يبغالها حفظ مزبوط ..

[يــ<ـق لـ&ـا]

يسسلمو سسكونـة

يعطيك آلف عافيييه

والله آسئلتها مررررة صععبة كلها شررح وتعداد وتعاليل

[ساكنه في بيتنا]

الله يسلمك و يعافيكي يابط بط :)


حرام لاتظلميها الماده هيا اصلا كدا رزله في الاسئله يعني ما ينفع معاها الا دا النوع من الاسئله ( عددي و اشرحي و عرفي ) ..

انا اخدت وسائل مع د. منال مديني تعرفي كم عددي جابتلنا بس في فقره وحده

10 و كمان نشرح وحده او 2 منهم مو فاكره و الله .. و كمان جابتلنا عرفي و تباه بالنص و حاجات كمان مو فاكراها

بس الحمد لله ماكان صعب لأنو اذا زاكرتي بتركيز كله راح ينفرط على الورقه بإذن الله :) ..

كل مواد الطفوله تقريبا زاكريها اول بأول ولا تفكري تأجليها لقبل الاختبار لأنك حتتعبي مره كتير .. حاولي قد ما تقدر

تزاكر لو حتى تاخدي فره عن الكتاب ..

[ريم17]

بناااااااات اللي اختبروا اليوم صحة فرد كيف الاختباار طمنوني الله يسعدكم..

[بنت جدة المنكوبة]

سكونة

[حلمي الدعوهـ]

مشكووورة أختي الغاااليه ساكنه في بيتنا ×

الله يرزقك الجنه يااااااارب

بغيت أسألك عن أسماء المواد اللي في دراسات طفوله ..

وكيف محاضرتكم تتأخرون ’’

جزاااكم الله خير ....

[ساكنه في بيتنا]

المشاركة الأصلية كتبت بواسطة حلمي الدعوهـ مشكووورة أختي الغاااليه ساكنه في بيتنا × الله يرزقك الجنه يااااااارب بغيت أسألك عن أسماء المواد اللي في دراسات طفوله .. وكيف محاضرتكم تتأخرون ’’ جزاااكم الله خير ....

العفو ما سوينا شي ^_^

آمين يارب و اياكي و المسلمين ..


مممم راح اقلك بعض اسماء المواد ..

صعوبات تعلم \ استعداد قراءة و كتابة \ حاسب رياض اطفال \ كتب اطفال \ رياض اطفال \ برامج رياض اطفال \ مراحل نمو طفل \ صحة فرد \ صحة \طفل \ وسائل تعليمية في رياض الأطفال \ مفاهيم دينية و اجتماعية \ مفاهيم علمية \ مفاهيم رياضيه \ مناهج بحث \ في ماده مو فاكره اسمها بالزبط ... بس فيها منظمات او شي كدا ..

دي بعض من المواد .. حاولت قد ما اقدر اعملك عصف ذهني ..


ممممم عادي اطول محاضره ممكن تكون لـ 4 بس غالبا نخلص 2 -3 بالكتير ..

[عيون حبيبي]

السلام عليكم

انا توي التثبت في كليه الاقتصاد المنزلى بعد السنه التحضيريه وابغي اتخصص طفوله

ابغي استفسر عن مقرالكليه وكيف الدراسه فيها لانو في الخطه الدراسيه حقتي على الاودس محطوط مواد لــ3 سمسترات ؟؟

متى اختار التخصص ولا هما يختاروا حسب معدلى بعدماادرس 3 سمسترات؟؟؟

اتمني احد يجاوبني

حااااااااااااااااااااااااااااايييييييييييييييييييي يييييييييييسه

يسلموا مقدماً

تحياتي للجميع

[ساكنه في بيتنا]

المشاركة الأصلية كتبت بواسطة عيون حبيبي السلام عليكم انا توي التثبت في كليه الاقتصاد المنزلى بعد السنه التحضيريه وابغي اتخصص طفوله ابغي استفسر عن مقرالكليه وكيف الدراسه فيها لانو في الخطه الدراسيه حقتي على الاودس محطوط مواد لــ3 سمسترات ؟؟ متى اختار التخصص ولا هما يختاروا حسب معدلى بعدماادرس 3 سمسترات؟؟؟ اتمني احد يجاوبني حااااااااااااااااااااااااااااايييييييييييييييييييي يييييييييييسه يسلموا مقدماً تحياتي للجميع

وعليكم السلام و رحمه الله و بركاته

كليه الاقتصاد المنزلي .. اللي في الجامعه مكانها اول ما تدخلي من بوابه غربية 1 اللي كان اسمها ( بوابه 2 سابقاً ) تمشي على طووووول اول لفه يمين ادخليها حتلاقي نفسك بين 3 مباني وكافتريا كلها حقت الاقتصاد المنزلي ..

المواد اللي حطولك هيا في الأودي دي المواد العامه حقت الاقتصاد المنزلي ..

التخصص ان شاء الله روحيلهم اول السنه .. لأنو البنات لما كانوا يروحولهم تحين قالولهم انهم مشغولين مع حقين الصيفي !!

جربي حظك روحي لو تقدري .. راح تلقيهم في كلية الطب .. عشان الكليه فيها تصليحات حالياً ..

و المعدل اكيد يفرق وقت التخصص ..

الطفوله تقبل من 3 - 3,5 ..


و ان شاء الله ربنا يكتبلك الخير يارب .. :)

[عيون حبيبي]

يسلموا ياقلبي

غلبتك معايا

بس انا موفي جده دحين مسافره بس اول اسبوع بعد الاجازه ماينفع؟؟؟

سنه ونص مواد عامه بعدها اتخصص؟؟صح انا فهمت كدا.......

اخر سؤال:في مواد نزلوها لى في الاودي اخذتها في التحضيري مو المفروض يحذفوها؟؟

ربي يعطيك العافيه ويوفقك

ويسهلك كل اللى تتمنيه

تحياتي