وحده الله يسامحها اذا كان كلامها مو صحيح

[>>P]

وحده كلمتني وانا اختار فين اسجل تقولي ان فرع البنات هو بس بسبب الضغط على الجامعه ولكن نفس الجامعه يعني اقدر اتخصص اي مكان ولكن على حسب معدلي واخترت فرع البنات ودحين اسمع انو الي في فرع البنات ما يقدروا يختاروا اي تخصص يبوه الا المحدده بس في الكليات مو تخصصات الجامعه هل دا كلام صحيح ولا لا بليز احد يكون متاكد يجاوبني لاني دايخه من الكلام الي يالفوه الناس؟

[miss caraza]

واللهي على حسب ماقالولي ايام التسجيل انو الي تروح فرع البنات وبعد السنه التحضيريه جابت معدل عالي
وتبغى طب ولا صيدله ولا اي حاجه تجي تدرس في الجامعه عندهم
بس انتي مين قلك كدا؟

[Dr.ASH]

اما زي كدة

لا بلييييز

انا كمان قالولي دا الكلام وانا صراحة ابا طب

احد يفيدنا بليييييييييييييييييييييز

[عذبة المشاعر]

والله انا قالولي الي تجيب معدل تدخل الي تبغاه في الجامعة...

انا هذا الي يسمعته لما سجلت.....

[mzat kau]

ممم والله انا مني عارفا بس مااظن انو تقدرو تدرسو طب لانو لازم تحويل للجامعه
انا صحبتي درست فرع البنات نفس المواد حقتنا لكن الساعات حقهماقل مننا
ولمن نزلتلهم التخصصات كانت احياء وانجليش وماث وفيزيا وتغذيه اقتصاد منزلي وزي كدا =( وهيا اتخصصت احياء
وكمانا سمعت بنات هنا بالنتتدى دخلوه احياء ويبو يحولو الجامعه علشان يدرسو تقنيه فماظن تقدرو


وكمان شي تاني البنت كلامها صحيح انو هيا نفس الجامعه لكن في التخصصات زي ماقلت لكن برضو الله اعلم<< من قال الله اعلم فقد افتى =)
بالتوفيق وان شاللله تدرسو اللي تبو

[راسيه]

ياقلبو السنه اللي فاتت صح زي ماقالت mzat kau ..

لكن دي السنه اتغير النظـآم .. والدليل هوا إختبار الإنجليش اللي حطوه دحين للكل والجميع ..

لأن السنه اللي فاتت كان كل شي من غير نظـآم .. بحكم إنها اول سنه ..

لكن دحين كتير اشياء اتغيرت .. وبإذن الله نقدر نحول عاللي نبغاه .. بس طبعاً بالمعدل المطلوب ..

وبالتوفيق للجميع ..

[υикиσωи]

ممممم ... اليوم قريت في جريدة المدينة ...
واللي فهمتووو من الكلام ..انو التخصصات حتكون للاتنين ...الكلية والجامعة ..

بسس العام ما كنا سواا ... وتخصصاتهم كانت غير عننا ...


فمدري نسمع كلام مين ..؟!
كلام الجرايد والعمادة ... ولا الناس اللي جربت ..!.؟

ربنا معاكم ..=)

[mzat kau]

من جد ربنا يكون في العون =)

[rayyan1444]

ارسلو لمشاط

[اريج العمر]

ايو صح ارسلو للاستاذ مشاط وراح تلقو الخبر الاكيد