ماجستير الجغرافيا

[ندوش..!]

السلام عليكم ورحمته الله وبركاته يا الجغرافيين :)
حابه اكمل دراستي واخذ الماجستير
بس حابه اعرف كم اقل نسبه تقبلها الجامعه
والدراسه تكون بالعربي والا الانقلش
والمواد اللي تدرسونها تكون بس مواد التخصص والا مثل البكالرويوس مواد مشتركه مال امها داعي
وكم عدد المواد
و دراست الماستر نفس صعوبة البكالرويوس والا اصعب
وكم مدة الدراسه
وشنهي التخصصات الجغرافيا في الماستر واقدر اختا تخصص غير الجغرافيا بس يكون ادبي
وهل الدراسه مكلفه وتحتاج اكثر من المكافئه
وهل الماستر يقدر يسكن في سكن الجامعه

وشكرا

[يمامة سلام]

- تقبل الجامعة من تقديرهم ممتاز وجيدجداً ويمكن قبول من تقديره جيد اذا كان معدل مواد التخصص جيدجداً.

-الدراسة على حسب التخصص واتوقع الجغرافيا بالعربي.

- الدراسة فقط لمواد التخصص ويمكن اختيار تخصص دقيق من التخصص العام.

-من حيث الصعوبة اذا كان الشخص محب لتخصصه ومتعمق فيه فليس هناك صعوبه لكن المطلوب
جهد مضاعف عن الجهد في البكالوريوس ( لا تنسي مسألة الرسالة وكتابتها تحتاج عقل مفكر)

- بإمكانك دراسة تخصص آخر في الماجستير غير تخصصك في البكالوريوس.

- من حيث التكاليف اذا كنتِ تقصدين المصادر والمراجع فبالامكان الحصول عليها من مكتبة الجامعة وغيرها من المكتبات العامة.

-يوجد سكن برسوم لطالبات الماجستير.

بالنسبة لمواد الدراسة او خطة الدراسة زوري موقع العمادة
وادخلي برامج الماجستير واختاري التخصص اللي تبغين واطلعي على الخطة..

موفقه..

[ندوش..!]

مشكوووره ياالغلا

ربي يوفقك ويسعدك

[ندوش..!]

فوووووووووووووق

[عقدماس]

السلام عليكم أنا سجلت ماستر جغرافيا في جامعة طيبة والحمدالله التقدير العام جيدجدا والتخصص ممتاز ياليت اللي حضروا الاختبار يفيدونا بالأسئلة والمقابلة الشخصية لأن حلم عمري أكمل دراستي وبالتوفيق للجميع

[زهورر]

ندوش انتي نفس تخصصي ونفس استفسارتي اذا حصلتي اجابة بالله علميني لاني انا مشكلتي اختبار بديل التوفل ما اعرف عنة شي ولا اعرف كيف اقدم الاختبار هل هو لازم بنفس الجامعة او احصل على شهادة من اي معهد
تحياااااااااتي ندوشة..........

[يمامة سلام]

المشاركة الأصلية كتبت بواسطة زهورر ندوش انتي نفس تخصصي ونفس استفسارتي اذا حصلتي اجابة بالله علميني لاني انا مشكلتي اختبار بديل التوفل ما اعرف عنة شي ولا اعرف كيف اقدم الاختبار هل هو لازم بنفس الجامعة او احصل على شهادة من اي معهد تحياااااااااتي ندوشة..........

إذا بتقدمين على ماجستير جغرافيا مو لازم التوفل أو بديل التوفل
وبدل ذلك تدخلين دورة انجليزي تقيمها الجامعة اثناء دراسة الفصل الأول
وطبعاً عند التقديم تكتبين تعهد انو بعد القبول النهائي تدخلين هذي الدورة في الجامعة
وتدفعين رسوم ( الفين ريال)..
ولابد انك تنجحين فيها بمستوى متوسط على الأقل..

أي استفسار ثاني بهذا الخصوص في الخدمة..

[زهورر]

اللةيعطيك العافية يا يمامة سلام بس ايش التخصصات الجغرافية اللي ممكن اختارها ايوه وبعدين انا اطلعت على استمارة تعبئة البيانات حقت التسجيل وكان من شروطهم الاختبار بديل التوفل( وابغى استفسر متى الموعد التقديم)الله يجزاك كل خير ويوفقك هل انتي تخصصك جغرافيا ................
تحياتي

[يمامة سلام]

هلا عزيزتي..

أنا تخصصي تاريخ :)

وفيما يختص بخانة التوفل في استمارة الترشيح ( تحطين في جميع الخانات أصفار) يعني رقم صفر
وهذا اللي عملناه في التقديم السابق لأن الاداب مش ملزمين بالتوفل..
والتقديم يإذن الله في شهر ذو القعدة ( بس خليكي متابعة المنتدى)

ومسارات الجغرافيا المعذرة ماعندي علم..
دخلتي موقع العمادة وشفتي؟

موفقه..

[يمامة سلام]

هذي الخطة الدراسية

http://graduatestudies.kau.edu.sa/co...g=AR&cid=26694

بس مش موضح إذا كان يوجد مسارات (تخصصات فرعية) أم لا..

بالتوفيق..