مستويات الإنجليزي و إختبار الايلس و تأثيرها على المعدل

[فكر حر]

السلام عليكم و رحمة الله و بركاته

أنا طالبة تحضيري خطة أ .. المواد معايا تمام الحمد لله
بس مشكلتي مع الإنقلش ، لما جيت أختبر تحديد مستوى قالوا لي البنات قبل أن المستوى المنخفض يرفع المعدل
و أنا بناءً على كلامهم ما حليت في الإختبار مع إني كنت عارفة الإجابات :(
رغم أن كان سهل الإختبار مره .. و صرت في المستوى الثاني ..
و لما بدأنا دراسة لاحظت الأستاذة أن لغتي أعلى من المستوى الثاني ف قالت بتحولني للثالث
في البداية وافقت بعدين استخرت و قررت اجلس في الثاني ..

المشكلة الآن انو وقت الكلاس مررره طويل و صار ممل جدًا جدًا و ماني قادرة أتحمله ..
وقتي جالس يضيع على شي أنا عارفته

و عزاي كله أنه يرفع معدلي ..
و ذحين أفكر اختبر آيلس و أحذف الإنقلش .. هل يمديني ولا فات الفوت ؟
أو أقدر أكمل المستوى الثاني و أختبره بعدين أقدم لهم الآيلس و بكذا أكون ضمنت درجة الثاني وينحسب في المعدل ؟

يمديني ولا ما بيحسبوا لي المستوى اللي درسته إذا قدمت لهم الآيلس !!

واذا ممكن تكتبوا تجاربكم مع الانقلش في التحضيري أكون شاكرة

و يعطيكم العافية مقدمًا :)

[trident]

عليك السلام ورحمة الله وبركاته ..

لو كملتي المستوى الثاني ودخلتي الإختبار النهائي يحسب لك في المعدل حتى لو قدمتي شهادة الايلتس بعد كذا ..
لو عرفتي تاخذي ايلتس قبل اختبارات المستوى الثالث تقدرين تحذفين لفل 3 و 4
ورائيي انك تسوين كذا .. لان الانقلش فعلا محاضراته غثيثه وضياع وقت على حساب بقية المواد ..
ولو حذفتيه يكون عندك وقت تتفرغين للمواد الثانيه وتقدرين ان شاء الله تجيبين فيها معدل ..

انا طالب تحضيري برضه .. فماعندي تجربه في الانقلش الا اسبوع وشوي لاني حذفته من يومين بالايلتس والحمدلله ..
المهم الآن انك تحجزين موعد اختبار ايلتس في اقرب وقت حتى تلحقين تقدمين الشهادة وتحذفين المستويين الثالث والرابع
ولو احتجتي مساعده في طريقة الحجز او مواعيد الاختبار او اي معلومات عن الاختبار اكتبيها هنا وانا اساعدك فيها

good luck

[picasso]

المشاركة الأصلية كتبت بواسطة فكر حر قالوا لي البنات قبل أن المستوى المنخفض يرفع المعدل و أنا بناءً على كلامهم ما حليت في الإختبار مع إني كنت عارفة الإجابات :(

غير صحيح هذا الكلام
المعدل بشكل عام يعتمد على درجاتك المرتفعه والساعات (الوحدات) الدراسية

مثال يشرح الفكرة تقريبا :

طالب انتهى من السنة التحضيرية بمجموع درجات (النقاط) بكافة المواد ومجوع نقاطه 1000 نقطه وساعاته (الوحدات الدراسية) المسجلة 16 ساعة !
وطالب اخر مجموع نقاطه 1000 وساعاته المسجلة 10 ~ ما درس انقلش عنده توفل وكذا

من حيكون الاكثر معدل ؟!

المعدل = مجموع النقاط / مجموع الوحدات الدراسية

[rizi.]

-



وعليكم السلام ورحمة الله وبركاته.
قبل كل شي ترا كان فيه اختبار مستوى تاني سووه لنا في الشرفية وجوا بنات من السلامة ماختبروا
اساساً الإختبار للي ماختبر نهائي بس انا عملت عملتك وانحطيت ليفل1 للأسف ورحت كلمتهم اعيد لأنو انحطيت بمستوى مو مستوايا
المهم دحين اختبرت ويارب خير, ف مادري ليش انتوا ماتعرفوا عن الكلام دا.

جربي كلميهم يعيدولك او تقدري تحجزي توفل وعلى بال مايجي وقتو حيكون اختبرتي في ليفل تو فـ شدي حيلك فيه وبعدين ينحذف.
لأنو من جد معاكي حق الإنقلش مرا يضيع الوقت وممل اذا كنتي في مستوى مو مستواكي:( واذا كنتي في المستوى المناسب يصير كويس تتعلمي.
واخيراً مافي شي اسمو يرفع المعدل, درجاتك اللي ترفع او لا سمح الله تهبط, بالتوفيق

[رفّات حُلم]

المشاركة الأصلية كتبت بواسطة trident عليك السلام ورحمة الله وبركاته .. لو كملتي المستوى الثاني ودخلتي الإختبار النهائي يحسب لك في المعدل حتى لو قدمتي شهادة الايلتس بعد كذا .. لو عرفتي تاخذي ايلتس قبل اختبارات المستوى الثالث تقدرين تحذفين لفل 3 و 4 ورائيي انك تسوين كذا .. لان الانقلش فعلا محاضراته غثيثه وضياع وقت على حساب بقية المواد .. ولو حذفتيه يكون عندك وقت تتفرغين للمواد الثانيه وتقدرين ان شاء الله تجيبين فيها معدل .. انا طالب تحضيري برضه .. فماعندي تجربه في الانقلش الا اسبوع وشوي لاني حذفته من يومين بالايلتس والحمدلله .. المهم الآن انك تحجزين موعد اختبار ايلتس في اقرب وقت حتى تلحقين تقدمين الشهادة وتحذفين المستويين الثالث والرابع ولو احتجتي مساعده في طريقة الحجز او مواعيد الاختبار او اي معلومات عن الاختبار اكتبيها هنا وانا اساعدك فيها good luck

أمكن دخلت عرض :)
أبا اسأل فين اختبرت ؟ والمواعيد ؟ وكيف الاختبار ؟ ايش جاك تقريبًا ؟ مرة سهل ؟؟
وشُكرًا () +

[فكر حر]

المشاركة الأصلية كتبت بواسطة trident عليك السلام ورحمة الله وبركاته .. لو كملتي المستوى الثاني ودخلتي الإختبار النهائي يحسب لك في المعدل حتى لو قدمتي شهادة الايلتس بعد كذا .. لو عرفتي تاخذي ايلتس قبل اختبارات المستوى الثالث تقدرين تحذفين لفل 3 و 4 ورائيي انك تسوين كذا .. لان الانقلش فعلا محاضراته غثيثه وضياع وقت على حساب بقية المواد .. ولو حذفتيه يكون عندك وقت تتفرغين للمواد الثانيه وتقدرين ان شاء الله تجيبين فيها معدل .. انا طالب تحضيري برضه .. فماعندي تجربه في الانقلش الا اسبوع وشوي لاني حذفته من يومين بالايلتس والحمدلله .. المهم الآن انك تحجزين موعد اختبار ايلتس في اقرب وقت حتى تلحقين تقدمين الشهادة وتحذفين المستويين الثالث والرابع ولو احتجتي مساعده في طريقة الحجز او مواعيد الاختبار او اي معلومات عن الاختبار اكتبيها هنا وانا اساعدك فيها good luck

شكرًا لك يعطيك العافية .. بس ممكن أعرف فين اختبرت ؟ و كم المدة بين وقت الحجز و وقت الاختبار ؟

و مستوى لغتك قبل كيف .. درست برا او شي كذا ؟ و كيف كانت استعداداتك له ؟

أنا خايفة الاستعداد له يلهيني عن المواد العلمية و المذاكرة !

[فكر حر]

المشاركة الأصلية كتبت بواسطة picasso غير صحيح هذا الكلام المعدل بشكل عام يعتمد على درجاتك المرتفعه والساعات (الوحدات) الدراسية مثال يشرح الفكرة تقريبا : طالب انتهى من السنة التحضيرية بمجموع درجات (النقاط) بكافة المواد ومجوع نقاطه 1000 نقطه وساعاته (الوحدات الدراسية) المسجلة 16 ساعة ! وطالب اخر مجموع نقاطه 1000 وساعاته المسجلة 10 ~ ما درس انقلش عنده توفل وكذا من حيكون الاكثر معدل ؟! المعدل = مجموع النقاط / مجموع الوحدات الدراسية

.__.

للأسف هذي المعلومة كانت مُغيبة عني و عن كثير بنات زيي

يعطيك الف عافية .. شكرًا على التوضيح

[SamuraiQ]

اختي
حكاية انه المعدل يزيد وانت في لفل منخفض مرررة غلط ><
ولكن في حالة لو انك تبي تشيلي الأنجليش جيبي شهادة توفل او ايلتس وهم يشيلوه من عندك وحيحتسب تجاوز :)

[الفتاة الغامضة]

المشاركة الأصلية كتبت بواسطة rizi. - وعليكم السلام ورحمة الله وبركاته. قبل كل شي ترا كان فيه اختبار مستوى تاني سووه لنا في الشرفية وجوا بنات من السلامة ماختبروا اساساً الإختبار للي ماختبر نهائي بس انا عملت عملتك وانحطيت ليفل1 للأسف ورحت كلمتهم اعيد لأنو انحطيت بمستوى مو مستوايا المهم دحين اختبرت ويارب خير, ف مادري ليش انتوا ماتعرفوا عن الكلام دا. جربي كلميهم يعيدولك او تقدري تحجزي توفل وعلى بال مايجي وقتو حيكون اختبرتي في ليفل تو فـ شدي حيلك فيه وبعدين ينحذف. لأنو من جد معاكي حق الإنقلش مرا يضيع الوقت وممل اذا كنتي في مستوى مو مستواكي:( واذا كنتي في المستوى المناسب يصير كويس تتعلمي. واخيراً مافي شي اسمو يرفع المعدل, درجاتك اللي ترفع او لا سمح الله تهبط, بالتوفيق

عرفت نتيجتك لمن اختبرت ؟

لأن أنا برضه اختبرت يوم الخميس اللي فات .. بس إلى الآن ما طلع لي النتيجة

[rizi.]

المشاركة الأصلية كتبت بواسطة الفتاة الغامضة عرفت نتيجتك لمن اختبرت ؟ لأن أنا برضه اختبرت يوم الخميس اللي فات .. بس إلى الآن ما طلع لي النتيجة

ايوا حبيبتي الحمدلله رحت سألت المعهد بس لسى ماتعدل في جدولي.
روحي اسألي بسيطة الشغله ^^
بالتوفيق.