بخصوص معدل الترم الأول _ عنوان معدل

[Dr-A]

مساء/ صباح .. الخير ..
ياناس أنا بنتحر من جد وش نسوي بدرجاتنا أو بعدل الترم الأول ماعاد في حيل نشد أكثر نفسيتي أزفت من الزفت والله تحطمت .. تحطمت بعنى الكلمه وخاصه لما أشوف أهلي للحين ينادوني الدكتوره مع إن معدل الترم الأول ... والله أستحي أقوله ..نظام الأختياري مامشى معاي لأن لما أحفظ المعلومه أحفظها بهدف أتذكرها بالأختبار وأحس ماعاد أقدر أدخل أي شي عقلي من الأكتئاب إللي فيني حتى أشوف المناهج قمه في السهوله بس مأقدر أخلصها ولا أقدر أحفظ شي مع إن كنت الأولى على المنطقه إللي كنت فيها بالثانوي من جد تحطيم في تحطيم ماعاد باقي أمل غير برب العالمين ... أحد يساعدني معنويآ ..

[بيو كيميائية ^_^]

اصبري ياأختي
أنا كنت محطمة مثلك بس الحين قلت لنفسي لاحياة مع اليأس ولا يأس مع الحياة متأثرة بريمي
بس مالنا إلا الدعاء
وإذا تضايقتي على طول طلعي إلا في قلبك وأبكي وترتاحين وترجعين قوية ودوم كلمي نفسك قولي أناأقدر وراح أدخل طب
وشوفي إذا الله كاتب لك طب راح تدخلين ممكن تجيبي خمسة والله مو كاتب لك فما تدخلين
أنت لاتدخلين الإمتحان وأنت متوترة صيري هادئة وتوكلي على الله
وإن شاء الله مابصير إلا الخير

[sweet heart]

الله يهديكي ياقلبي .. انت استهدي بالله وسوي الي عليكي والباقي على رب العالمين
مافي شيء مستحيل في هذي الحياه وانتي لاتفقدي الأمل
سبحان الله الواحد مننا ما يعرف ايش الي مكتوب له في الدنيا
انتي بس هدي وروقي وإن شاء الله تتيسر أمورك وتدخلي التخصص الي تبغي

الله يوفقك وييسر لكي كل خير

[Dr-A]

يبنااات سوري أشكيلكم وأنا مدري من أنتم بس أحس محد بيحس بالضيقه غير إللي جرب مثلك من جد شكرآ حبيباتي زهوره وsweet heart مره شكرآ يارب تتدخلو إللي تبغوه .. آميييييييين..

[ahmed_al0lyan]

شدي حيلك وادا ما قدرتي تدخلي طب ادخلي علوم وحولي منها بعد كدا او ممكن تدخلي طب في اي جامعه تانيه لا تربطي نفسك بدي السنه

[mzat kau]

والله والله مازعل نفسي على جامعه ليش حبيبتي عيشي حياتك واعملي اللي عليكي والباقي على الله
انا والله عايشه حياتي احلى مايكون ولاهمني بس بنفس الوقت ازاكر واعمل اللي عليا واللي كاتبو ربي يسير
والله الحمد لله كلو تمام صح في اختبارات تقهر بس يعني انتي لوحدك
كل الناس زيك قلبي من جد عيشششششششششي حياتك ولا يهمك
وبلا هم نحنا تعبنا كفايه وسوي اللي عليكي محد قلك لاتزاكري لا زاكري والباقي على ربك هوا اللي حيفتح عليكي
(في ناس تقولحعيشبكرة او لما اتخرج او لما اخلص التحضيري ويجي اللي بعدو ونفس الكلام حعيش لمن ولمن ولمن .. اخر حاجه حيلاقو نفسهم كبرو وعجزو وهما لسه ماعاشو لحظه لييييييييش لا حعيش واجتهد بنفس الوقت )
النقطه اللي باوصلك هيا انو ياحبي لاتشيلي هم وسوي اللي عليكي واللي كاتبو ربنا حيسيييييير سواء خير وان شا الله او شر وبعيد الشر

[mzat kau]

لوول تقول حعيش بكرة خخخخخخخ شكلو الكيبورد خرف ههه

[بيو كيميائية ^_^]

لاشكر على واجب
بس أنا أحس فيكِ لأني كنت مثلك بس معدلي الحمدلله الترم الأول ممكن يرتفع دحين أكثر وأدخل اللي أبيه
فأنت برضوا تقدري ترفعيه
والله يحقق لك أمنيتك

[فراشة مسجونة في تخصص 13]

اسمعي حبيبتي انا كمان كنت فوق الممتازه في الثانوي ودرجاتي جدا عالية بس اقسم بالله بالترم الي فات تحطمت زيك وصرت ابكي قبل الاختبار بس بعدها قلت لنفسي حلمي اني اصير دكتوره مو محصوربس في السنه هذي او في الجامعه هذي

راح اسجل في جامعه اهلية وادرس فيها طب واقدم على منح داخلية ولا ان حلمي يروح بأذن الله راح اصير دكتوره

[شخابيط نونو]

ما نقول الا الله يعين