فقه معاملات مع أ : حمدية ولا أ : جوهرة ؟؟!

[MERoOo]

السلام عليكم ورحمة الله وبركاته ..
كيف الجميع ؟؟
في شعبة جديدة نزلت لفقه معاملات مع أ : حمدية ..
تنصحوني أروح عند حمدية ولا أجلس مع جوهرة ؟؟
ياليت اللي أخدوا المادة يفيدوني !!!

وشكـــراً ..

[JOoOdi 0]

خليكي مع جوهرة

[JOoOdi 0]

شوفي دا الرد قرأتو في احد المواضيع


مين قال انو حمديه احسن انا اشوفها اسوء استااااااذه صرااااحه
استااذه ماعندها محاضرات واول ماتجي الكلاس تحسسك ان مافي وقت وان المنهج طويل اول ماتجي وهيا تتكلم فوق راااسك الييين ماينتهي الكلاس ولو خلص الوقت تقلك لا دقاااايق وتاخذك احيان فوق الربع ساااعه
وعن المحاضرات طبعا ماتقدر تكتبي معاها لان كلامها مرره سريع وممل حتى لو كنتي صاروخ في الكتابه <<< ابوك يالتشبيه ... هع
وتقلك التمارين والمحاضرات خذيها من بنات الاستاذه الثانيه .. طيب انا ابى افهم انتي ايش وظيفتك في الحيااااه
غير كذا اعطتنا تمرين في المحاضره وقالت انا مني مقتنعه فيه ومدري ويش وبعدين قالت انا ماراح اجيبه في الاختبار وفجأه نلاقي السؤال في ورقة الاختبااار ... هيا بالله مهي استااذه فكك
مني عارفه ليه البناات مااشتكوا عليها وللحين مستغربه ان شعبتها فلللللللل


وشوفي دا الرابط
http://www.skaau.com/vb/showthread.php?t=163158

[العمر لحظه]

انا درست مع حمديه .. ودرست مع جوهره .. جوهره كويسه في المواد اللي فيها تمارين لان يغالها شرح
حمديه يناسبها ماده زي فقه معاملات لان التمارين اللي فيها مررره قليل وبصراحه سهله بالمررره ...
انا درست مع حمديه فقه معاملات المحاضره ممله وطويله وطفش واحيانا تصنف معاها تسميع كل محاضره بس عادي لاتخافو على درجاتكم معاها اهم شي عندها الحضور وانك لما تكلميها تقوليلها حضرتك هههههه تحب نكلمها باحترام جدددا .. انا مو مرره شاطره واخذت معاها a بدون تعب بس من جد ملل محاضراتها كنت اجيب معايا روايه اجلس اقراها .. وبالنسبه لجوهره انا ما استحملها ابدا درست عندها ضريبه اتفه من دي الماده ماقد شوفت ودرجات الشعبه كلها نااااااازله هذا غير اخلاقها ..

وبالتوفيق

[ملاك السعودية]

مافي مقارنة بين حمدية و جوهرة
تبغي تفهمي المادة خليكي مع جوهرة بس لو تبغي الدرجات غيري لحمدية
أنا أخذت مع حمدية منشات كانت المحاضرة ملل و طويللللله مره بس في النهاية درجات عالية للشعبة كلها
في النهاية انتي الحين على وجه تخرج يعني بالعربي تبغي درجات فالاحسن تأخذي حمدية فهمي نفسك بنفسك في البيت وتجيبي درجات
ايش الفائدة لما تكوني فاهمة وما بتحلي لو كنتي مع جوهرة

[ملاك السعودية]

أنا نزلت لي فقه مع الجوهرة بس حذفتها واضفت ماليه مع اقبال
و كنت ناوية أخذها السمستر الجاي بس ما أخذها مع جوهرة

[BoBy]

انا مجربه الاتنين الجوهره وحمديه
ورأيي نفس رأي ملاك السعودية
اكيييييييد اختاري حمدية لانو ايش الفائده تفهمي ودرجاتك في الارض
انا جربت الجوهره مررره ومن بعدها لا انا ولا صحباتي فكرنا ناخد عندها تاني
وبالنسبة للتعليق اللي جودي نسختو انا اتوقع انو البنت اكيد كانت ماخده معاها السمستر اللي فات شعبة حمدية كانت مدرج وكلو مليان فكان مزاجها دائماً معكر من كثر العدد
بس انا اخدت معاها فقه معاملات السمستر مو اللي فات اللي قبلو وكانت كووويسه وعلامتنا مره حلوه معاها هو في شي واحد كان عشان الشعبه قليله فجأه يجي على بالها تسمع بالاسماء بس الحمدلله ولا مره وقعت في يدها هههههههه
فشوفي من الاخر اكيييد انصحك تغيري لحمديه

[MERoOo]

تسلمو الله يعطيكم العافية يآرب ..
وإن شاء الله بحآول أغيرهآ ..