مساعدة عاجلة

[jojaya]

السلام عليكم

ابغى اعرف اللي كانو بيحولو لجامعة الملك عبد العزيز
وبيحولو لسينا ايش صار عليهم

علما بااني راسبة في الكيم والماث وبدرسه صيفي
بدرسه صيفي وبحول وماادري متى اروح اسجل عندهم

[ُزمرد]

وعليكم السلام ورحمه الله وبركاتة

امممم كيف تحولي وانتِ حاملة مواد .. .. لكن اتوقع لازم لو تبغي تروحي هنآك تسحبي ملفك من عزوز وتسجلي ك أي طالبة بتسجل ف سنة اولى ف ابن سينآ ..

اما إذا خلصتي الصيفي .. انا صحبتي قالت لي التسجيل عندهم مفتوح لين بدآيه الدراسة يعني لاتخافي ان التسجيل يفوتك انتِ برضه اتصلي عليهم وشوفي .. + لو نجحتي ف الصيفي خليهم يعادلو لكِ المواد عشآن تصيري عندهم سنة 2

ان شاء الله احد يفيدك .. موفقة

[MAS-663]

زمرد جاوبتك على على كل النقاط اللي ذكرتيها مع اهمية معادلة المواد لانه حرام تضيعي تعب سنه

موفقه يااارب..

[jojaya]

يعني عادي لو مااسجل دحين

[ُزمرد]

لو خايفة انك ما تنجحي ف الصيفي سجلي ..

لكن لو تضمني انك تنجحي = يصير خلصي المواد تبعت الصيفي فيهآ وسجلي هنآك عشآن يعادلولك المواد وتصيري سنة 2 :) .. لانك لو سجلتي وانتِ حاملة مواد = ح تبدأي عندهم سنة أولى .. عموماً برضه اتأكدي من كلامي اتصلي عليهم وشوفي ايش وضع اللي حاملين مواد ..

[jojaya]

يمكن يقفل التسجيل

[ُزمرد]

ياقمر قلتلك.. صحبتي اتصلت عليهم وسألتهم متى يقفل التسجيل .. قالو لها التسجيل مفتوح لين بدآيه الدراسة يعني ان شاء الله ف شوال يكون مفتوح كمآن + اتصلي اسألي عشآن تتأكدي .. قوليلهم متى يقفل التسجيل :)

[قلب بريء]

ههههههههههه انتو لسا بتردو هنا

[صدى الأحلام]

يا عسولة الي بتسالي انا رحت العام ل كلية ابن سينا هو صحيح التسجيل يكون مفتوح الين بداية الدراسة يعني الين شوال بس احتماااال كبير انك لو رحتي زي كدا متاخر يقولولك خلصت الاماكن اي امتلئت المقاعد . وبعدين احسلك خليهم يعادلولك مواد لانو التحويل من جامعة عزوز الى كلية ابن سينا يتم فيها معادلة مواد بينما التحويل من جامعة عزوز الى كلية البترجي لا يتم معادلة مواد( حسب معلوماتي ) لانو ابن سينا معتمدة اكثر من البترجي . ف نصيحتي ليكي روحي بدري لانو زي ما قلتلك انو التسجيل يكون مفتوح بس المقاعد تكون ممتلئة
موفقة  وإن شاء الله اكون افدتك