طالبات دفعه "10" ندااء للمساعدة بلييز ، اشرف بركااااااات << خطة أ

[تووتـــــــــة]

بناات باختضااار مرره انا عقدتي في الحياة الفييييزياا من يوم ماعرفته وانا ما اطيقه وتدرسني دكتوره اسمها صباح القرني في الشرفيه
وانا شايفه انه الكل في المنتدى يمدح ملخصات اشرف بركات وكنت ناويه اني اجيب ملخصاته عشان تساعدني لكن اتفاجأت بالدكتوره تقولنا ايااااااااااكم وايااااااكم تجيبوا ملخصات وانه بس نكتفي بشرحها
المشكله اني مو فاهمه ولاآآآآآآآآآآآآآآآآآآآآآآ حاجة من شي اسمه فيزياااااآآآآآآ
ولا حتى من شرحها مررره لأنه تشرح بسرعه وانا مدام انه فيزيا يعني لازم حبه حبه عشان احاول استوعبه مو استوعبه لا احاول


الشي التاني المآآآآآآآآآآآث
عاد مصيبه تانيه بالنسبالي انا وهوه عربي ياااااااااالله الخراج كيف وهوه انجلش والدكتوره احسها مللفته حتى اسمها ماعرفه وربي
ف بلييز يابنات الي عندهم تجربه يفيدوني كيف اذاكر المادتين الكارثه دول لأني مرره والله اتعقدت وخايفه اتهور واسحب على الدراسه حرام وربي انه طموحي طب ياهم الزمان
عندي كل المواد في الحياة في كفه وماث وفيزيا في كفففففة


وآخر شي انا نفسي اعرف دحين هوما يقولوا انه الي خطه الف لازم يستغلوها عشان فيها الحاسب ومهارات الاتصال في رفع المعدل ولازم يكون السمستر الاول المعدل عالي لأنه صعب يرتفع لو كان نازل السمستر التاني ؟؟؟
انا مو فاهمه النقطه ديييي يعني فرضا وحده خطه ب وكان معدلها نازل السمستر التاني شدت حيلها وجابت اغلب المواد فل مارك ايش حيكون برضو صعب ترفع معدلها ولا كيييييييييف ؟؟؟؟

[sultanooh]

ههههههههه الرياضيات مشكلة الجميع

اما الفيزياء رغم ان هي كمان مشكلة لكنها مشكلة أسهل

أنا ماني عارف وش الطبخة في الرياضيات ههههههه
بس جالس اتسمع في الدكتور يعني جالس سياحة مو دراسة هههههه

[M!sS chocolate]

لي رجعه لموضوعك بس بالأول أدخلي موضوعي
http://www.skaau.com/vb/showthread.php?t=228167
وأقري اش كتبت عن المواد ..

[م.عبدالله]

المشاركة الأصلية كتبت بواسطة تووتـــــــــة انا مو فاهمه النقطه ديييي يعني فرضا وحده خطه ب وكان معدلها نازل السمستر التاني شدت حيلها وجابت اغلب المواد فل مارك ايش حيكون برضو صعب ترفع معدلها ولا كيييييييييف ؟؟؟؟

نفس الشيء
مجـــــــــــــرد تبـــــــــــــآدل مراكز

[M!sS chocolate]

^^^
بخصوص السؤال لا مافيها حاجه
اساسا المعدل تراكمي
اذا ارتفع معدلكي يرتفع واذا طاح معدلكي يطيح
زي الثانوي
انا كنت الترم الأول معدلي اقل والترم الثاني رفعته الحمد لله
بس زي ماقالوا لك في حكاية لازم تجيبي معدل في خطه أ
لأنها أسهل والحاسب ومهارات الإتصال لازم تجيبي فيهم الآي بلس
حاولي قد ماتقدري ..

وحكاية الملخصات الفيزياء انا صراحه ندمت اني اشتريت حق اشرف
لأنو مااستفدت منها شيء وماكانوا يجيبوا منها أي شيء وهذا كلام الدكتوره حقنا
قالت لنا اللي تبى تذاكر من ملخصات تذاكر بس احنا مانجيب منها أي حاجه
الفيزياء لازم تفهميها أسألتهم تعتمد على الفهم مو على الحفظ
لو تقدري تروحي لك مدرسه يكون أحسن لك
أو انك روحي أوقات البريكات حقك شوفي الدكاتره اللي في نفس الوقت عندهم
محاضرة فيزيكس وأحضري لهم يمكن تفهمي منهم
وبالنسبه للرياضيات بالعكس ماده مرررررررررره حلوه وبسيطه نفس الثانوي
بس انها انجليزي حتى اني ساعات ارجع لكتبي حق ثالث ثانوي
حاولي تفهمي منها أو أوقات البريكات نفس حكاية الفيزيكس أو مدرسه ماعندك الا دي الحلول

إنتي تعوذي من الشيطان وأجلسي أمسكي وذاكري من نفسك كلنا كدا في البدايه كنا نحس نفسنا ضايعين
لكن لما بدينا نذاكر الدرس اللي ناخذه سرنا نفهم البدايه لازم تكون صعبه لكن شويه شويه تسهل
انا في الإحصاء كنت ماني فاهمه شيء جلست في الباب الأول اسبوع كاامل رغم بساطته كنت احاول اني
اذاكره ماني عارفه كيف يتذاكر جبت ملخصات اشرف بركات وجلست أترجم كل الباب وبعدين رجعت اذاكره
من ثاني حاول 3 مراات لين مافي النهايه فهمت ومشيت ...
فاللي أبغى أقولك هو لاتستلمي حاولي مع نفسك في البدايه وبعدها ألجئي للحلول الثانيه ^_^ ...

[تووتـــــــــة]

مس شوكلت الله يسعدك يشيخه ان شاء الله تعدي على خير

[آحم p:]

مس تشوكلت

طيب احنا مآنعرف اذا مذآكرتنا تفيد ولا لا لاننا ماقد اختبرنا في الجامعه ويمكن يجيبون اسأله مآنعرف كيف تجي

يعني يمكن نحتاج مدرسه تجينا

[M!sS chocolate]

^^^^^^
كيف يعني ماقد اختبرتوا بالجامعه
انتي من الشرفيه والفرع شكلك
انا بنت خالتي كانت هناك
والأسأله نفسها الا في بعض المواد اظن زي الحاسب
ومهارات الإتصال يعني المواد السهله
وحتى لو غيروا تكون نفس المستوى

اذا تعرفي أحد في الجامعه يكون أحسن
واذا ماتعرفي أسألوا الدكتوره حقكم أكيد تعرف
أنا بنت خالتي كانت تاخذ مني ..

[M!sS chocolate]

المشاركة الأصلية كتبت بواسطة تووتـــــــــة مس شوكلت الله يسعدك يشيخه ان شاء الله تعدي على خير

آآآآآآآآآآآآآآآآآآآآآآآمين يارب ويسعدك انتي كمان
عادي حبيبتي شوفي أنا دحين ضايعه في الأشعه
من أول ماسكه مادة الفسيولوجي ماني عارفه هادي كيف
تتذاكر لكن جالسه أحاول ..
حسسي نفسك كأنك في تحدي ياإنتي يالكتاااب ترا شعوور مرره حلو لمن تفوزي
والله يسهلها عليكي لو احتجتي أي شيء انا موجوده أرسلي لي عالخاص
ومارح أبخل عليكي بشيء ...

[آحم p:]

لا انا من السليمانيه

بس اقصد احنا ماقد دخلنا اختبار و مآنعرف اذا مذاكرتنا تكفي ولا لا