مهم !!! ممكن أحد يفهمني الكلام الغريب الي طلعلي في الأودس ؟

[Loveless]

السلام عليكم و رحمة الله و بركاته

انا طالبة سنة تحضيرية مستجدة اداري انساني ..

و دخلت على الأودس عشان اشوف نتيجة الإختبار تبع المستوى !

و طلعلي في الجدول " لغة إنجليزية 4 " أو " 104" يعني المستوى الرابع زي ما اعرف ..

و بعدين دخلت على كشف الدرجات و لقيت كلام جداً غريب

( مواد محولة من جامعة الإمام سعود الإسلامية ) << أو شيء زي كده !!

و الثلاث مستويات الإنجلش محطوطه انها محولة و مدري ايش 40 ساعة مكتسبه !!

شوفوها في الصور ،، و اتمنى احد يفيدني يعني انا مستوى رابع ولا ايش و ليش الكلام دا طلعلي في كشف الدرجات ؟!





و شكراً مقدمًا ،،

[شذى الحب]

حبيبتي لاتخافين
اكيد ضرب الاودس الا وربي ضرب من جد
عاد انتي ياقلبي اهون من اللي صار لي
انا ناحجة في مادة انجليزي 2من زمان والحين باخذ مادة اسمها قراءت بالانجليزي في المستوى الثامن وانا الترم الجاي تخرج
يقولي ماتقدري تاخذي قراءت لانك ماخذتي انجليزي2
بالله اش رايك؟؟؟

[Loveless]

المشاركة الأصلية كتبت بواسطة شذى الحب حبيبتي لاتخافين اكيد ضرب الاودس الا وربي ضرب من جد عاد انتي ياقلبي اهون من اللي صار لي انا ناحجة في مادة انجليزي 2من زمان والحين باخذ مادة اسمها قراءت بالانجليزي في المستوى الثامن وانا الترم الجاي تخرج يقولي ماتقدري تاخذي قراءت لانك ماخذتي انجليزي2 بالله اش رايك؟؟؟

حسبي الله عليهم لو انا منك كان اتجننت

قوية الي صارتلك و الله !! بس انا دوبني جديدة و ادخل اشوف جامعة امام مدري ايش جاتني صدمة ههههههه

و الله من جد اشك انو ضرب

شكراً حبيبتي طمنتيني شوية الله يطمنك و يفك عنك ازمة الجدول

[Jarood moon]

بصراحه مافهمت شي
بس يمكن تكوني عديتي الثلاث مستويات وخلاص تروحي عالرابع على طول < شي جديد يعني !

يمكن في بنات مثلك .. استني وشوفي

[شذى الحب]

والله صرت اكلم نفسي
لدرجة شكيت اني معقولة رسبت في المادة
عاد تخيلي الادوس كمان بطئ يعني لين مااتاكد

[د.مشاعل]

انا يمكن محولة بس لجامعة الملك سعود !!!!
محول المستوى الاول غالبا .!!
لأني أول شفت بس مو مركزة اش اللي تحول استغربت وخرجت !!
ياليت احد يفيدنا

[منو22]

امممممم

شوفي الجدول جنب الانجليزي مكتوب رقم 101 او102 شئ زي كدـآ

مو كششف الدرجات مايجي فيلو المسستوي ..

[تحية انهزام]

اذا فتحت الأوديس يطلع لي

العنـوآن محجوب..!!

اهئ اهئ صـآرت معكم ؟؟

[Loveless]

ايوة يا بنات شيكت على الـ أودس !!

في الجدول تبعي مكتوب " eli 104 "

بصراحة شيء يخلي الوحده تتنح !!!!

فعشان كده يا ريت احد يفيدنا بـ كلام معتمد :((( ؟؟

و مشكووووووريييييييين كلللللللللكم

[sumaiah..]

اعتقد والله اعلم
انو دي المواد المحوله
هي اللي المفروض انك اجتزتيها وخلصتيها خلال دا الترم ..