الطالبات المستجدات في علم النفس

[ريفال1]

السلام عليكم كيف الحال اولا انا محتاره كثير وابغى رايكم وان شاء الله احصل ارد عندكم
انا تخصصت علم نفس بس الحين غيرت راي لان صحباتي ماقدروا يدخلوا القسم ومااعرف احد
وبنات الى حولي يقولولي ادخلي اداره عامه افضل من علم النفس وانا الان في حيره من امري
ايش رايكم اكمل علم نفس واذا بكمل ارجوا منكم اي وحده تعرف وحده دخلت علم نفس تعرفني عليها ولا اختصر الموضوع واروح اداره
ومشكوررررررين مقدما والله يوفق اي وحده ترد على وينويلها الى في بالها

[مزون عابرة]

؟؟؟؟
انتي ما سجلتي علم نفس الا وانتي رغبانه فيه
تحولي منه عشان صحباتك؟
كلنا دخلنا ومانعرف حد
ومع الايام تتعرفي

وكثير طالبات مستجدات تعرفو عن طريق المنتدى وتقابلو هناك

اما انك تحولي عشان صحباتك فـ هذا غلط !

[رماد الشـوق]

صراحه انا ماراح اضيف رد بعد اختي مزووون

كفت ووفت

انا تخصصت وكل صحباتي افترقت عنهم بعد ماكنت معاهم 14 سنه الا في طموحي ماكون معاهم

ولي سنه ماعرف احد اصلا ماحس بالوقت محاضره ورا محاضره

والحمدلله تعرفت على بنات زي العسل توكلي ع الله وكملي طريقك

[Esraa.MD]

ترى صاحباتك ماينفعوكي باللهي اسيب طموحي عشان صاحباتي مستحيييييييييييييييييييييييل هادي دراسة وليست تكوين صداقات

وانا برضو زيك مستجدة وماعندي صاحبات يعني شي جدا عادي

[ببو دحمون]

حبيبتي الله يوفقك يارب في دراستك
اول شي ماشاء الله اخواتي ما قصرو في الرد عليكي

استحاله اضيع طوحي ورغباتي عشان صحباتي
وثاني شي الدراسه مو صحبات الدراسه اثبات نفس وذات

وانتو مادام في جامعه وحده عادي تقابلوا بين المحاضرات وكدا

واذا انت خايفه وما تعرفي احد ترا المنتدى مرا عسوول وراح تتعرفي على بنوتات زي القمر وانا اتعرفت كتير من هنا

واتشرف اني اكون صاحبتك وتكوني صاحبتي واعرفك على بنات في علم النفس زي السكر

لاكن لا تضيعي رغبتك عشان صحباتك

ولاتزعلي يا عسوووله

[ريفال1]

مشكورين اخواتي من جد كنت بحاجة كلامكم
ومشكورين على اعطائي من وقتكم شوي
وبصراحه لي اشرف اني اكون معاكم واتمنى اكون معاكم وتكونوا صحباتي

[ببو دحمون]

يشرفني يا حلوتي نكون صحبات
وتنوري قسم علم النفس يا سكر

المهم انا ماني قادره ارسلك ع الخاص الين توصل مشاركاتي 100

المهم كيف تحبي نتواصل

انا يوم السبت رايحه الجامعه بسبب انو بطاقتي انسرقت فأذا حتجي يشرفني نتقابل يا حلووة

[نبـْض أخيـرْ]

إذا أردت أن تعيش حياة سعيدة, اجعل حياتك مرتبطة بهدف..لا تجعلها مرتبطة بالناس أو بالأشياء ..
موفقه :)

[عيوني ذلتك]

راسلينى لو تقبلين صداقتى ماعندى احد كلنا ضايعين ماعندنا صاحبات بنفس القسم اتشرف بمعرفتك وفي النهاية كلنا صاحبات بهالقسم الرائع تقبلو مروري

[مزون عابرة]

المشاركة الأصلية كتبت بواسطة نبـْض أخيـرْ إذا أردت أن تعيش حياة سعيدة, اجعل حياتك مرتبطة بهدف..لا تجعلها مرتبطة بالناس أو بالأشياء .. موفقه :)

ياعيني على الحكم
ما اقدر يا نبض

يسلم تـُـمك