استفسار إلى طالبـات كلية الاقتصـاد ..بالأخص (ادارة سكن ومؤسسات )

[Pulse Roses]

الســلام عليكم ورحمـة الله وبركـاته ..

مراحب ياحلوين ..
حبيت استفير عن كم شغله تخص كلية الاقتصااد المنزلي وان شااء الله مااكون ثقلت عليكم باسئلتي

اول حاجه حابه استفسر ..
هل اقدر ادخل السنه التحضيريه في كلية حي السلامه وارجع بعدين احـول على جامعة الملك عبدالعزيز التخصص اللي ابغاه ..؟ والا الشغله صعبه من ناحية التحويل وتفضلون اني ادخل على طوول في الجامعه ..؟ وكيف تدريس السنه التحضيريه في الكلية او الجامعه .. يعني اش افضل .. مع العلم انو الكليه صارت نفس نظام الجامعه يعني من ناحية المواد سوا ..

بالنسبه لطـالبات ادارة سكن ومؤسسات لما تقصدون المسار الادبي عشان ندخل دي الكليه .. قصدكو في الثانوي ولا السنه التحضيريه لما ادخل احدد مسار علمي او ادبي ..؟
وهل طالبات المسار العلمي } اقصد في التحضيري " يستطيعو يدخلووها مافيش مشاكل ..

مم في سؤاال كمان في بالي ..
انا سمعت انوو راح يحولو اسم كلية الاقتصاد المنزلي اللي في الرحاب وراح تنقل للفيصليه .. ولما قريت عن اقسامها لقيت قسم التصميم الدآخلي .. هل هو نفسو التصميم الدآخلي الا في كلية الاقتصاد اللي في الجامعه ولا .. ؟
وهل قسم ادارة سكن ومؤسسات موجووده في دي الكليه } اقصد اللي الرحاب وبتنقل للفيصليه
وواذا مافيه ياليت تعطووني اسماء تخصصات في كلية الرحاب قريبه من قسم ادارة سكن ومؤسسات ..

في كمان اسئله في بالي بس بعد ماتردوو عليه وتجاوبو على دي عشان ماتنفجعوو


وشووكرا ياحلوين .. عارفه ثقلت عليكم بس ياليت تجاوبووني



نبض الورد