سؤال للمرشحات لوظيفة معيدة بجامعة الملك برابغ

[دانة الدنيا،،،]

السلام عليكم

اخبااركم جميعااااا


حابه أسأل المرشحات هل اتصلت عليهم الجامعة علشاان بااقي الاجراءات ؟
وهل تعرفوا سبب التأخير بعدم اتصالهم؟
وهل كل مرشحه أكيد توظيفها ان شاء الله ولا هم رشحوا مجموعه وبعد كذا سيتم الاختيار بينهم

[snowystorm]

هلا دانة ..عن نفسي وزميلاتي ما أحد كلمنا ...بس اللي نعرفه أنه المباشرة حتكون بشوال
تأخروا علينا عشان قرار التعيين لسه ماصدر فلازم بالأول معاملاتنا تمر ب(مجلس القسم )وبعد كذا تصدر الموافقة بقرار التعيين وترفع أوراقنا للخدمة المدنية ..وقتها يتهيأ لي حيكلمونا عشان الإجراءات ...عموماً قرار الترشيح لما سألت ناس مروا فيه قالوا لي خلاص بإذن الله هو يعتبر تعيين..الله يعين ونتطمن و يتصلوا ويخلصونا

الله يوفقنا جميعاً

[دانة الدنيا،،،]

طمنتيني الله يجزاك خير
على كذا نتوكل على الله ونستأجر شقه ونشوفكم على خير بشوال ان شاء الله :)

[snowystorm]

نشوفك ع خير قلبي..بس ليش ناوية تستأجري...؟!!!
أحس مرة صعبة
قالوا لي الطريق مو ذاك البعد ..!!

[دانة الدنيا،،،]

هلا قلبو :)

راح استأجر في عمارة أخواني جنب عمارة خالي
ولأن زوجي يدرس بينبع فضروري البيت يكون بمكاان وظيفتي :)
الله يتمم على خير اذ لناا خير

طيب بسألك فيه أحد تعرفيه تخصصه كيميااء؟:)

[شجن!]

..

طيب سؤال أيش الأوراق اللي طلبوها منكم بعدالاتصال عليكم؟؟؟؟؟

وهل طلبوا شهادة التوفل أو مايعادلها ؟؟؟؟


..

[دانة الدنيا،،،]

الا الآن يا الغلا ما طلبوا مني أي أوراق
كل اللي قالوه راح نرجع نتصل عليكم

[snowystorm]

لا والله ماتشرفت بمعرفة أحد من قسم الكيمياء لكن نتشرف بمعرفتك بإذن الله :)
نشوفك ع خير يارب
*
هلا شجن..بالنسبة ليا أتصلوا عليا ثاني يوم من المقابلة وطلبوا مني كشف درجاتي ...ورحت سلمت لهم بكلية التربية ..وطلعوا انهم كلموا كمان زميلة ليا وطلبوا منها شهادتها الخاصة بإختبار التوفل وهيه كمان راحت سلمتها ليهم ..عموماً كل أوراقنا معاهم..ولو في شئ يحتاجوه زيادة عشان الخدمة المدنية راح يبلغونا ...الله يتمم لنا على خير ويطمن بالنا

في حفظ الرحمن ياحلوين

[دانة الدنيا،،،]

طلبوا الأوراق بعد المقابله مش الترشيح صح
لأن أنا بياناتي وأوراقي عندهم كماله لذلك لم يطلبوا مني شي بعد الترشيح

:)

[snowystorm]

هلا دانة كلامك مزبوط بعد المقابلة طلبوا الأوراق الناقصة .. يلا قلبي :) عقبال مانسمع أخبار حلوة عن قرار التعيين قريب يارب.. بدل مايشحططونا برمضان