استفسار عن امكانية الانتساب في قسم الاقتصاد المنزلي؟؟وفقكم الله

[dindo]

]السلام عليكم ورحمة الله
انا درست سابقا اقتصاد منزلي من كلية متوسطه لمدة سنتين اي دبلوم يعني الدراسه عامه وليست تخصص
وظليت بعد تخرجي ست سنوات بدون اكمال دراسه لظروف الزواج و النقل من مكان لاخر

والان اريد الاكمال في نفس الكليه واتخصص تغذيه لاني احب هذا التخصص

حاولت اتصل بالجامعه على وكيلة القبول والتسجيل كان ردها بارد جدا ومايحمس نايمة الاخت الظاهر لدرجة تخليكي تنسي ايش تبي تسألي..بس حطمتني وقفلت تقول فقط الانتساب بشهادة الثانوي فقط ..مااعطتني مجال اسأل ليه؟ وكيف؟وشهادة الكليه ايش اسوي فيها ابلها واشرب ميتها ..اسلوبها يخليكي تقولي شكرا شكرا . تثاوبت الاخت وقفلت ورجعت نامت......

حاولت اتصل مرة ثانيه بالجامعه مااحد يرد

فقلت فيكم الخير يابنات الاقتصاد اللي تقدر تساعدني ربي يسخر لها اطيب خلقه ويوفقها وين ماراحت على الاقل اللي يعرف احد في عمادة الاقتصاد يفيديني
اسئلتي
هل اقدر اكمل على شهادتي الكليه وتتعادل لي مواد واتخصص تغذيه انتساب لاني مقيمه في الرياض مو معقول شهادة الكليه مااستفيد منها في اكمال دراستي
ولى الشكوى لله ابدا من اول وجديد انتساب بشهادة الثانوي واتخصص ادارة اعمال او انجليزي
الله يرضى عليكم افيدوني

قبل ينتهي التسجيل انتساب على الاقل لو ماحصل نصيب اكمل انتساب في تخصص ثاني من اول وجديد