مساعدة لك ولغيرك في الاختبارات النهائية

[عبود الصغير]

السلام عليكم ورحمة الله وبركاته
صباح مساء ظهر عصر مغرب اهم شي في خير في الاخير

ما ابغى اطول عليكم هذا اول موضوع ليه وحبية اساعد نفسي وغيري كثير

بما ان الاختبارات داهمتنا ودحين كثير مو عارف كيف يبدأ يذاكر وانا اولهم فحبية نساعد بعض
وكل واحد يحاول يقول طريقته في المذاكرة انا ادري ان اكثرنا مو عارف كيف يذاكر

عشان كدا خلينا نساعد بعض واتمنى التوفيق لكل الطلاب

لا احد يقول هذا فاضي ممكن انت تفيد غيرك وغيرك يفيدك
مثلا انت تفيد احد في الكيمياء وغيرك يفيدك في الاحصاء

وكذاااااااا
واتمنى انه يعجبكم موضوعي
يارب افتح قلوبنا للمذاكرة ويارب سهل علينا وخلينا نحفظ الحفظ ونفهم الفهم ونجيب درجات عالية يااااااااااااااااااااااااااااااااااااااااااااااااا اااااااااااااارب

[bint aboha]

المشاركة الأصلية كتبت بواسطة عبود الصغير السلام عليكم ورحمة الله وبركاته صباح مساء ظهر عصر مغرب اهم شي في خير في الاخير ما ابغى اطول عليكم هذا اول موضوع ليه وحبية اساعد نفسي وغيري كثير بما ان الاختبارات داهمتنا ودحين كثير مو عارف كيف يبدأ يذاكر وانا اولهم فحبية نساعد بعض وكل واحد يحاول يقول طريقته في المذاكرة انا ادري ان اكثرنا مو عارف كيف يذاكر عشان كدا خلينا نساعد بعض واتمنى التوفيق لكل الطلاب لا احد يقول هذا فاضي ممكن انت تفيد غيرك وغيرك يفيدك مثلا انت تفيد احد في الكيمياء وغيرك يفيدك في الاحصاء وكذاااااااا واتمنى انه يعجبكم موضوعي يارب افتح قلوبنا للمذاكرة ويارب سهل علينا وخلينا نحفظ الحفظ ونفهم الفهم ونجيب درجات عالية يااااااااااااااااااااااااااااااااااااااااااااااااا اااااااااااااارب

وعليكم السلام ورحمه الله وبركاته

مشكور ياأخ عبود ع الطرح لمثل هذا الموضوع والله من جد جيت ف وقتك الله يوفقك يارب

وطريقه المذاكره الأكثريه يقولوا ف الصباح أحسن تحس مخك يتفتح زي الورده للمذاكره

أنا عن نفسي الصباح ماأعرف أذاكر أنا زي الورده اللي داعسها واحد الله يسامحه من جد

أكتب من القهر اللي فيا بس ماني عارفه اليوم يمكن أجرب أذاكر ف الصباح مع إن الدنيا عندي

مطرطعه بس الله يعينا ويوفق الجميع ويسهل ع يارب دعواتي القلبيه للجميع

تقبل مروري دعواتك ليا بالطب

[غروري ذبحهم]

مشكوووووور آخوي ,, موضوع مررهـ حلو وجآ في وقته ,,
آتمنى من آلجميع آلتفآعل ,, وإن شآء آلله نستفيد من بعض ..
وبآلتوفيق للجمييييييييييع ..

[Dr-tota]

أحسن وقت للمذاكرة الصباح... مجرب ... وحلو كمان لو تقوم قبل الفجر بشوية وتصلي ركعتين وتفطر... وبعدين تصلي الفجر وتبدأتذاكر... وكمان ما تحس إنك متوتر وشايل هم الوقت ... وراح تحس إنك كملت جزئية كبيرة من المذاكرة... جربواااااااا وأحكموااااااااااا..إن شاءالله أكون أفدتكم.... وبالتوفيق للجميــــــــــــــــــــــــع ...

[الهواووي]

افضل مذاكررررررررررررره انك تكون ع الصامت

يعني ماترررررررررفع صووووووووتك كثير

وكذلك المشي عند المذاكره

تقبل المرور

ومشكور ع الطرح شيخي

[توتي الدلوعة]

لازم الواحد يعملوا جدول بسيط يحدد فيه المادة الي رح يبدأ فيها ويحدد كل باب كم رح ياخذ وقت في المذاكرة ؟؟
ولابد انه يذاكر الأبواب الي لها نفس الفكرة مع بعض عشان تكون افكاره مترابطة

هذا الي عندي والله يوفق الجميع ومشكور على طرح الموضوع الرائع وهذا يدل على انك مهتم باللآخرين مثل اهتمامك لنفسك.........

[د.الفريدو]

المشاركة الأصلية كتبت بواسطة توتي الدلوعة لازم الواحد يعملوا جدول بسيط يحدد فيه المادة الي رح يبدأ فيها ويحدد كل باب كم رح ياخذ وقت في المذاكرة ؟؟ ولابد انه يذاكر الأبواب الي لها نفس الفكرة مع بعض عشان تكون افكاره مترابطة هذا الي عندي والله يوفق الجميع ومشكور على طرح الموضوع الرائع وهذا يدل على انك مهتم باللآخرين مثل اهتمامك لنفسك.........

فعلا ً هذا هو الكلام الصح أهم شي تكون عملت لك جدول علشان تمشي عليه وتحدد الوقت اللي راح تأخذه في مذاكره الماده

[عبود الصغير]

شكرااااااااا على المرور وعلى النصايح
والله العظيم نورتونا بالافكار خصوصا فكرة المذاكرة في الصبح
انا عن نفسي احدد الوقت إلي اخلص فيه مثلا
التست بنك حق الاحياء مثلا البارت الاول 149 سؤال
يكون انا محدد الوقت مثلا باقي 14 ساعة وتجي الساعة 12 في الليل

اقوم احدد مثلا 3 ساعات اخلص البارت الاول وساعة اريح و3 ساعات اخلص البارت التاني وزي كدا وعلى حسب كل مادة وبالتوفيق للجميع إن شاء الله

إن شاء الله اني اكون افدتكم بشي

[نوره الغامدي]

وعليكم السلام ورحمة الله وبركاته اخي الكريم ,,,

بالنسبه لمذاكرتي تكون فـ الصباح الباكر ^_^ يعني اقوم ع الساعه 7 او 8 وابدا اذاكر لين الظهر مثلا ,,,,
واكون مخلصه جزئيه عليها القيمه .... احس انو احسن لانو يكون عندي وقت طويل وما احس اني قلقانه من حاجه او خايفه انو ما اخلص المنهج !!!!!

في بعض الناس ما يحبو القومه من الصبح ’’’ يعني يكونو مو رايقين ومافيهم حيل يذاكرو من الصباح ,,, واحيانا انا اكون زي كذا !!!!


فيه حاجه جدااااا مهمه وهوا اني اعمل جدول للمذاكره واقسم المواد والوقت وكمان عشان اتحمس اكثر اخلي صاحباتي يعملو زي جدولي ونذاكر سوا من بدري عشان اذا حاجه مش فاهمتها اروح اسأل الاستاذه او وحده من زميلاتي تفهمني !!!

واحيانا اذا كنت من النوع اللي ما تحب المذاكره من الكتاب او تحسو صعب او معقد تقدر تاخذ ملخصات او نماذج اسئله تساعدك في الفهم ,,,, في ناس ما تحب تذاكر منها عشان يمكن تتشوشر او تتلخبط عليها المعلومات يعني كل واحد ادرى بنفسو ,,,,

وقبل الاختبار لازم انام بدري واصحى تقريبا على الساعه 3 او 4 على حسب الماده وابدأ اراجع لانو احس المراجعه فـ الصباح مررررهـ مفيده وترتب افكارك ,,,,,

اهم شي قول الادعيه والاذكار وتوكل على ربنا

في حاجه ابدااااااا مش حلوهـ انو الواحد قبل الامتحان يكون متوتر وخايف وحاط فـ بالو انو حيكون الاختبار صعب وماراح يحل مزبوط !!!! يعني يعقد نفسو زياده !!!!

انا بصراحه كنت من النوع اللي زي كذا وفعلا كان الاختبار يجي صعب وما احل كويس لانو انا حطيت هذا الشي في بالي من اول والعقل يتبرمج على كذا !!! بس اذا كنت ريلاكس وحاط فـ بالك انو حتحل وحيكون الاختبار سهل صدقني ماراح تتوتر وحتفكر مزبووووط ,,,, واحيانا انا اضحك ع نفسي !!! يعني حتى لو كانت الماده صعبه او معقده اقول لا لا ان شاء الله سهله وحلوووهـ ,,, يمكن ما اجيب درجات عاليه بس ع الاقل ارتاح نفسيا ,,,,,,


هذي ابرز النصايح اللي عندي وان شاء الله اكون افدت غيري والله يوفقكم ^_^


(((( شكرا اخي الفاضل والله يعطيك العافيه ))))

[..ريما..]

انا اعاني من مشكله وياليت اللي عندوو الحل يقوولي

المشكله : مااعرف اعمل جدول واذاكر على اساسه

اصلا انام عى اساس اذا صحيت اذاكر ماده معينه ولما اصحى ابطل منها وامسك ماده تانيه

اختكم : ريما