طالب مستجد ضايع !

[AL-Wajeeh]

السلام عليكم ..

لوسمحتووو انا طالب مستجد سنة تحضيرية مسار علمي ..
كان في مشكلة وماكنت قادر ادخل عالاودس بيقولي انه انت مسجل عندنا طالب منسحب !!

المهم رحت الجامعة وزبطت الوضع الحمدلله وامس اخيرا نزل جدولي

بس المشكلة انه انا ما اختبرت تحديد المستوى الانجلش :s ..
وليا يومين حايس باسأل عن دا الاختبار ومني لاقي جواب مفيد

شوية يقولولي روح مبنى 29 واروح الاقيه مقفول !!
وشوية يقولو 30 واروح وبرضو مافيه احد

مني عارف هو الاختبار دا لسه لازال قائم وأقدر اختبر ولا خلاص راحت عليا ؟؟

واذا راح عليا فيعني هو عادي بس انهم حيحطوني في أقل مستوى ؟؟

علما بأنهم لمن نزلولي جدولي امس فيه مادة انجليزي نازلة ..
هل هو الانجليزي وحدة مادة بس ولا في كذا وحدة والمفروض ينزلوها بعد نتيجة الاختبار ؟؟

معليش اسألتي كتير بس انا ليا 3 ايام حايس في الجامعة دي ياريت تساعدوني :(


وشكرا مقدما

[miss-rahaf]

انا الى سمعته ان الى مايدخل اختبار تحديد المستوي ينحط في المستوي الاول

والانجلش نازل للجميع من زمان مع الجداول

وهيا نفس الماده بتتدرس لجميع المستويات
بس الى يفرق انت تكون مع اي مجموعه

وبالتووفيق ..^.^

[Majest!C]

إختبار اللغة الانجليزية على حسب علمي ما ينعاد وترجع على المستوى الاول ، مع أني شفت ورقة اليوم معلقة على باب مبنى 73 بالنسبة لإعادة الاختبار وما أتذكر تفاصيلها ، أتوقع خاصّة بالسنة الماضية ،،

عُموما حاول تتواصل من عمادة شؤون الطلاب بهذا الخصوص ،،

وحاول تتأكد أولّ بأولّ من جدولك ، لأن حاصل لخبطة وتجديد في الجدُول ، وموقع الادوسّ مغلق من 2:30 وهم كاتبين راح يفتح 4:30 ^_^ مواعيد عرقوب خخ

بالتوفيق

[روزاليندا&MJ]

شوف الإختبار بس يوم واحد وراح هوا محا يصيرلك شي بس تنحط مستوى أول والمادة اللي نزلت تمام بس يتغير الكلاس تبعا لمستواك وهوا مادة وحده بس يوميا تاخدها إن شاء الله تكون فهمت عليا والله يوفقك

[أنثى نرجسية]

::

\/


متوقّع آنْ يضَعوكْ فِيْ المُسْتوَى الأوّل .. آذَآ لمْ تتمْ الإعآدَة

لَكِنْ بإذنِ الله ليستْ هنآك مشكِلَة في ذَلِك


وبِـ التوفيق ~

[AL-Wajeeh]

طيب شكرا الله يطمنكم

والأخ Majestic
للأسف ما انا الـ 3 ايام الي فاتت كلها قضيتها في العمادة
ومهم داريين في حتى الاختبار :\ !!

بس خلاص انا كدا تقريبا اتطمنت لأنه كلامكم طابق كلام ناس كتير قالولي نفس الشي ..


شكرا لاهتمامكم جميييعا :) ..