تجمعنا لعيون الـ ح ــاسب :)

[MaaRaaM]

ياللا يا حلوين .. كل يتجه نحو كتابه ويذاكر ..

لأن الحاسب مرة طويــــل .. ولا تتعبوا مخكم في دي الجامعة كل شي يجي بالحظ!

منهجنا هو الكتاب الكحلي الانجليزي حتجي منه الاسئلة بس فيها كلمات عربية (يعني مكس عربي على انجليزي ..مسووين فيها مرة ساعدونا !! طيب ما يخلوا الاختبار زي المنهج يا كلو انجليزي يا عربي ! )

المهم اللي حيذاكر انجليزي حيفهم العربي طبعاً .. وانا بنفسي رحت وسألت وقالت لي إدارية في قسم الحاسب ذاكري الكحلي واضمني الـ a+


بالتوفيق للجميـــع ~~

:)

أشوفكم على خيــــر

اللهم لا سهل إلا ما جعلته سهلا وأنت تجعل الحزن إذا شئت سهلا

[● ά7Ļά şùģάя ●]

نفسك "خوخآ" و "مورآ"
القراءة ثم القراءة ثم القراءة


راح أتصفح كتاب "الحاسوب والبرمجيات الجاهزة"
وبعدها نراجع ع السريع كتاب "بنك المعلومات لمادة cs100"

[طقوس ..~]

مرام كلامك خوفني

[MaaRaaM]

ملاحظة الاختبار من صـ 3 إلى صـ 206
في الكتاب الكحلي طبعاً


يعني الثلاثة فصول الأولى ..

:)

[Mora]

المشاركة الأصلية كتبت بواسطة maaraam ياللا يا حلوين .. كل يتجه نحو كتابه ويذاكر .. لأن الحاسب مرة طويــــل .. ولا تتعبوا مخكم في دي الجامعة كل شي يجي بالحظ! منهجنا هو الكتاب الكحلي الانجليزي حتجي منه الاسئلة بس فيها كلمات عربية (يعني مكس عربي على انجليزي ..مسووين فيها مرة ساعدونا !! طيب ما يخلوا الاختبار زي المنهج يا كلو انجليزي يا عربي ! ) المهم اللي حيذاكر انجليزي حيفهم العربي طبعاً .. وانا بنفسي رحت وسألت وقالت لي إدارية في قسم الحاسب ذاكري الكحلي واضمني الـ a+ بالتوفيق للجميـــع ~~ :) أشوفكم على خيــــر اللهم لا سهل إلا ما جعلته سهلا وأنت تجعل الحزن إذا شئت سهلا

قوليلي يا مرااااااااااام

ايش ازاكر

اعطيني ارقام صفحات من فضلك

بس تاني فصلين

[ahmed_al0lyan]

انا معايا الكتاب الاحمر والابيض حق السمستر الاول اسمه الحاسوب والبرمجيات الجاهزه


يا برميله معانا من البدايه لين صفحة 299 << يكتب ويده ترتجف من الرقم الصعب هههههههههههههه

بس اللي يهون شويه انو النضري لين صفحة 98 والباقي عملي

[MaaRaaM]

المشاركة الأصلية كتبت بواسطة ii 5o5a ii مرام كلامك خوفني

خوخا لا تخافي .. الكتاب الانجليزي أسهل من غيره بكثيــــــر مرررة مختصر وأصغر من العربي..

وفيه إضافات كمان .. يعني المعلومات حتجي منه..

أنا ذاكرت الفصل الأول اللي هو أصعب فصل في كم ساعة وحسيته إلى حد ما مرتب وماشي.. ووحدة من صحباتي فحطت في الكتب العربي تقول هرجه مرة كثير !

يعني يا بنات والله نصيحة مني ذاكروا الكحلي .. هو اللي مقرر علينا .. وترى أسهل من غيره بكثيــــــــــــــــــــــــــــــــــــر..


ياللا يا بنات والله الوقت يعدي بسرعة ..

أبدأوا باالفصل الأول أهم شي وأدسم شي .. والفصلين الثانية أهم حاجة تتبعي مع الجهاز عشان تفتكري التعاريف والأماكن ..

وكمان الاختصارات مرررررة مهمة .. إن شا الله بنزلها دحين في موضوع جديد

وخلاص بلاش نضيع وقت .. لازم كل واحد يقوم يجهز نفسو للاختبار ..

>>> مو كانها تهزئ!!؟

برب يا طلاب وطالبات جامعة عبد العزيز

[hana Ah]

المشاركة الأصلية كتبت بواسطة ahmed_al0lyan انا معايا الكتاب الاحمر والابيض حق السمستر الاول اسمه الحاسوب والبرمجيات الجاهزه لين صفحة يا برميله معانا من البدايه لين صفحة 299 << يكتب ويده ترتجف من الرقم الصعب هههههههههههههه بس اللي يهون شويه انو النضري لين صفحة 98 والباقي عملي

تحين يا عم انا معايا الكتاب الي انت بتقول عليه و معايا الكحلي و الكلام مررررررررة ما يتشابة....و ابغى افهم النظري من صفحة 1 لمن صفحة 98 بس و الباقي عملي لانو العملي حقي بعد بكرا!!!!

[Mora]

>>>>>> هادي اخرتها


حنسك الكتاب

و نقوم نرقص

قلك 299 >>>> كان كملت جميلك و قولت 300 و لا يعني مسوي فيها تخفيض

[Swεεŧ AŋGзL]

الله يوفقـــــــــــــــــكمــ ...

مافي زي انا شطوورة .. تدرون حتى كتاب ماعندي << آش مدخلك طيب... برآآآآآآ

لاني غاسلة ايدي من الحاسب بالكلوركس كمان !!

لكني أنصحكم وبشدة << آوخص يالقوية

أنصحكم بالقرآءة ... لانها مهمهـ ..

وبس