اختبار الرياضيات - انطباعك ؟

[Noce]

المشاركة الأصلية كتبت بواسطة mosab11 يآآعيآل البرووف يبينآ نحضر عنده ،، ومآنروح للخصوصين لآنهم مخلين الموضوع تجآررة فينآ ،، وهو يشووف انهم قآعدين يلعبوون علينآ ،، وهو الله يهديه يحب (الجذور) و (الأعداد أس عدد سالب )

كل طالب يحق له يذاكر من المصدر اللي يرتاح له اكثر سواء مدرس خصوصي او دكتور في الجامعه ومايحق لأي شخص يتدخل في الشيء هذا
واحنا مو اغبياء ندفع 1200 ونروح للخصوصي بعد دوام الجامعة المرهق لو دكاترة الجامعة كويسين

[M.T.S2]

يا جماعة ليه تخسروا نفسكم على الخصوصي أبغا أفهم !؟
دكتورنا كان بالقوة يحضر أصلًا وشرحه بعيد عن المنهج تركته ورحت عند دكتور أبو جبل بعد الدوري الأول
شرحه 100٪
وأقول لكم الاختبار هذا كان سهل جدًا
يعني اللي "يحط الاختبار" يقول لكم ذاكروا الورك شوب حقي وصور انستقرام تروحوا للسعدي وجماعته !؟
والله عندي مذكرة السعدي حقة الدوري الثاني معقدة وصعبة وبعيدة عن الاختبار
باختصار تبغا تروح لخصوصي براحتك .. لكن لا تهمل كلام الشخص "اللي رح يحط الاختبار " !!
بالتوفيق ولسا باقي لكم النهائي

[Noce]

المشاركة الأصلية كتبت بواسطة m.t.s2 يا جماعة ليه تخسروا نفسكم على الخصوصي أبغا أفهم !؟ دكتورنا كان بالقوة يحضر أصلًا وشرحه بعيد عن المنهج تركته ورحت عند دكتور أبو جبل بعد الدوري الأول شرحه 100٪ وأقول لكم الاختبار هذا كان سهل جدًا يعني اللي "يحط الاختبار" يقول لكم ذاكروا الورك شوب حقي وصور انستقرام تروحوا للسعدي وجماعته !؟ والله عندي مذكرة السعدي حقة الدوري الثاني معقدة وصعبة وبعيدة عن الاختبار باختصار تبغا تروح لخصوصي براحتك .. لكن لا تهمل كلام الشخص "اللي رح يحط الاختبار " !! بالتوفيق ولسا باقي لكم النهائي

يعني تبغى كل الطلاب يحضروا عند ابو جبل ؟ اذا كذا تصير محاضراته اونلاين ونحضر له كلنا عشان مايزعل
ياحبيبي مو كل الطلاب تناسبهم اوقات محاضرات ابو جبل هو ماعنده الا محاضرتين في الاسبوع و وقتها سيء جدا بالنسبة لي

[M.T.S2]

المشاركة الأصلية كتبت بواسطة noce يعني تبغى كل الطلاب يحضروا عند ابو جبل ؟ اذا كذا تصير محاضراته اونلاين ونحضر له كلنا عشان مايزعل ياحبيبي مو كل الطلاب تناسبهم اوقات محاضرات ابو جبل هو ماعنده الا محاضرتين في الاسبوع و وقتها سيء جدا بالنسبة لي

بسألك ذاكرت مراجعة انستقرام وحليت الورك شوب كله ؟

[sultan95khalid]

يعني 20 سؤال صعب دي قوية والله .. الاختبار كان سهل/متوسط .. وتقريبا كله من الورك شوب .. واصلا فيها بونس
اما الاخ الي يقول اسئلة تعجيزية .. انا ما ادري حضرتك تدرس معانا وتختبر معانا نفس الاختبار ولا كيف -_-

[abdulrahman629]

يا جماعة والله الاختبار كان سهل جداً
كان نسخ لصق من الوورك شوب ومسائل الانستغرام

يعني لو إنك تحضر لأبو جبل ومراجعته وتحل مسائله حتشوف الاختبار جداً سهل.

واللي يقول أبو جبل مواعيد اختباراته سيئة

محاضرات أبو جبل:
أحد/ثلاثاء/خميس: 8 مساءً
إثنين/أربعاء: 1 ظهراً و 7 ونصف مساءً

يعني ما لك أي عذر

ومع احترامي لكل إللي يروحو للخصوصي ويشوفوا الاختبار صعب.
لكن، "خلي الخصوصي ينفعك ذحين".

[mo7essi10]

انا لا اروح عند اي خصوصي ،، وما احضر عند ابو جبل ___ حليت كل الوورك شوب + فيديوهات زويل والحمدلله افادتني100% و جبت درجة مرضية ولله الحمد مع ان الاختبار كان صعب

[ياربي توفيقك]

افهم من كلامكم باختصار " للمطبلين " ادا تبي الدرجة احضر عند البروف ،، مع اني مقدر عشان الوقت بس المفروض ان لو كان الاختبار تمام يصير يستوي فيه اللي عند البروف والا اللي عند غيره ،،، شخصيا حليت الوورك شوب من اسبوع والانستغرام كنت احلها اول بأول بس في مسائل ماقد شفتها يوم جت في الاختبار .،،، الحمدلله على كل حال .

[M.T.S2]

المشاركة الأصلية كتبت بواسطة ياربي توفيقك افهم من كلامكم باختصار " للمطبلين " ادا تبي الدرجة احضر عند البروف ،، مع اني مقدر عشان الوقت بس المفروض ان لو كان الاختبار تمام يصير يستوي فيه اللي عند البروف والا اللي عند غيره ،،، شخصيا حليت الوورك شوب من اسبوع والانستغرام كنت احلها اول بأول بس في مسائل ماقد شفتها يوم جت في الاختبار .،،، الحمدلله على كل حال .

ممكن أعرف المسائل اللي ما في منها في الورك شوب ولا الانستقرام ؟

العمليّة الصحيحة في إصدار الآراء يجب أن تأخذ الصورة كاملة، وليس جانب صغير منها .. مستحيل إنك تطلب من جميع طلاب السنة التحضيريّة الحضور لدى البروفيسور بحكم أنّه هو من يضع الأسئلة، وإن كان كذلك ؛ فهذا إقرار تام بفشل الدكاترة الآخرين ممّا يعني حتميّة الإستعانة بالخصوصي .. المشكلة ؛ البعض يعتقد بـ أنّ الجميع لديه نفس ظروفه، ولا ينظر للجانب الآخر ؛ طلاب كثيرين عندهم محاضرات في موعد محاضرات البروف - وفي نفس الوقت لا يستطيع الحضور له ليلاً ؛ لذلك أين المفر من الخصوصي؟ ياخوان الله ما شفناه لكن بالعقل عرفناه، احكموا بمنطق وعقلانيّة بعيدًا عن العاطفة، ماهو أنا أخذت درجة كويسة خلاص الإختبار سهل !!

اذا مدرسي الخصوصي ما شرح لي مسائل منسق المادة اللي جاي منها الاختبار قلي بالله ايش ابغى فيه !؟ وين العقلانية والمنطقية !؟؟؟
وكلامك الباقي كله معروف .

[السفاح جاك]

المشاركة الأصلية كتبت بواسطة m.t.s2 ممكن أعرف المسائل اللي ما في منها في الورك شوب ولا الانستقرام ؟ اذا مدرسي الخصوصي ما شرح لي مسائل منسق المادة اللي جاي منها الاختبار قلي بالله ايش ابغى فيه !؟ وين العقلانية والمنطقية !؟؟؟ وكلامك الباقي كله معروف .

والله مسجل في المنتدى عشان أرد عليك

أول شي مستحيل كلنا ندرس عند دكتور واحد يعني لازم نروح لدكاترة الجامعة المتبقين

سمي لي ثلاثة دكاترة يشرحوا الرياضيات بطريقة مبسطة أو حتى مقاربة لحل مسائل الإختبار

بدون ما تدور وتتعب نفسك مافي لأني مدور قبلك

أوك أنا وين أروح دحين أبو جبل أكوام وأكوام من الناس تحضر له واجي قبلها بنص ساعة عشان امسك مكان

غير إن عندي محاضرة فيزياء في نفس وقت محاضرته ولا أقدر أعدل على جدولي نقول صرت أحضر له في الليل أنا اخرج من الجامعة 4 العصر نقول مشوار البيت خمسة واربعين دقيقة

4:45 أنا في البيت والمحاضرة تبدأ 7:00 يعني إلي حقعده في البيت 1:30 عشان الحق احضر لدكتورك العظيم حمزة ابو جبل طيب أنا خسرت وقت وبانزين السيارة وخسرت يومي كامل عشان أحضر لأبو جبل

قال الله تعالى:"لا يكلف الله نفساً إلا وسعها"

ليش ما أحضر عند خصوصي واشتري دماغي؟!!!!

وإذا أبو جبل عنده مشكلة عند لحضورنا عند الخصوصي يخاطب عميد الجامعة بمستوى الدكاترة الفوق ممتاز عشان بس يغيروهم لو تكرموا

أما يقعد يشتم في الناس والخلق "مدرسين شوارع" هذا مستحيل يكون حل

لعلمكم فقط "مدرس الشوارع" أيمن بركات رجل علمني لأصل لـ الدرجة الكاملة في الإختبارين بدون ما احل ورقة من اوراق أبو جبل والحمد لله