تنميه موارد بشريه الحمدلله سهله

[اموكسيل]

من جد تتكلم والله رحت فيها بسبب المراقب و الدكتور انا كملت على الارقام الصفحه الاولى بعدين الثانيه اولها عشره واول فقره بالصح والغلط 11 الله يستر

[عـــدي]

الاسئلة فيها من الف والدوران الشي الكثير الله يستر بس ونعديها على خير
أنا نموذج (أ)
اتوقع ان اكثرهاااااا صح
والله اعلم

[wooOOoow]

اي سهله واي خرابيط الله يرضى لي عليك بس !!
تسمع بالسهوله ..

الماده اصلا بدون حواق الدكتور بالاسئله .. تجيب الهم والغم
عاد وشلون والدكتور مسوي كونان في طريقة وضع بالاسئله وتغيير معاني الكلام لمعاني تساويه
يعني الي مثل حافظ نصا بالكلمه .. عز الله انه اكل هوا مظبوط ..

قسم بالله اني اجاوب كيفما اتفق .. الاسئله تعجيزيه
دكاترة المواد بالانتساب الظاهر عاجبهم وضع لخبط بتوزيع الجمله في الفقره وغير حرفين تصير بطل ..
والي يظبطها منهم العميد بيعطيه جائزه !.



اللخبطه الي صارت بنموذج ( ب )
جت من صالحنا واذكرو كلامي
لان الدكتور دخل القاعه ووضح اللبس .. لان المراقبين قامو يفتون من روسهم ولما تناقشهم عند نفسهم هم الفاهمين وحلو انتم وماعليكم
وليوم تكلم الدكتور ووضح التوزيع , بغو ياكلونه الطلاب باصواتهم وقام يعتذر ويقول هذا غلطي واسف
يعني وده يقول بطريقه او اخرى انتو حلو .. وانا بمشيكم بكم درجه ..
( طبعا هذا لانه توهق توهيقه يحبها قلبكم مع هالخربطه .. فوق خربطة اسئلته الي ما ادري جايبها من اي كوكب )


لذلك ..
هذي اول ماده عندي من يوم درست بالجامعه ( انا بالمستوى الخامس الان )
وانا طالع من اختبارها .. اقول .. والله ان عديت فهو انجاز مثل انجاز التخرج ان الله احيانا !!


بالتوفيق للجميع
بس لانلعب على بعض ونقول سهله .. لان هـ الكلمه بالنسبه لاختبار اليوم .. كلمه تنرفز بصراحه !.

[gahtaa0h]

السلام عليكم جميعاً
ياشباب أنا جاني نمــــــوذج (( ب )) وكانت البداية(الصفحة الاولى الرئيسية اللي تتضمن اسم المادة وشعار الجامعة)) اسئلة خيار متعدد من سؤال رقم 1-10 وكانت الصفحة الثانية مكتوب عليه ثانياً صح وخطأ وقال لنا المراقب في قاعة 208 رقمو الاسئلة بالتسلسل الورقة الاولى من1-10 وبعدين واصلو الاخيتارات 11-12 -13 وهكذا الى 50 مدري هل جاب فينا مديرالقاعة العيد فينا ؟

كانت الخيارات فيها 3ج صح وكانت الصـــح والخطأ غالبيتها حسب حلي صح(يمكن سبع او ثمان خطأ) لكن التريك واجد ...


ياشباب اللي عنده معلومة عن طريق ترقيم الاسئلة اللي شرحتها هل هي صح والا لا ؟

,اسأل الله العلي العظيم أن لايضيع تعب اي واحد فيكم ونعدي ونفتك من هالمادة الغثيثة

تحياتي للجميع

[mfmf1415]

اخواني نموذج ب اغلبه صح ولا ايش

[اموكسيل]

شباب في احد متأكد عن ترتيب الاسئله نموذج ب والله المخ ضري من الاسئله بس ياليت واحد متأكد في ترتيب الارقام بعد التعديل

[التريكي2011]

الله يستر بس ماينعرف لهم

[ع ـبدالعزيز]

أنا اتصلت على دكتور الماده ياسين عمر
وقال تعال كلية الاقتصاد والاداره عند الدكتور السواط
بخصوص اللي قال لهم المراقب يكملون الترقيم بعد الفقره 10 إلى 50
قال انهم استثنوا اوراق قاعتنا كامله وراح يمشون ع الكلام اللي وصل لنا
من المراقب ..

[bo0odi]

شباب انا نموذجي أ وحطيت من 1 الى 40 صح وخطاء وكملت الاختيارت من 41 الى 50
وش الوضع الحين بالله دلوني

[عضو منتسب]

المادة تروا ماهي سهله

واللف والدوران تقول إنك في ساحة تفحيط

أنا مذاكر وحال أسئلة إختبارات أسئلة السنة اللي راحت نموذج د أسهل من أسئلة اليوم

يارب يارب يارب نعديها بس

كنت حاط طموح هالترم المواد كلها فوق 80 نبي نرفع المعدل ونطيح بترم سئ ودكاترة ماهمهم أحد

ويتوالي مسلسل الأسئلة التعجيزية بعد المحاسبة 101

يارب رحمتك