هام لطالبات الانتساب الي متى الاستهتار بعقولنا وأذيه الامن والسلامه (يوجد صوره)

[Th4m3r]

حبايبي تجمعو! كلكم و أجلسو! بالمكان اللي تبون و خليهم يسوو اللي يسوونه :)

[MS.NANY]

روحي اشتكي عليهم ماينفع احد يسكت لهذي الاشكال ليه يفكرون الجامعة جامعة ابوهم ويطردون على كيفهم الجامعة للكل
من جد استهتار الله لايسامحهم

[Miss.law]

ول ول ول !!

يطردوكم برا !!



ـههههههههههههههههـ و ربي مريضين يبغوا يثبتوا نفسهم ..

اتحسّبي عليهم ..

..

>> ذكّرتيني بموقف ..

جيت أبغا أصلّي في استراحة صغيرة .. تيجي حقت الأمن تقلّي روحي صلّي برا .. هنا مكان الأستاذات بس


.


الله يعينكم

[خواطر انسانه]

والله من جد انهم يرفعو الضغط الاسبوع اللي فات كنت خارجه مع البوابه الشماليه فا اسمعها تقول للبنات استعجلو مراسيلكم

يالله احنا نبغى نروح ولا احد رد عليها قامت طفت النور فالبنات قالو ليه قالت عشان تستعجلوهم يجو ياخذوكم

هذا اول موقف ..

ثاني موقف جالسه في شارع مكتبه الخوارزمي فاجاتني حقت الامن تقلي ممنوع قلت فين اروح قالت برا قلت ماجاء مرسولي وغير كذا دوبني جالسه جايه من مبني 8 قالت بكمل لفه ولما اجي لا احصلك فجات وانا جالسه تخيلو تقلي اطلع لا ننساك في الجامعه فرديت عليها قلت لو نسيتيني انتي انا ماراح انسى نفسي من زينها يعني الجامعه الوحده تحب تطول فيها ..

الموقف الثالث اللي قالت انو المويه 3 ريال ماكذبت تخيلو كفتيريا 12 تبيع السيزر 5 ريال وهو ع القاروه 3 ريال مكتوب سعره محدد فقلت لها 3 ريال مكتوب قالت احنا غير ليه انتي غير انا ما ادف الفلوس برجولي من كثرها

فعلا لازم اعاده النظر في احوال الجامعه 3 الاف وكمان المشروبات الطاق طاقين والكتب اخس منها تكلفتها تكفى وتوفى

مايحتاج يزودو هما كمان

اضم صوتي لصوتك معا يدا واحده ضد اضطهاد الجامعه لنا

[manooo2]

والله معاك حق عن جد مذله ،، بس فيه بنات كثير مايسمعو كلامهم وأولهم انا واللي معايه كل ماجلسنا بمكان جو وطردونا ونروح لمكان ثاني وعلى هالحكايه لحدت يطفشو مننا ويروحو ويتركونا ،، بس فيهم منهم مره قليلات ادب تفكر هي لوحده الله خلق لها لسان والله فيه بنات يلعنو ابو خييرهم ولا فكرو في احد ،، ودنا يابنات نتعاون ونتمرد عليهم وشرايكم نكون يد وحده ونكون عصابه للقضاء على مسؤللات الأمن والسلامه ياحنا بالجامعه ياهم >>> حشا لله مو رايحين للدراسه ماصرنا بنات إلا عصابات مافيا ههههههههههههههههههههههههههههههههههههه

[توت البنات]

اوهوااااااااااااااااااااااااا
والله لوتاخذ البطاقه مادري اش راح يصير
وحكايه الخروج برا الشرهه على الي خرجوا كنهم غنم والراعي الشاراشيح
اما جرس الانذار فهاذا لوحده مشكله ايش التخلف هذا والله لالطش هلي شغلته لما تقول راح استقيل
بتقول يتجمعوا الامن عليكي ويتبلوا خليهم اهم شي بردت حرتي فيها هالحثاله

[همس المشاعر]

حرام عليهم والله

[قمة من الوفاء]

صادقة يأختي كل الصدق والحق معاكي 100% أنا بنفسي معصبة وكل القروب ليش يطردونا كإننا غنم .. سلامتنا لكن شيء يعصب حتى في المباني البارده مايخلونا نجلس وبالتحديد التاسع الجو حار بره ويطردونا ليششششششششش والمشكلة بفلوسسسسسسس والله حرام....
وحتى وقت الإمتحانات نفس القصة الواحد يروح بدري عشان يقدر يذاكر وياخذ معلومات من زملاته وهم ورانا طردة في طردة .... والله زفت
إذا هم مايبون يداومو في المساء براحتهم علماً إنهم يخذون عليها أوفر تايم..

[احساس ورده]

حسبي الله ونعــــم الـــوكيــــــل فيهـــم أنتم أمـــــــــانه في رقبتهــــــــم..

الله يعينـنا عليهم وعلى قلة أدب بعضهم ســوء الشؤون أو الأمـــن..وماأظلم أحــد في كلمتي هـــذه..

كنــــا في العلـــوم مــرتــاحين منهــم السيمستر هـــذا شيء فضيـــــــع ..أذووونا كثيــــر..

إذا تكلمنـــا سكوتنا وقالوا في كلاســـات معاهم حق بس تجي حقت الأمن

وتحط كرسيهــا بين الكلاســـات وتشغل أغــاني جوالهـــا ...؟؟!!!

وأكبر قهـــر لمـــا تسحب جــوال الكاميرا من البنـــات وهي جوالها كاميرا سواء الأمن أو الشؤووون..

واللي يشوف يقول أحنا نيتنا سيئه وهمــا لا

على فكــــرة أنا أنتظـــام لكــن رحمة ربي أنه آخــــر تـــرم لي..

أيوووه كمـــــان تخيلوا أنه شحـــن اللاب تــــــوب في مبنى العلوم إلي لي 4 سنين أشحـــن أنا وصحباتي

وماأحد قد كلمنا ..جاينا الأسبوع اللي فـــات وتقولي أفصلي الشاحن ممنوع وبأسلـــوب قليل أدب جدااااااااااااا جداااااااااااااااااا

بس جاتنا بعدها حقت الشؤون وكانت للمره الثالثه تجينا تسأل عن تصريح اللاب توب كأنهم ماشافوه وأنا داخــله

وسألتها ليش قالت لي حقت الأمن أفصلي الشاحن وأنه ممنوع الشحن ..

تقووول على شـــان أمنك وسلامتـــك ممنوع..

مـــــــاشافوا الأســـلاك والكهــرباء اللي في لابات العلوم نجلس ساعتين في وسط غـــابة أسلاك ومولدات كهرباء الصغيرة..

<< أنتي تشتكي من تعـــاملهم للأنتســــاب وأنا دخلت عـــرض ..من حــــرتي منهم مو لحـــالكم عــــايشين الوضع

[دلوعة الجامعه]

اي والله يااختي معك حق

خاصة موظفات الامن المستجدات

اخلاااااااااااااااقهم شينه بالحيل