المقبولين في الدبلوم العالي ....الاضطرابات السلوكية والتوحد....

[NisReEn]

المشاركة الأصلية كتبت بواسطة مُدانه ايش الكلام هذا ...........؟؟؟؟؟ يعني ايه ندفع وندرس وااااخرتها الشهادة ماتنفع !!!!!! هذي مهزله ومضيعه للوقت اذا كاااان سنه ونصف لاتعني لهم فهي تعني لنا الكثير ....مو كافي التخصصات اللي مالها مستقبل اللي ضاعت سنيننا فيها بلا فائدة ...وآخرتها يسكتونا بصفحة عالنت وبرنامج !!!حافز!!اي حافز واللي يرحم ولاديكم .....وياليتنا شفنا شي من هالجدارة ... ولما نقول نبي نكمل تقف في وجهنا مزاجية الاستاذات ودرجاتنا وتعبنا اللي ذهب ادراااااج الرياح والمبرر ...؟؟؟؟؟؟ دائماَ..الحق مو مع الطالب ....حتى البرامج اللي ندفع فيها دم قلبنا وتعب اهالينا ...بعد فيها ينفع وماينفع .... أنا ابغي اعرف اذا كل هذا يحصل كيف بنكون أمة ترتقي بعلم شبابها ؟؟؟؟؟؟؟؟؟؟؟؟؟؟؟ حسبي الله ونعم الوكيل

السلام عليكم ورحمة الله
أنا معاكم من المقبولات في الفترة الثانية اضطرابات سلوكية

حبيت أقول لكم شغلة بخصوص الساعات المحتسبة ، وهل يعترف بها أو لا

أنا لما كنت مستوى ثاني في الجامعة تخصص فيزياء ، معهد العالمية سوى لنا أسعار مخفضة لدبلومات الحاسب الآللي لمدة سنتين داخل الجامعة
سألت أهلي هل آخذها ؟
قالوا لي ليش لا ؟ خذيها زيادة الخير خيرين
طبعا أخذت دبلوم الحاسب وبعدها بسنة اتخرجت بكالوريوس رياضيات شعبة فيزياء
لما جا وقت التقديم ما طلبوا معلمات فيزياء
طلبوا معلمات حاسب أو ( معلمات من أي تخصص + دبلوم حاسب سنتين )
طبعا اتعينت بشهادة الدبلوم بنفس التقدير اللي فيها واللي هو ممتاز

زبدة الكلام

لا تستهينوا بأي علم ، أو أي شهادة تحصلوا عليها
الرزق بيد الله
وطلب العلم ما فيه أي عيب
طالما جاتنا الفرصة للدراسة ، ما نقول لها لا ونقول قالوا وقالوا
ممكن يفتحوا ماجستير وتتعادل الساعات !
ممكن تفتح مراكز خاصة يبغوا فيها ذا التخصص ويدورا عليكم مو انتم اللي تدوروا عليهم
نصيحة لا ترفضوا الدراسة بغض النظر عن الأسباب
خاصة هذا القسم مرررره الطلب عليه زايد ( من واقع تجربة أتكلم )

إن شاء الله اقتنعتوا
ونتقابل على مقاعد الدراسة

تحياتي

[meme011]

هيا المهزله وقفت على كدا وبس استغفر الله العلي العظيم

ربي يعوضنا خير

[NisReEn]

أهلا يا قمر
الدراسة مسائية ولا صباحية؟
إذا صباحية ، الوظفات ايش سووا ؟
تحياتي وشكرا مقدما

[كسولة وطالعة الاولى]

المشاركة الأصلية كتبت بواسطة nisreen أهلا يا قمر الدراسة مسائية ولا صباحية؟ إذا صباحية ، الوظفات ايش سووا ؟ تحياتي وشكرا مقدما

الدراسة صباحية
والموظفات حاولو يستاذنو وقت المحاضرات من وظائفهم او تكلمي الدكتورة اذا كانت المادة عامة والدكتورة تعطي اكثر من مسار تحاولي تشوفي اللي يناسبك وان شاء الله يراعوكي وصراحة بعضهم اتبهدلو مع حكاية الوظيفة لان الدكاترة بعضهم يعذروهم وبعضهم لا.

[همة]

أنا معاكم توحد

وبالنسبة لتخصصات المناسبة اللي فهمتوا انه الاولويه لهم
لكن صراحة انا متوكلة على الله والله يعين وبصراحة هدفي من الدراسة مو الوظيفة والله

هدفي ان عندي حالات توحد ومافي مراكز رضيت تستقبلهم قلت مافي حل الا انا ادرس ولغل الله ينفعني بهذه الدراسة وانفعهم


وان شاء الله نكون فريق واحد ونعمل سويا ونجتهد سوي ونخلص نياتنا لله سبحانه وتعالى ونحتسب الأجر في دراسة التخصص

والله يوفقكم جميعا

[NisReEn]

المشاركة الأصلية كتبت بواسطة همة أنا معاكم توحد وبالنسبة لتخصصات المناسبة اللي فهمتوا انه الاولويه لهم لكن صراحة انا متوكلة على الله والله يعين وبصراحة هدفي من الدراسة مو الوظيفة والله هدفي ان عندي حالات توحد ومافي مراكز رضيت تستقبلهم قلت مافي حل الا انا ادرس ولغل الله ينفعني بهذه الدراسة وانفعهم وان شاء الله نكون فريق واحد ونعمل سويا ونجتهد سوي ونخلص نياتنا لله سبحانه وتعالى ونحتسب الأجر في دراسة التخصص والله يوفقكم جميعا

الله يوفقنا جميعا يا رب
ليه ما في مراكز ؟
انتي قصدك مراكز حكومية ؟
أنا زيك عندي حالة بس مو توحد
اضطراب سلوك
ودخلت القسم أبغى أعرف واتعمق أكثر

[همة]

حكومي وخاص

تشرطات وانظمة متخلفة

[NisReEn]

أتوقع في مكة المراكز الخاصة لهم أنظمه
بس في جدة ادفعي فلوس ، وشوفي الاهتمام والرعاية
والله مراكز ممتاااازة جدا هنا
مرة كويسين لحالات التوحد والاضطراب السلوكي
لو بغيتي أعطيكي أرقامهم تتواصلي معاهم
أنا حاضرة

[أحاسيس الفجر]

الله يعين يارب ويكتب لنا الخير

انا معكم بتخصص وبصراحه جاني احباط من موضوع الساعات
وموضوع المنحه اللي شكلها ماراح تجي>>الله يعين

بتوفيق ياحلوين

[همة]

حلو العدد لحد الآن في التوحد وصلوا 8 هنا

مدانة - مياس - ميمي - هدوء المشاعر - نسرين - أحاسيس الفجر - الفجر المنتظر - همة

يا بنات اللي من مكة وتبغى سواق ترفع يدها لأننا أنا و مياس اتفقنا تقريبا بس نحتاج كمان احد معانا
لو يوصل العدد لـ 4 بنات

وين بنات مكة ؟؟