بنات ماجستير المعلومات (الجداول)

[النورس الابيض]

الله يجزاك خير اختي ويوفقك يارب

يعني نأخذ كم مادة؟ وكم منها اجبارية؟ وكم منها اختيارية؟
هل فيه مواد معينة ماينفع نجمعها سوا؟

أنا كنت اتصل بإستمرار على تلفونات القسم (رئيسة القسم - منسقة الدراسات العليا) من يوم الاثنين إلى الأربعاء ولكن بلا جدوى سوى مرة واحدة ردت علي فيها السكرتيرة، وأرسلت ايميل ولا لقيت رد... كنت أبي المواعيد عشان اضيف المواد ونتفق مع شركة نقل الطالبات.

[راكان1400]

ان شاءالله اسالهم

الاسبوع اللي فات سالت دكتورة نوال مااعطتني عقاد نافع قالت ممكن تاخدي اجباري واختياري سوا

عشان كدا الى الان ماسويت الجدول

وان شاءالله تتيسر معايا اليوم ..

[النورس الابيض]

يارب ييسر لك كل أمورك
اسألي أ. عزة لأنها المسؤولة...
وكمان اسألي مين مرشدتك عشان تساعدك في الجدول..

أتمنى ينزلون أماكن المحاضرات ومواعيدها اليوم، يعني طالما إنها عند أ. عزة ليه مايحطوها في الأودس؟!!!

[مونيا21]

ليوم انا رحت وما زالو مو متاكدين من المواعيد تبع الجداول وانها اصلا تنسيقها من قسم البنين ماله دخل بشطر الطالبات وقالت لي مافي دراسه في الاسبوع الاول وقالت لمن يتزبط الجدول حيبان عندنا في النظام وبس

واغلب اللي يدرسو رجال لانها ورتني جدول مبدئي مطبوع بس مو مؤكد

وماعرفنا المرشده عشان الاساتذات مشغولات بس

[النورس الابيض]

الله يعطيك العافية اختي مونيا
يعني إلى الآن الصورة مو واضحة أمامنا !!!
ومواعيد المحاضرات ماقالت لك متى راح ينزلوها ؟؟؟ خلاص بعد بكرة بينتهي الحذف والإضافة يعني مافيه وقت..

طيب شو رأيكم يابنات نتقابل يوم الإثنين في الجامعة كلناااااا ونطلع سوا عشان يصلحون لنا الجداول طالما مافيه مواعيد طالما رحتوا واحدة واحدة وما خلصت جداولكم
أنا عن نفسي إن شاء الله بجلس من الصبح بدري إلى 1 تقريباً

هااااا من معي يابنات

[راكان1400]

كيفكم بنات ..
معليش امس مارديت عليكم ,, النت فصل عندي وحالة ,,
المهم انا كمان امس رحت القسم في حالة ومو عارفين راسهم من رجولهم ,,سواء طالبات او استاذات

والمشكلة دكتورة نوال كل يوم تقول بكرة .. والى الان محلك سر ,,
واخذت رقمي على اساس تكلمني امس والى الان ماتصلت ,,

فـ صراحة انا مرة طفشت واوضاعي ماتسمح اقعد في جدة لنهاية الاسبوع ..

[النورس الابيض]

ياهلا اختي راكان 1400
أنا كمان أمس اتصلت عليها وأخذت رقمي على أساس بتكلمني وتقولي مين مرشدتي وما كلمتني شكلها نسيت الله يعينها ، وقالت لي إنه كمان عندها طالبة تسألها نفس سؤالي..

[راكان1400]

هههههههههههههههههههه

صح صح حصل وانا اللي كنت موجودة ,, حتى سالتك من برا جدة ولالا لاني عقدتها

من دا الموضوع ,,

يلا ان شاء الله نجتمع على خير ,,

[النورس الابيض]

هههههههههههههههه بالضبط سألتني إنتي في الجامعة؟ إنتي في جدة ولا برا؟
هههههههههههههه والله ما أدري مين عقد مين يا أختي بكرة بتنتهي فترة الحذف والإضافة واحنا زي ما احنا ما احنا عارفين رأسنا من رجولنا.. بس شكلنا كأننا عاملين حصار لها هذاك الوقت الله يعينها والله
طيب عندك تحويلة أ. عزة
لأن اللي عندي الظاهر تغيرت

آآآآآآآآآآآمين على خير إن شاء الله

[راكان1400]

لا والله للاسف ماعندي ..